Ўзбекистон Республикасининг «Биржалар ва биржа фаолияти тўғрисида»ги Қонунига мувофиқ Ўзбекистон Республикаси Президентининг 2005 йил 10 мартдаги ПҚ–24-сонли «Жамиятни демократлаштириш ва янгилаш, мамлакатни ислоҳ қилиш ҳамда модернизациялаш мақсад ва вазифаларини амалга ошириш дастури тўғрисида»ги, 2006 йил 31 майдаги ПҚ–360-сонли қарорлари, Ўзбекистон Республикаси Вазирлар Маҳкамасининг 2004 йил 5 февралдаги 57-сонли «Маҳсулотлар, хом ашё ва материалларнинг юқори ликвидли турларини сотишнинг бозор механизмларини жорий этишни давом эттириш тўғрисида»ги қарорига мувофиқ қарор қиламиз:

1. Ўзбекистон Республикаси товар-хом ашё биржаси томонидан ўтказиладиган биржа савдоларида пахта шроти (кунжараси) ва пахта чигити шелухасини сотиш тартиби тўғрисидаги низом илова* мувофиқ тасдиқлансин.

2. Ўзбекистон Республикаси Иқтисодиёт вазирлиги, Давлат мулки қўмитаси, Молия вазирлиги, «Ёғмойтамакисаноат» уюшмаси ва ЎзРТХАБ ОАЖнинг 2004 йил 6 майдаги 32, 01/24-30, 61, 4-1-167, 42-01/245-сонли «Кимошди савдоларида пахта шроти (кунжара)ни ва пахта чигити шелухасини сотиш тартиби тўғрисидаги Вақтинчалик низом» ўз кучини йўқотган деб ҳисоблансин (2004 йил 7 июнь, рўйхат рақами 1368 — Ўзбекистон Республикаси Қонун ҳужжатлари тўплами, 2004 й., 22-23-сон, 271-модда).

3. Мазкур қарор Ўзбекистон Республикаси Адлия вазирлигида давлат рўйхатига олинган кундан сўнг ўн кун ичида кучга киради.