Ўзбекистон Республикаси Ҳукумати билан Хитой Халқ Республикаси Ҳукумати, бундан кейин «Томонлар» деб аталувчилар,

икки Томоннинг божхона маъмуриятлари ўртасида ҳамкорликни йўлга қўйиш ва ривожлантириш ҳамда ўзаро кўмаклашишга интилиб,

икки Томоннинг божхона маъмуриятлари ўртасида ҳамкорлик ёрдамида иккала Томон ўртасида товарлар ва йўловчилар ҳаракатланишига кўмаклашиш истагида,

божхона қонун ҳужжатларининг бузилиши иккала Томоннинг иқтисодий, ижтимоий ва солиқ манфаатларига зиён етказишини эътиборга олиб,

божхона ҳуқуқбузарлигига қарши йўналтирилган ҳаракатлар иккала Томон божхона маъмуриятлари ўртасидаги ҳамкорликнинг янада самарали воситаси бўлиши мумкинлигига амин бўлиб,

аҳдлашувчи Томонлар қабул қилган ва уларга нисбатан қўлланиладиган халқаро конвенциялар доирасида юклатиладиган мажбуриятларни эътиборга олиб,

Ушбу Битим мақсадларида:

1. «Божхона қонун ҳужжатлари» атамаси товарларнинг импорт, экспорт, ҳаракатланиш ёки сақлаш, шунингдек, қонун ҳужжатларига мувофиқ бошқариш ва назоратни амалга ошириш учун юклатилган махсус юклатилган ваколатлар доирасида қабул қилган йўриқномаларни англатади;

2 «Божхона маъмуриятлари» атамаси Ўзбекистон Республикасида Давлат божхона қўмитасини, Хитой Халқ Республикасида Бош божхона маъмуриятини англатади;

3. «Ҳуқуқбузарлик» атамаси ҳар қандай божхона қонун ҳужжатларини бузиш ёки бузишга бўлган уринишни англатади;

4. «Божхона божлари ва солиқлари» атамаси божхона қонун ҳужжатларига мувофиқ ундириладиган божхона божлари ҳамда барча турдаги божлар, солиқлар ва йиғимларни англатади.

Томонлар божхона маъмуриятлари ушбу Битим қоидалари ва ўзларининг тегишли мамлакатлари ички қонун ҳужжатларининг қоидаларига мувофиқ ўз ваколатлари ҳамда масъулиятлари доирасида бир-бирларига ўзаро кўмаклашадилар.

Томонлар ушбу Битимнинг қоидаларига мувофиқ ўзларининг божхона маъмуриятлари орқали ҳар қандай ҳуқуқбузарлигининг олдини олиш, тергов қилиш ва уларга қарши курашда бир-бирларига ўзаро кўмаклашишга розилик билдирдилар.

Томонлар божхона маъмуриятлари ушбу Битим қоидаларига мувофиқ божхона қонун ҳужжатларига риоя қилишни таъминлашда ёрдам бериш мақсадида тегишли ахборотни алмашадилар:

— божхона божлари, солиқлари ва тўловларининг тўғри ҳисобланишини таъминлашда;

— товарлар қийматини аниқ белгилашда;

— товарларнинг тариф ставкаларини, таснифланиши ва келиб чиқишини аниқлашда;

— икки томон савдоси бўйича статистик маълумотларда;

— товарлар, транспорт воситалари ва почта жўнатмалари устидан назорат усулларига;

— божхона ҳуқуқбузарликни содир этишнинг асосий ва янги услублари, уларни текшириш ҳамда уларга қарши курашиш услублари;

— божхона қонун ҳужжатлари ва қоидалари;

— божхона процедураларини соддалаштириш ва уйғунлаштириш ҳамда божхона бошқарувини такомиллаштириш;

— божхона фаолияти назоратида компьютер технологиялари ва техник воситаларни қўллашда;

— ўзаро қизиқиш уйғотувчи бошқа масалаларда.

1. Томонларнинг божхона маъмуриятлари ушбу Битим қоидаларига мувофиқ қуйидагилар бўйича тажриба алмашадилар:

— божхона қийматларининг уйғунлашган тизими ва баҳолаш методларини қўллаш;

— халқаро ташкилотлар фаолиятида иштирок этиш ва халқаро конвенцияларни қўллаш;

— божхона ходимларини ўқитиш ва қайта тайёрлаш.

2. Томонларнинг божхона маъмуриятлари ушбу Битим қоидаларига мувофиқ божхона иши соҳасида ҳамкорлик қиладилар, жумладан:

— божхона маъмуриятлари ходимлари алмашинуви;

— божхона ходимларини ўқитиш;

— божхона масалаларига оид касбий, илмий ва техник маълумотларни алмашиш.

Бир Томон божхона маъмурияти сўровига биноан бошқа Томон божхона маъмурияти ўхшаш, яъни Томонлар ўзаро ташқи савдо муносабатларида божхона ҳуқуқбузарлигини амалга ошириш мақсадида фойдаланишда гумон қилинаётган сўров берган Томоннинг товарлари ва транспорт воситалари ҳақида ахборот беради.

Бир Томон божхона маъмурияти ўз ташаббуси билан ёки бошқа Томон божхона маъмурияти сўровига кўра божхона ҳуқуқбузарлигини фош қилишда ёрдамлашувчи хусусан гиёҳвандлик воситалари, психотроп моддалар, ўқ-дори, қурол-аслаҳа ва портловчи моддалар, тарихий, бадиий, маданий ва археологик қимматликларни намоён этувчи предметлар билан боғлиқ бўлган ахборотни тақдим этади.

Ушбу Битим доирасида сўраб олинган ёки тақдим этилган ҳар қандай ахборот, ҳужжатлар ва бошқа материаллар махфийлик режимида бўлади ҳамда улардан фақат ушбу Битимда кўрсатилган мақсадлардагина фойдаланилади. Бундай ахборот, ҳужжатлар ва бошқа материалларга нисбатан қабул қилиб олувчи мамлакат ўзининг ҳудудида шунга ўхшаш ахборот, ҳужжатлар ёки бошқа материалларга қўлланиладиган ҳимоялаш воситалари ҳамда расмий махфийлик даражасини жорий этади.

1. Ушбу Битимга мувофиқ сўровлар ёзма равишда инглиз тилида юборилади ва ушбу сўровларни бажариш учун зарур ҳужжатлар сўровга илова қилинади. Агар зарурат туғилса, шошилинч равишда оғзаки сўровлар ҳам қабул қилиниши мумкин, бироқ, улар зудлик билан ёзма равишда тасдиқланиши лозим.

2. Ушбу модданинг 1-бандида назарда тутилган сўровлар қуйидаги ахборотни ўз ичига олади:

— сўров юбораётган божхона маъмурияти номи;

— сўралган ахборот ва/ёки жараёнлар тафсилоти;

— сўровнинг сабаби;

— божхона қонун ҳужжатлари ва қоидаларига тегишли бўлган қисқача тафсилоти;

— сўровга дахлдор жисмоний ва юридик шахснинг номи ва манзили;

1. Агар бир Томон божхона маъмурияти сўровни бажариш унинг давлати суверенитетига, хавфсизлигига ва бошқа ўта муҳим миллий манфаатларига зиён етказади ёки ҳар қандай корхона, уюшма ёхуд шахсий ёки бу Томон амалдаги қонун ҳужжатларини бузадиган қонуний тижорат манфаатларига зид келади деб ҳисобласа, у кўмаклашишни рад этиши ёки муайян шартлар ва талабларга амал қилинганидагина кўмаклашиши мумкин.

2. Агар кўмаклашиш тўғрисидаги сўров рад этиладиган бўлса, сўров олаётган томон божхона маъмурияти зудлик билан бундай қарор ва унинг сабаби тўғрисида ёзма равишда хабардор қилинади.

3 Агар бир Томон божхона маъмурияти ўзи худди шундай сўровнома олганидан кўмаклашишга қодир бўлмаса у ўз сўровида бунга эътибор қаратиши лозим. Бундай сўровни қондириш масаласини сўралаётган Томон божхона маъмуриятининг ўзи ҳал қилади.

1. Ушбу Битим доирасида ҳамкорлик ва кўмаклашиш тегишли божхона маъмуриятлари ўртасида бевосита алоқалар орқали олиб борилади.

2. Томонларнинг божхона органлари ушбу Битимни талқин этиш ёки қўллашда юзага келадиган барча масалаларни ўзаро маслаҳатлашувлар орқали ҳал қиладилар.

3. Ушбу Битимни бажариш масалаларини кўриб чиқиш мақсадида Томонларнинг божхона маъмуриятлари зарур деб ҳисоблаганда навбатма-навбат икки давлат ҳудудида ўзаро учрашувлар ўтказишга келишиб оладилар. Божхона маъмуриятлари учрашув вақти, жойи, учрашув кун тартиби ҳамда иштирок этувчилар юзасидан олдиндан келишиб оладилар.

Томонларнинг божхона маъмуриятлари ушбу Битимни бажаришга боғлиқ равишда келиб чиқадиган барча харажатларни қоплаши учун талабномаларни рад этадилар, божхона хизматчилари бўлмаган экспертлар, гувоҳлар ва таржимонлар бундан мустасно.

1. Ушбу Битимнинг алоҳида қоидаларини амалга ошириш мақсадида Томонлар ёки уларнинг божхона маъмуриятлари қўшимча битим ёки баённомаларни тузишлари мумкин.

2. Томонларнинг ўзаро розиликларига кўра ушбу Битимга алоҳида баённомалар орқали расмийлаштириладиган ва унинг ажралмас қисми ҳисобланадиган ўзгартиш ҳамда қўшимчалар киритилиши мумкин.

Ушбу Битим Tомонларнинг улар иштирок этган бошқа халқаро конвенциялардан келиб чиқадиган ҳуқуқ ва мажбуриятларига дахл қилмайди.

Ушбу Битим Ўзбекистон Республикаси божхона ҳудудида ва Хитой Халқ Республикаси божхона ҳудудида қўлланилади.

Ушбу Битим Томонлар унинг кучга кириши учун зарур бўлган барча миллий ҳуқуқий талабларни бажарганликлари тўғрисида бир-бирларини дипломатик каналлар орқали хабардор қиладилар. Ушбу Битим охирги ёзма хабарнома олингандан сўнг кучга киради.

Томонларнинг ҳар бири исталган вақтда дипломатик каналлар орқали ёзма хабарнома юбориб, Ушбу Битимнинг амал қилишини тўхтатиш тўғрисидаги ниятидан бошқа Томонни хабардор қилиши мумкин. Ушбу Битим бундай ёзма хабарнома олинган санадан бошлаб олти ой ўтгач, амал қилишдан тўхтайди.

Пекин шаҳрида, 2005 йил 25 майда икки нусхада, ўзбек, хитой ва инглиз тилларида тузилди, бунда барча матнлар бир хил кучга эга.

Ушбу Битим қоидаларини талқин этишда келишмовчиликлар юзага келган тақдирда, инглиз тилидаги матн асосий ҳисобланади.