O‘zbekiston Respublikasi Vazirlar Mahkamasining 2005-yil 21-dekabrdagi 276-sonli “Tibbiyot xodimlari mehnatiga haq to‘lashning takomillashtirilgan tizimini tasdiqlash to‘g‘risida”gi qarori (O‘zbekiston Respublikasi Qonun hujjatlari to‘plami, 2005-yil, 51-son, 380-modda) ijrosini ta’minlash maqsadida qaror qilamiz:

1. Ilova qilinayotgan Tibbiyot muassasalarini moddiy rag‘batlantirish va rivojlantirish Jamg‘armasi mablag‘larini tasarruf etish uchun tibbiyot muassasalaridagi maxsus komissiyalar to‘g‘risida nizom tasdiqlansin.

2. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.

Mazkur nizom O‘zbekiston Respublikasi Vazirlar Mahkamasining 2005-yil 21-dekabrdagi 276-son “Tibbiyot xodimlari mehnatiga haq to‘lashning takomillashtirilgan tizimini tasdiqlash to‘g‘risida”gi qaroriga (O‘zbekiston Respublikasi qonun hujjatlari to‘plami, 2005-yil, 51-son, 380-modda) muvofiq tibbiy tashkilotlarning moddiy rag‘batlantirish va rivojlantirish jamg‘armasi mablag‘larini tasarruf etish bo‘yicha maxsus komissiyalarining ish faoliyati tartibini belgilaydi.

1. Tibbiy tashkilotlarning moddiy rag‘batlantirish va rivojlantirish jamg‘armasi mablag‘larini tasarruf etish bo‘yicha maxsus komissiya (bundan buyon matnda “Komissiya” deb yuritiladi) yuridik shahs maqomiga ega har bir budjet tibbiy muassasada tashkil etiladi.

2. Qarorlar qabul qilinishda xolislik, oshkoralik va shaffoflik komissiya ishining asosiy prinsiplari hisoblanadi.

3. Komissiyaning asosiy vazifalari:

O‘zbekiston Respublikasi Vazirlar Mahkamasining 2005-yil 21-dekabrdagi 276-son “Tibbiyot xodimlari mehnatiga haq to‘lashning takkomillashtirilgan tizimini tasdiqlash to‘g‘risidagi” qarorini Komissiya tashkil etilgan tibbiy muassasada bajarish yuzasidan ishlarni tashkil etish;

Qonunchilik hujjatlarida o‘rnatilgan tartibda tibbiyot tashkilotlarini moddiy rag‘batlantirish va rivojlantirish Jamg‘armasi (bundan buyon matnda “Jamg‘arma” deb yuritiladi) mablag‘larini tasarruf etish.

4. Komissiyaning quyidagi funksiyalarni amalga oshiradi:

tibbiyot xodimlarining ishga vijdonan munosabati va ko‘rsatayotgan tibbiy yordamini yuqori sifati uchun ustamalar belgilash va rag‘batlantirish maqsadida tibbiyot xodimlarining davolash-profilatika jarayoniga qo‘shgan shaxsiy ulushini qonunchilik hujjatlari bilan o‘rnatilgan tibbiy xodimlarning faoliyatini baholash mezonlarini asosida aniqlash;

Jamg‘arma hisobidan alohida tibbiyot hodimlarini bazaviy tarif stavkalariga aniq miqdordagi xar oylik ustama belgilash yo‘li bilan moddiy mukofotlash; ushbu ustamalar miqdorini qayta ko‘rib chiqish va ularni bekor qilish masalalarini ko‘rib chiqish;

tibbiyot xodimlariga ustamlar belgilashda va boshqa turdagi moddiy rag‘batlantirishda asoslanganlik va obyektivlikni taminlash;

Jamg‘arma hisobidan tibbiyot mussasasining xodimlariga moddiy yordam to‘lashning va rag‘batlantiruvchi to‘lovlarini aniq turlari va miqdorlarini aniqlash;

rag‘batlantiruvchi to‘lovlar va ustama miqdorini obyektiv ravishda belgilash, tibbiyot xodimlarini davolash — profilaktika jarayoniga qo‘shgan shaxsiy ulushini, ishga vijdonan munosabati va ko‘rsatayotgan tibbiy yordam sifatini baholash uchun xar bir tibbiyot xodimi faoliyati natijalari monitoringini tashkil etish va uni olib borish;

Jamg‘arma mablag‘larini tibbiyot muassasining moddiy texnik bazasini rivojlantirish, moderinizatsiya qilish va tibbiyot mussasini tamirlash ishlariga sarf qilish masalalarini hal qilish;

Komissiya tomonidan qabul qilingan qarorlar yuzasidan Tibbiyot mussasasi kollektivining davolash kengashida ma’lumot berish.

5. Kamida besh kishidan iborat Komissiya tarkibi tibbiyot muassasasi rahbarining buyrug‘i bilan (qishloq vrachlik punktlari va qishloq uchastka kasalxonalari uchun — kamida uch kishidan iborat) tasdiqlanadi va quyidagi vakillardan shakillantiriladi:

tibbiyot muassasasi rahbari — Komissiya raisi;

rahbarning davolash ishlari bo‘yicha o‘rinbosari — Komissiyaning kotibi;

tibbiyot mussasasi kasaba uyushmasi tashkiloti raisi;

bosh tibbiyot hamshirasi;

tibbiyot mussasasi davolash kengashining qarori bilan vakolatlangan bir nafardan kam bo‘lmagan tibbiyot xodimi;

Qishloq vrachlik punktlari va Qishloq uchastka kasalxonasi uchun:

tibbiyot mussasasi rahbari — Komissiya raisi;

bosh tibbiyot xamshirasi (feldsher) — Komissiyaning kotibi;

jamoada obro‘ va hurmatga sazovor bir nafardan kam bo‘lmagan tibbiyot xodimi.

6. Komissiya majlisi komissiya raisining farmoyishiga ko‘ra chaqiriladi va kamida har chorakda bir marotaba o‘tkaziladi.

Zarur hollarda Komissiya raisining farmoyishiga yoki Komissiyaning ikki va undan ortiq azolarining taklifiga ko‘ra navbatdan tashqari majlislar ham o‘tkazilishi mumkin.

7. Komissiya majlisida uni azolarining kamida uchdan ikki qismi ishtirok etsa, u vakolatli xisoblanadi. Komissiyaning qarorlari majlisda qatnashayotgan komissiya azolarining oddiy ko‘pchilik ovozi bilan qabul qilinadi. Komissiya azolarining ovozlari teng bo‘lib qolgan taqdirda, Komissiya raisining ovozi hal qiluvchi ovoz hisoblanadi.

8. Komissiya azosini mukofotlash yoki ustama belgilash to‘g‘risidagi masala ko‘rib chiqilayotgan taqdirda, komissiyaning mazkur azosi ovoz berishda qatnashmaydi, ushbu haqda Komissiya majlisining bayonnomasida maxsus yozuv qayd etiladi.

9. Komissiya qarori bayonnoma bilan rasmiylashtiriladi, Komissiya raisi va majlisda hozir bo‘lgan komissiya azolari tomonidan imzolanadi va mussasa muxri bilan tasdiqlanadi.

10. Komissiya o‘z bayonnomalarini ikki nusxada rasmiylashtiradi. Qarorning bir nusxasi muassasa rahbarida, ikkinchi nusxasi yuqori turuvchi sog‘liqni saqlash boshqarmasiga taqdim etiladi.

11. Komissiya raisi quyidagilarni ta’minlaydi:

Komissiya faoliyatida xolislikni va oshkoralikni;

Komissiyaga yuklatilgan vazifalar va funksiyalarni to‘liq ijrosini;

Jamg‘arma mablag‘larini taqsimlashda Komissiya tomonidan amaldagi qonunchilik talablariga rioya qilinishini.

12. Komissiya kotibi:

komissiya yig‘ilishini o‘tkazish uchun tibbiyot muassasining tarkibiy bo‘linmalari raxbarlaridan kerakli hujjatlar va materiallarni oladi;

komissiya majlisini o‘tkazish uchun zarur ma’lumotlarni tayyorlaydi va majlisdan kamida uch kun oldin Komissiya raisi va uning azolariga taqdim etadi;

komissiya yig‘ilishida bayonnomalarini rasmiylashtirishni yuritilishini va saqlanishini taminlaydi;

Komissiya raisining topshirig‘iga ko‘ra tibbiyot xodimlarining professional faoliyatining natijalari monitoringini tashkil etadi va olib boradi.

13. Sog‘liqni saqlash boshqaruv organlarining tibbiy muassasalar huzuridagi Komissiyalar faoliyatiga va Jamg‘arma mablag‘lari xisobidan tibbiyot xodimlarining bazaviy tarif stavkalariga ustamalar belgilash bo‘yicha qabul qilingan qarorlarga aralashishiga yo‘l qo‘yilmaydi.

14. Har bir tibbiyot xodimiga ustamalar belgilash maqsadida nomzodlar ro‘yxatiga kiritish uchun quyidagi hujjatlar taqdim qilinadi:

xodimning malaka darajasi va staji ko‘rsatilgan malumotnoma;

amaldagi qonunchilik hujjatlarida belgilangan baholash mezonlariga asosan tibbiyot xodimi faoliyatini o‘rnatilgan tavsiflovchi analitik malumotnoma.

Ustamalar miqdorini o‘zgartirish va bekor qilish masalalarini ko‘rib chiqilishi uchun ham yuqorida ko‘rsatilgan hujjatlar Komissiyaga taqdim qilinadi.

15. Alohida tibbiyot xodimlarining bir martalik rag‘batlantirish tibbiyot mussasasi rahbariyati tomonidan berilgan muassasa rivojlanishiga qo‘shgan shaxsiy xissasi va faoliyatining yuqori ko‘rsatgichlariga erishganligi to‘g‘risidagi malumotnoma asosida amalga oshiriladi.

16. Tibbiyot muassasalarining xodimlariga moddiy yordam istisno tariqsida ularning yozma murojaatlari yoki ushbu tashkilotning tegishli kasaaba uyushmasining tavsiyasi orqali ko‘rsatiladi (yaqin qarindoshlarining vafoti, og‘ir tan jaroxati, kasalliklar, tabiiy ofat asorati va boshqalar).

17. Jamg‘arma mablag‘larini tibbiyot mussasasining moddiy texnik bazasini rivojlantirish, moderinizatsiya qilish va ta’mirlashga sarflash uchun Komissiyaga zarur bo‘lgan uskunalar yoki ehtiyot qismlar ro‘yxati, ularning narxi va ta’mir bo‘yicha defekt aktlari, ish hajmi ko‘rsatilgan holda taqdim qilinadi.