Қўмитанинг мазкур давр мобайнидаги фаолияти Ўзбекистон Республикаси Президенти И.А. Каримов томонидан Ўзбекистон Республикаси Олий Мажлиси Қонунчилик палатаси ва Сенатининг 2005 йил 28 январдаги қўшма мажлисида илгари сурилган жамиятни демократлаштириш ва янгилаш, мамлакатни модернизация ва ислоҳ этиш концепцияси, Ўзбекистон Республикаси Олий Мажлиси Қонунчилик палатасининг 2005 йил ва келгуси йилларга мўлжалланган қонунчилик фаолияти дастурига мувофиқ амалга ошириб келинган.

Қўмита томонидан ҳисобот даврида мамлакатнинг мудофаа қобилиятини ва хавфсизлигини таъминлашнинг ҳуқуқий асосларини яратиш ҳамда бу соҳада амалга оширилаётган ислоҳотларнинг қонунчилик базасини такомиллаштиришга қаратилган 21 та қонун лойиҳаси Қонунчилик палатасининг муҳокамаси ва қабул қилиши учун тайёрланди. Улар орасида «Экспорт назорати тўғрисида»ги Қонуннинг 9-моддасига қўшимча киритиш ҳақида»ги, «Мудофаа тўғрисида»ги, «Умумий ҳарбий мажбурият ва ҳарбий хизмат тўғрисида»ги, «Ўзбекистон Республикасининг Қуролли Кучлари резервидаги хизмат тўғрисида»ги Ўзбекистон Республикаси қонунларига ўзгартиш ва қўшимчалар киритиш ҳақида»ги, «Содиқ хизматлари учун» медалини таъсис этиш тўғрисида»ги, «Ўзбекистон Республикасининг Маъмурий жавобгарлик тўғрисидаги кодексининг 125-моддасига ўзгартиш ва қўшимчалар киритиш тўғрисида»ги, «Ўзбекистон Республикаси Олий Мажлисининг 2001 йил 12 майда қабул қилинган «Амалга оширилиши учун лицензиялар талаб қилинадиган фаолият турларининг рўйхати тўғрисида»ги 222-II-сонли Қарорининг 1-иловасига ўзгартиш ва қўшимчалар киритиш тўғрисида»ги, «Ўзбекистон Республикасининг Маъмурий жавобгарлик тўғрисидаги кодексига қўшимчалар киритиш ҳақида»ги, «Ўзбекистон Республикасининг ядровий терроризм актларига қарши кураш тўғрисидаги халқаро конвенцияга (Нью-Йорк, 2005 йил 13 апрель) қўшилиши ҳақида»ги, «Бирлашган Миллатлар Ташкилотининг Коррупцияга қарши конвенциясига (Нью-Йорк, 2003 йил 31 октябрь) Ўзбекистон Республикасининг қўшилиши тўғрисида»ги, «Ўзбекистон Республикасининг Коллектив хавфсизлик тўғрисидаги шартномага (Тошкент, 1992 йил 15 май) қўшилиши ҳақида»ги, «Ўзбекистон Республикасининг Коллектив хавфсизлик тўғрисидаги шартнома ташкилотининг ҳуқуқий мақоми ҳақидаги Битимга (Кишинев, 2002 йил 7 октябрь) қўшилиши тўғрисида»ги, «Ўзбекистон Республикасининг Коллектив хавфсизлик тўғрисидаги шартнома ташкилотининг Уставига (Кишинев, 2002 йил 7 октябрь) қўшилиши ҳақида»ги, «Ўзбекистон Республикасининг 1992 йил 15 майдаги Коллектив хавфсизлик тўғрисидаги шартномани узайтириш ҳақидаги Баённомага (Москва, 1999 йил 2 апрель) қўшилиши тўғрисида»ги, «Ўзбекистон Республикасининг Коллектив хавфсизлик тўғрисидаги шартнома ташкилоти доирасида махфий ахборотнинг сақланишини ўзаро таъминлаш ҳақидаги Битимга (Остона, 2004 йил 18 июнь) қўшилиши тўғрисида»ги, «Ўзбекистон Республикасининг 1992 йил 15 майдаги Коллектив хавфсизлик тўғрисидаги шартноманинг иштирокчи давлатлари ўртасидаги ҳарбий-техникавий ҳамкорликнинг асосий принциплари ҳақидаги Битим доирасида етказиб бериладиган, ҳарбий соҳа учун мўлжалланган маҳсулотлардан мақсадли фойдаланилиши устидан назоратни амалга ошириш тартиби тўғрисида 2002 йил 7 октябрда Кишинев шаҳрида имзоланган Баённомага ҳамда 1992 йил 15 майдаги Коллектив хавфсизлик тўғрисидаги шартноманинг иштирокчи давлатлари ўртасидаги ҳарбий-техникавий ҳамкорликнинг асосий принциплари ҳақидаги Битим доирасида етказиб бериладиган, ҳарбий соҳа учун мўлжалланган маҳсулотлардан мақсадли фойдаланилиши устидан назоратни амалга ошириш тартиби тўғрисидаги Баённомага ўзгартиш ва қўшимчалар киритиш ҳақида 2004 йил 22 ноябрда Москва шаҳрида имзоланган Баённомага қўшилиши тўғрисида»ги, «Ўзбекистон Республикасининг 1992 йил 15 майдаги Коллектив хавфсизлик тўғрисидаги шартноманинг иштирокчи давлатлари ўртасидаги ҳарбий-техникавий ҳамкорликнинг асосий принциплари ҳақидаги Битимга (Москва, 2000 йил 20 июнь) ҳамда «Ўзбекистон Республикасининг 1992 йил 15 майдаги Коллектив хавфсизлик тўғрисидаги шартноманинг иштирокчи давлатлари ўртасидаги ҳарбий-техникавий ҳамкорликнинг асосий принциплари ҳақидаги Битимга ўзгартиш ва қўшимчалар киритиш тўғрисидаги Баённомага (иш тартибида имзоланган, 2003 йил 19 сентябрь) қўшилиши ҳақида»ги, «Шанхай ҳамкорлик ташкилотига аъзо давлатлар ўртасида 2002 йил 7 июнда Санкт-Петербург шаҳрида (Россия Федерацияси) имзоланган Минтақавий аксилтеррор тузилмаси тўғрисидаги Битимга ўзгартишлар киритиш ҳақидаги Баённомани (Бишкек, 2007 йил 16 август) ратификация қилиш тўғрисида»ги, «Ўзбекистон Республикаси Ҳукумати билан Бирлашган Араб Амирликлари Ҳукумати ўртасида уюшган жиноятчилик, терроризм ва жиноятчиликнинг бошқа хавфли турларига қарши кураш соҳасида ҳамкорлик тўғрисидаги Битимни (Абу Даби, 2008 йил 17 март) ратификация қилиш ҳақида»ги Ўзбекистон Республикаси қонунлари бор.

Бундан ташқари «Тезкор-қидирув фаолияти тўғрисида»ги ҳамда «Қутқарув хизмати ва қутқарувчининг мақоми тўғрисида»ги Ўзбекистон Республикаси қонунлари Олий Мажлиснинг Қонунчилик палатасида қабул қилиниб, Сенатга юборилган, шунингдек Қонунчилик палатасида «Терроризмга қарши кураш тўғрисида»ги Ўзбекистон Республикаси Қонунининг 29-моддасига ўзгартиш киритиш ҳақида»ги Ўзбекистон Республикаси қонуни лойиҳаси биринчи ўқишда кўриб чиқилган.

Ҳисобот даврида Қўмита томонидан Ўзбекистон Республикасининг амалдаги 5 та қонуни ижроси ўрганилиб, 15 та назорат-таҳлил тадбирлари амалга оширилган, шу жумладан назорат-таҳлил тадбирлари якунларига кўра 4 та сайёр йиғилиш ташкил этилган. Назорат-таҳлил ишларининг натижаларига оид хулосалар қонун ижрочиларига юборилган ва кейинчалик Қўмитанинг кенгайтирилган йиғилишларида муҳокама қилиниб, тегишли тавсиялар қабул қилинган. Ушбу тавсиялар тегишли идораларга юборилиб, Қўмита томонидан назоратга олинган.

Ҳисобот даврида Қўмита томонидан аҳолининг турли қатламлари ўртасида жамият ҳаётининг барча соҳаларини ислоҳ қилишга доир давлат сиёсатининг моҳиятини уларнинг эътиборига етказишга қаратилган, шунингдек хавфсизлик ва барқарорликни таъминлаш, терроризм, экстремизм ва гиёҳвандлик моддаларининг ноқонуний айланишига қарши кураш масалаларига бағишланган кенг тушунтириш ишлари олиб борилган. Бу борадаги ишлар парламент фаолиятини ёритиш ва қабул қилинган қонунлар тўғрисида сайловчиларни хабардор қилиш масалаларини ҳам ўз ичига олган. Ана шу фаолият доирасида ўтган давр мобайнида Қўмита томонидан 16 та илмий-амалий конференция, 33 та семинар, 71 та давра суҳбати ўтказилган. Қўмита аъзолари ОАВ да турли долзарб мавзуларда 674 марта чиқиш қилган.

Ҳисобот даврида Қўмита ўз ваколати доирасида фуқароларнинг 300 дан ортиқ ариза ва шикоятларини кўриб чиққан, уларнинг бир қисми ижобий ҳал бўлган.

Шу билан бирга Қўмита фаолиятини ташкил этишга халақит берувчи айрим ҳоллар мавжуд. Чунончи, 2005 — 2009 йиллар учун мўлжалланган қонун ижодкорлиги фаолиятининг тасдиқланган, тегишли вазирликлар ва идоралар билан келишилган режаси мавжуд бўлишига қарамай, масъул идоралар томонидан қонун лойиҳаларини Қонунчилик палатаси муҳокамасига киритишни кечиктириш ҳоллари учраб турибди. Бундай қонун лойиҳалари қаторига «Ҳарбий хизматчиларнинг мақоми тўғрисида»ги, «Ҳарбий хизматчиларнинг пенсия таъминоти тўғрисида»ги, «Ўзбекистон Республикасида сафарбарлик ва сафарбарликка тайёргарлик тўғрисида»ги, «Ўзбекистон Республикаси Миллий хавфсизлик хизмати тўғрисида»ги, «Ички ишлар органлари тўғрисида»ги, «Қурол-яроғ тўғрисида»ги, «Ёнғин хавфсизлиги тўғрисида»ги Ўзбекистон Республикаси қонун лойиҳаларини киритиш мумкин. Қўмита мазкур қонун лойиҳаларини тайёрлашга доир ишларнинг бориши ҳақида мунтазам равишда ахборот сўраб ва олиб турибди.

Ўзбекистон Республикаси Олий Мажлисининг Қонунчилик палатаси қарор қилади:

1. Ўзбекистон Республикаси Олий Мажлиси Қонунчилик палатаси Мудофаа ва хавфсизлик масалалари қўмитасининг 2005 — 2007 йиллар ва 2008 йилнинг тўққиз ойи давомидаги фаолияти тўғрисидаги ҳисоботи маълумот учун қабул қилинсин.

2. Ўзбекистон Республикаси Олий Мажлиси Қонунчилик палатасининг Мудофаа ва хавфсизлик масалалари қўмитаси:

Қўмитанинг қонун ижодкорлиги ва назорат-таҳлил ишлари соҳасидаги фаолиятини мақбуллаштириш ва унинг самарадорлигини оширишга қаратилган, шунингдек мамлакат мудофааси ва хавфсизлигини таъминлаш, терроризм, экстремизм ва гиёҳвандлик моддаларининг ноқонуний айланишига қарши кураш соҳасидаги давлат сиёсатининг моҳиятини тушунтириш, парламент томонидан амалга оширилаётган фаолиятнинг моҳиятини ва мамлакатнинг ижтимоий-иқтисодий ривожланиши якунларини аҳолига етказиш чора-тадбирларини кўрсин;

қонунчилик ташаббуси субъектлари билан ўзаро ҳамкорликни янада такомиллаштирсин, бунда Ўзбекистон Республикаси Олий Мажлисининг Қонунчилик палатаси муҳокамасига киритиш режалаштирилган қонун лойиҳаларини ўз вақтида тайёрлаш ва киритишга алоҳида эътибор берсин;

жойларда қонунларнинг ижроси юзасидан ўтказиладиган назорат-таҳлил тадбирларининг таъсирчанлигини оширишга эришсин.

3. Ўзбекистон Республикаси Олий Мажлиси Қонунчилик палатасининг Мудофаа ва хавфсизлик масалалари қўмитасига мазкур Қарорнинг ижроси тўғрисида 2008 йилги ҳисоботида ахборот тақдим этиш топширилсин.

4. Ушбу Қарорнинг ижроси устидан назорат қилиш Ўзбекистон Республикаси Олий Мажлиси Қонунчилик палатаси Спикерининг ўринбосари Х.Н. Дўстмуҳамедов зиммасига юклатилсин.