Ўзбекистон Республикаси Президентининг «Қишлоқ хўжалиги машинасозлиги тармоғини янада ислоҳ қилиш чора-тадбирлари тўғрисида» 2008 йил 4 апрелдаги 830-сон қарорини бажариш юзасидан ҳамда қишлоқ хўжалигини илгари «Ўзбекқишлоқмаш» ОАЖ томонидан ишлаб чиқарилган техника билан таъминлаш мақсадида Вазирлар Маҳкамаси қарор қилади:

1. Ўзбекистон Республикаси Молия вазирлиги, Давлат мулки қўмитаси, Монополиядан чиқариш, рақобат ва тадбиркорликни қўллаб-қувватлаш давлат қўмитасининг қишлоқ хўжалиги техникаси ва унга бутловчи буюмлар ишлаб чиқаришни ташкил этиш учун тугатилаётган «Ўзбекқишлоқмаш» ОАЖдан «Агрегат заводи» ОАЖга:

тугатиш қиймати бўйича — иловага* мувофиқ рўйхат бўйича ишлаб чиқариш асбоб-ускуналарини «Агрегат заводи» ОАЖнинг устав фондидаги давлат улушини кўпайтириш ҳисобига;

текин асосда — конструкторлик ва технологик ҳужжатларни, шунингдек технологик жиҳозларни бериш тўғрисидаги таклифига розилик берилсин.

2. Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитаси кўрсатиб ўтилган ишлаб чиқариш асбоб-ускуналари, конструкторлик ва технологик ҳужжатлар, шунингдек технологик жиҳозлар «Агрегат заводи» ОАЖга берилишини таъминласин.

3. Белгилансинки:

ишлаб чиқариш асбоб-ускуналарини қайта жойлаштириш, монтаж қилиш, ишга тушириш-созлаш ишлари ва ишлаб чиқариш қувватларини қишлоқ хўжалиги техникаси ишлаб чиқаришга тайёрлаш «Агрегат заводи» ОАЖнинг ўз маблағлари ҳисобига амалга оширилади;

«Агрегат заводи» ОАЖ 2009 йилдан бошлаб «Ўзбекқишлоқмаш» ОАЖнинг қишлоқ хўжалиги техникаси номенклатураси ишлаб чиқарилишини ва босқичма-босқич модернизация қилинишини таъминласин.

4. Ўзбекистон Республикаси Давлат мулки қўмитаси:

Ўзбекистон Республикаси Монополиядан чиқариш, рақобат ва тадбиркорликни қўллаб-қувватлаш давлат қўмитаси, Адлия вазирлиги билан биргаликда инвесторларнинг инвестиция мажбуриятларини ва уларни бажариш жадвалларини аниқ акс эттирган ҳолда «Ўзбекқишлоқмаш» ОАЖнинг кўчмас мол-мулкини сотишга шартномалар тузишда «Ўзбекқишлоқмаш» ОАЖнинг тугатувчи бошқарувчисига кўмаклашсин;

инвесторлар қабул қилган инвестиция мажбуриятлари улар томонидан бажарилиши устидан қатъий назоратни таъминласин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари У.У.Розуқулов зиммасига юклансин.