Ўзбекистон Республикасининг «Ўзбекистон Республикасининг Марказий банки тўғрисида» (Ўзбекистон Республикаси Олий Мажлисининг Ахборотномаси, 1995 йил, 12-сон, 247-модда) ва «Валютани тартибга солиш тўғрисида»ги (янги таҳрирда) (Ўзбекистон Республикаси Олий Мажлисининг Ахборотномаси, 2004 йил, 1-2-сон, 6-модда) қонунлари, Ўзбекистон Республикаси Президентининг 2006 йил 29 августдаги ПҚ-456-сонли «Пахта толасини сотиш ва унинг учун ҳисоб-китоб қилиш механизмини тартибга солиш тўғрисида»ги (Ўзбекистон Республикаси қонун ҳужжатлари тўплами, 2006 йил, 36-сон, 359-модда), 2007 йил 21 ноябрдаги ПҚ-733-сонли «Пахта толасини республиканинг ички истеъмолчиларига сотишни такомиллаштириш ва тўқимачилик саноатини ривожлантириш чора-тадбирлари тўғрисида»ги (Ўзбекистон Республикаси қонун ҳужжатлари тўплами, 2007 йил, 46-47-сон, 467-модда) ҳамда 2008 йил 11 мартдаги ПҚ-815-сонли «Ўзбекистон Республикаси Президентининг айрим қарорларига ўзгартишлар киритиш тўғрисида»ги (Ўзбекистон Республикаси қонун ҳужжатлари тўплами, 2008 йил, 10-11-сон, 58-модда) қарорларига мувофиқ Марказий банк Бошқаруви қарор қилади:

1. Ўзбекистон Республикаси Марказий банки Бошқарувининг 2005 йил 10 сентябрдаги 611-сонли «Пахта толасини экспорт қилиш ва чет эл инвестицияси иштирокидаги корхоналарга сотиш бўйича чет эл валютасидаги тушумдан мажбурий сотувни амалга ошириш ҳамда пахта толасини экспорт қилишга оид шартномалар бўйича банк кафолатларини бериш ва захира аккредитивларини очиш тартиби тўғрисида низомни тасдиқлаш ҳақида»ги қарорига (Рўйхат рақами 1512, 2005 йил 20 сентябрь — Ўзбекистон Республикаси қонун ҳужжатлари тўплами, 2005 йил, 37-38-сон, 291-модда), иловага мувофиқ ўзгартиришлар киритилсин.

2. Ушбу қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.

1. Қарорнинг номи ва 1 бандидаги «чет эл инвестицияси иштирокидаги корхоналарга» сўзлари «пахта толасига ишлов берувчи республика корхоналарига» сўзлари билан алмаштирилсин.

2. «Пахта толасини экспорт қилиш ва чет эл инвестицияси иштирокидаги корхоналарга сотиш бўйича чет эл валютасидаги тушумдан мажбурий сотувни амалга ошириш ҳамда пахта толасини экспорт қилишга оид шартномалар бўйича банк кафолатларини бериш ва захира аккредитивларини очиш тартиби тўғрисида»ги Низомда:

а) номидаги «чет эл инвестицияси иштирокидаги корхоналарга» сўзлари «пахта толасига ишлов берувчи республика корхоналарига» сўзлари билан алмаштирилсин;

б) муқаддимадаги «чет эл инвестицияси иштирокидаги корхоналарга» сўзлари «пахта толасига ишлов берувчи республика корхоналарига (бундан кейинги ўринларда республика корхоналари деб юритилади)» сўзлари билан алмаштирилсин;

в) 2-банддаги, 3-бандининг иккинчи хатбошисидаги, 4-бандининг биринчи ва иккинчи хатбошисидаги, 6-банддаги, 8-бандининг учинчи хатбошисидаги, 9-банддаги «чет эл инвестицияси иштирокидаги корхоналарга» сўзлари «республика корхоналарига» сўзлари билан алмаштирилсин.

3. Ушбу ўзгартиришлар Ўзбекистон Республикаси Молия вазирлиги, Ташқи иқтисодий алоқалар, инвестициялар ва савдо вазирлиги билан келишилган.