Ўзбекистон Республикаси Ҳукумати номидан Ўзбекистон Республикаси Вазирлар Маҳкамаси Фан ва технологияларни ривожлантиришни мувофиқлаштириш қўмитаси ва Малайзия Ҳукумати номидан Малайзия Фан, технология ва инновация вазирлиги (бундан кейин алоҳида «Томон» ва биргаликда «Томонлар» деб аталувчилар),

икки мамлакат ўртасидаги мавжуд дўстона муносабатларни эътироф этиб;

иккала мамлакат иқтисодиётининг тараққий этишида фан ва технологиянинг муҳимлигини англаб,

икки мамлакат ўртасида фан ва технология соҳасидаги ҳамкорликни мустаҳкамлаш ва янада ривожлантиришни истаб,

бундай ҳамкорликнинг ўрнатилиши иккала мамлакатнинг умумий манфаатларига хизмат қилишига ҳамда фан ва технологиянинг тараққий этиши ва ривожланишига ҳисса қўшишига ишониб,

Томонлар ушбу Англашув Меморандумининг қоидалари ҳамда ҳар бир мамлакатда амалда бўлган қонунлар, қоидалар, йўриқномалар ва миллий сиёсатга амал қилиб тенг ҳуқуқлилик ва ўзаро манфаатдорлик асосида икки давлат ўртасида фан ва технология соҳасидаги ҳамкорликни мустаҳкамлаш, қўллаб-қувватлаш ва ривожлантириш тўғрисида келишиб олдилар.

1. Ҳар бир Томон, ўз мамлакатларидаги ушбу Англашув Меморандуми предметини тартибга солувчи амалдаги қонунлар, қоидалар, йўриқномалар ва миллий сиёсатга асосланган ҳолда, қуйидаги соҳаларда ҳамкорликни рағбатлантириш ва қўллаб-қувватлаш учун зарур бўлган чора-тадбирларни амалга оширишга ҳаракат қиладилар:

(а) тадқиқот ихтиролари, илмий ва техникавий маълумотлар ҳамда ҳужжатлар билан ўзаро алмашишни ўз ичига олган қўшма тадқиқотлар, ривожлантириш ва дизайн лойиҳаларини олиб бориш;

(б) қўшма лойиҳаларни амалга оширишда иштирок этаётган олимлар, мутахассислар ва тадқиқотчилар билан алмашиш:

(в) биргаликдаги илмий конференциялар, симпозиумлар, курслар семинарлар ва кўргазмалар ташкил этиш;

(г) қўшма лойиҳаларда Томонларнинг илмий тадқиқотлар ўтказиш қурилмалари ва ускуналаридан умумий фойдаланиш; ва

(д) Томонлар ўртасида ўзаро келишиб олинган ушбу Англашув Меморандуми доирасидаги ҳамкорликнинг бошқа шакллари.

Ушбу Англашув Меморандумининг бажарилишига, Ўзбекистон Республикаси Ҳукумати номидан Ўзбекистон Республикаси Вазирлар Маҳкамаси Фан ва технологияларни ривожлантиришни мувофиқлаштириш қўмитаси, Малайзия Ҳукумати номидан Малайзия Фан, технология ва инновация вазирлиги масъулдир.

1 Ушбу Англашув Меморандумни бажарилишини енгиллаштириш учун Томонлар вакилларидан ташкил топган Илм-фан ва технологик ҳамкорлик бўйича Қўшма қўмита (Қўшма қўмита) тузилади. Ҳар бир Томон Қўшма қўмитага навбати билан раислик қилувчи вакилни тайинлайди. Қўшма қўмита аъзолари тегишли Томон тарафидан аниқланади.

2. Қўшма қўмита ўзининг иш тартиби қоидаларини қабул қилади ва ҳар икки йилда бир марта ёки ўзаро келишувга кўра навбати билан Ўзбекистон Республикасида ва Малайзияда учрашади.

3. Қўшма қўмита қуйидагилар учун масъул ҳисобланади:

(а) Фан ва технология соҳасида ҳамкорликни режалаштириш, мувофиқлаштириш, кузатиш ва рағбатлантириш;

(б) Томонлар амалга ошираётган ҳамкорлик фаолиятларини рағбатлантириш ва икки Томон ўртасида фан ва технология соҳасида ҳамкорликни янада ривожлантириш таклифларини кўриб чиқиш;

(в) Ушбу Англашув Меморандумга мувофиқ амалга оширилаётган ҳамкорлик фаолиятларини татбиқ этилишини қўллаб-қувватлаш ва рағбатлантириш;

(г) Ушбу Англашув Меморандумнинг келажаги бўйича фикрлар алмашиш.

4. Қўшма қўмита ўз вазифаларини бажаришда зарур бўлса, муайян масалалар билан шуғулланиши учун вақтинчалик ёки доимий қўшма ёрдамчи қўмита ёки ишчи гуруҳларини тузиши мумкин.

1. Томонлар, ушбу Англашув Меморандумини бажаришда, мазкур Англашув Меморандумига мувофиқ амалга ошириладиган ҳамкорликдаги фаолиятларида Томонларнинг давлат ва/ёки хусусий секторлари (бундан кейин алоҳида «иштирок этувчи институт» ва биргаликда «иштирок этувчи институтлар» деб аталадилар) иштирокини рағбатлантиришлари ва уларга кўмаклашишлари лозим.

2. Иштирок этувчи институтлар ушбу Англашув Меморандумига мувофиқ амалга ошириладиган ҳамкорликдаги фаолиятлари доирасида хусусан қуйидагиларни ўз ичига оладиган қўшимча битимлар тузадилар:

(а) ҳамкорликнинг мақсади;

(б) қўшимча битимларни бажарадиган иштирок этувчи институтлар;

(в) қўшимча битимларни бажариш учун амалга ошириладиган молиявий келишувлар; ва

(г) қўшма илмий лойиҳалар натижаларидан фойдаланишнинг чора-тадбирлари.

3. Томонлар томонидан 2-моддага мувофиқ амалга оширилган ҳар қандай алмашинув дастурларининг тафсилотлари Томонларнинг розилигига асосан келишиб олиниши лозим. Ўқитувчилар, талабалар ёки ўқув материаллари билан алмашиш ўзаро бўлиши шарт эмас.

Томонларнинг ҳар бири, ўз мамлакатларидаги ушбу Англашув Меморандуми предметини тартибга солувчи амалдаги қонунлар, қоидалар, йўриқномалар ва миллий сиёсатга асосланган холда, бошқа Томонга ушбу Англашув Меморандумини бажаришда зарур бўлган ёрдамни кўрсатишга ҳаракат қиладилар.

Ушбу Англашув Меморандуми доирасида амалга ошириладиган ҳамкорликдаги фаолиятлар харажатларини қоплаш учун кўриладиган молиявий чоралар, ҳар бир ҳолат юзасидан воситалар ва захиралар мавжудлигини ҳисобга олган ҳолда, Томонларнинг ўзаро розилигига кўра келишиб олинади.

1. Ҳар бир Томон иккинчи Томоннинг ёзма розилиги билан ушбу Англашув Меморандумига мувофиқ амалга оширилаётган қўшма лойиҳалар ва дастурларга учинчи томонни иштирок этиш учун таклиф этиши мумкин.

2. Ушбу модданинг 1-қисмида кўрсатилган қоидалардан қатъи назар, Томонлар учинчи томоннинг қўшма лойиҳалар ва дастурлардаги иштирок этиши Томонлар қабул қилган шарт-шароитларга асосан тартибга солинади.

1. Интеллектуал мулк объектларига бўлган ҳуқуқларнинг ҳимояси Томонларнинг амалдаги тегишли қонунлар, қоидалар ва йўриқномаларга ҳамда ҳар иккала Томон имзолаган халқаро битимларга мувофиқ амалга оширилади.

2. Томонлардан бирининг номи, белгиси ва/ёки расмий эмблемасидан нашр, ҳужжат ва/ёки бошқа қоғозларда фойдаланиш, ушбу Томоннинг ёзма рухсатисиз тақиқланади.

3. Ушбу модданинг 1-қисмида кўрсатилган қоидалардан қатъи назар, амалга ошириладиган ҳар қандай технологик янгилик, маҳсулот ва хизматларнинг ривожланишига оид интеллектуал мулк объектларига бўлган ҳуқуқлар:

а) Томонларнинг биргаликдаги фаолияти ёки Томонларнинг ўзаро ҳамкорликда амалга оширилган тадқиқотлар натижасида яратилган бўлса, ўзаро келишилган шартларга мувофиқ ҳар иккала Томонга тегишли ҳисобланади;

б) Томонлардан бирининг якка ёки алоҳида фаолияти ёхуд якка ёки алоҳида амалга оширган тадқиқотлари натижасида яратилган бўлса, фақат ўша Томонга тегишли ҳисобланади.

1. Томонларнинг хар бири, ушбу Англашув Меморандумининг ёки унга мувофиқ тузилган бошқа хар қандай битимларнинг бажарилиши даврида бошқа Томондан олинган ҳужжатлар, ахборот ёки бошқа маълумотларнинг махфийлиги ва сир тутилишига риоя этиш мажбуриятини олади. Ҳар доим учинчи томон ҳужжатлар, ахборот ёки бошқа маълумотларни олиши учун ушбу ҳужжатлар, ахборот ёки бошқа маълумотларни тақдим қилган Томоннинг ёзма рухсати билан амалга оширилади.

2. Ҳар икки Томон мазкур модда қоидалари, ушбу Англашув Меморандуми тугатилишига қарамасдан, Томонлар ўртасида мажбурий бўлиб қолишига келишиб олдилар.

Ҳар бир Томон миллий хавфсизлик, манфаат, жамоат тартиби ва соғлиғидан келиб чиққан ҳолда ушбу Англашув Меморандумининг бажарилишини вақтинчалик тўлиқ ёки қисман тўхтатиб қўйиш ҳуқуқини сақлаб қолади, бундай тўхтатиш бошқа Томоннинг дипломатик каналлар орқали хабардор қилинганидан сўнг дарҳол амал қила бошлайди.

Томонлар ўзаро розилик асосида ушбу Англашув Меморандумини қайта кўриб чиқишлари, унинг барча ёки айрим қисмларига ўзгартиш ёки қўшимчалар киритишлари мумкин. Бундай қайта кўриб чиқиш, ўзгартиш ёки қўшимчалар киритиш ёзма шаклда амалга оширилади ва ушбу Англашув Меморандумининг таркибий қисми ҳисобланади. Ҳар қандай қайта кўриб чиқиш, киритилган ўзгариш ва қўшимчалар Томонлар томонидан белгиланган санадан бошлаб кучга киради ҳамда бундай қайта кўриб чиқиш, ўзгартиш ва қўшимчалар уларнинг кучга киргунига кадар ушбу Англашув Меморандумидан келиб чиққан ёки унга асосланган Томонларнинг ҳуқуқ ва мажбуриятларига таъсир этмайди.

Ушбу Англашув Меморандумнинг шартларини талқин қилишда ва/ёки бажаришда ва/ёки қўллашда Томонлар ўртасида вужудга келган ҳар қандай келишмовчиликлар ёки низолар учинчи томон ёки халқаро трибуналга мурожаат қилмаган ҳолда дипломатик каналлар орқали Томонлар ўртасидаги ўзаро маслаҳатлашувлар ва/ёки музокаралар орқали дўстона ҳал этилади.

1. Ушбу Англашув Меморандуми имзоланган кундан бошлаб кучга киради ва 5 (беш) йил давомида амал қилади. Бундан сўнг, агар Томонлардан бири бошқа Томонга ушбу Англашув Меморандумининг амал қилиш муддати тугатиш ният қилинаётган санадан камида 6 (олти) ой олдин уни бекор қилиш тўғрисида дипломатик каналлар орқали ёзма равишда хабар бермаса, у ўз-ўзидан кейинги бир (1) йиллик муддатга узайтирилади.

2. Ушбу Англашув Меморандумининг тугатилиши унинг тугашига қадар келишилган, лекин ниҳоясига етмаган тадбирлар/дастурларнинг амалга оширилишига таъсир кўрсатмайди.

Юқоридагиларни тасдиқлаб, ўз Ҳукуматлари томонидан тегишли ваколат олган куйида имзо чекувчилар ушбу Англашув Меморандумини имзоладилар.

Тошкент шаҳрида 2008 йил 17 ноябрь куни икки (2) асл нусхада, ўзбек ва инглиз тилларида тузилди, бунда барча матнлар бир хил кучга эга. Матнларни талқин қилишда келишмовчиликлар юзага келган ҳолда инглиз тилидаги матн устувор ҳисобланади.