LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
“Sino” ochiq aksiyadorlik jamiyatida sovutish va muzlatish uskunalari ishlab chiqarishni kengaytirish uchun qulay shart-sharoitlar yaratish, butlovchi buyumlar va uzellarni mahalliylashtirish negizida ularning yangi turlari va modellarini ishlab chiqarishni o‘zlashtirish, eksport salohiyatini yanada kengaytirish maqsadida Vazirlar Mahkamasi qaror qiladi:
korxonalar bankrotligi sanatsiyasi masalalari bo‘yicha Hukumat komissiyasi tomonidan tasdiqlangan tarkibiy o‘zgartirish dasturiga muvofiq “Sino” ochiq aksiyadorlik jamiyatida (Samarqand shahri) sovutish va muzlatish texnikasi ishlab chiqarish uchun butlovchi buyumlar va detallarni mahalliylashtirish darajasini 80 foizgacha yetkazishni ta’minlagan holda 2009-yilga borib 250,0 mingtagacha sovutish va muzlatish uskunasi ishlab chiqarish quvvatlarini yanada kuchaytirish nazarda tutilganligi;
“Sino” ochiq aksiyadorlik jamiyati tomonidan “TS—Texnolodji” (AQSh), “Xenan Xenfey Elektrik Ko” (XXR) va “Xayr grupp Ko Ltd” (XXR) xorijiy kompaniyalari bilan kontraktlar tuzilganligi, xalqaro standartlarga muvofiq bo‘lgan sovutish va muzlatish texnikasi ishlab chiqarish uchun zamonaviy texnologiya asbob-uskunalari va butlovchi buyumlar yetkazib berish boshlanganligi;
“Sino” ochiq aksiyadorlik jamiyati tomonidan 2004-yilda 2400 ta sovutish va muzlatish texnikasini eksportga sotish va uni eksport qilish hajmini 2009-yilda 25 mingtaga yetkazish nazarda tutilganligi ma’lumot uchun qabul qilinsin.
olib kelinayotgan texnologiya asbob-uskunalari va ularga ehtiyot qismlar, shuningdek sovutish va muzlatish uskunasi ishlab chiqarishning texnologik jarayonida foydalaniladigan materiallar, qismlar va butlovchi materiallar uchun bojxona to‘lovlari to‘lashdan (bojxona rasmiylashtiruvi yig‘imlaridan tashqari);
sovutish va muzlatish uskunalarini ishlab chiqarishni mahalliylashtirish doirasida ishlab chiqarilgan uskunalar va mahsulotlar yuzasidan foyda (daromad) solig‘idan, shuningdek mulk solig‘i, yer solig‘i, ekologiya solig‘i, qo‘shilgan qiymat solig‘i va mahalliy soliqlar to‘lashdan ozod etilsin.
3. Belgilansinki, mazkur qarorning 2-bandida ko‘rsatilgan imtiyozlar berilishi hisobiga bo‘shab qoladigan mablag‘lardan faqat sovutish va muzlatish uskunalari ishlab chiqarishni mahalliylashtirish bo‘yicha quvvatlarni barpo etish va rivojlantirish, ularga butlovchi detallar va uzellar ishlab chiqarish, assortimentni kengaytirish, ishlab chiqariladigan sovutish va muzlatish uskunasining dizayni va sifatini yaxshilash uchun foydalaniladi.
O‘zbekiston Respublikasi Davlat soliq qo‘mitasi bo‘shab qolgan mablag‘lardan maqsadli va samarali foydalanilishi ustidan qat’iy nazorat o‘rnatsin.
Berilgan imtiyozlar hisobiga bo‘shab qolgan mablag‘lardan “Sino” ochiq aksiyadorlik jamiyati o‘zga maqsadlarda foydalangan taqdirda, mazkur qarorda nazarda tutilmagan ehtiyojlar uchun foydalanilgan mablag‘lar hajmi belgilangan tartibga budjetga olib qo‘yiladi.