Ўзбекистон Республикаси Президентининг «Хорижий инвестициялар иштирокида «Женерал Моторс Ўзбекистон» корхонасини барпо этиш тўғрисида» 2008 йил 21 февралдаги ПҚ-800-сон қарорини бажариш юзасидан, 2010 йилнинг III чорагида замонавий хавфсизлик, қулайлик ва дизайн талабларига жавоб берадиган «М300» моделидаги автомобилларни сериялаб ишлаб чиқаришни ўзлаштириш йўли билан Асака шаҳридаги автозавод ишлаб чиқараётган маҳсулотлар турларини янгилаш мақсадида Вазирлар Маҳкамаси қарор қилади:

1. 2008 йил 26 сентябрда «Женерал Моторс Ўзбекистон» ёпиқ акциядорлик жамияти билан «Женерал Моторс ДЭУ Авто энд Технолоджи» компанияси (Корея Республикаси) ўртасида «М300» моделидаги автомобилларни сериялаб ишлаб чиқаришни ташкил этиш учун машина ва асбоб-ускуналар етказиб бериш юзасидан контракт тузилганлиги маълумот учун қабул қилинсин.

2. «Женерал Моторс Ўзбекистон» ёпиқ акциядорлик жамиятида «М300» моделидаги автомобилларни сериялаб ишлаб чиқаришни ўзлаштириш бўйича йилига 50 минг автомобиль ишлаб чиқарадиган қувватларни ташкил этишни назарда тутувчи лойиҳанинг техник-иқтисодий асослаши иловага* мувофиқ асосий техник-иқтисодий параметрлари билан бирга тасдиқлансин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари У.У. Розуқулов зиммасига юклансин.