Oʻzbekiston Respublikasi Vazirlar Mahkamasining “Oʻzbekiston Respublikasi hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida” 2005-yil 10-avgustdagi 192-son qaroriga muvofiq Vazirlar Mahkamasi qaror qiladi:

1. Quyidagilar:

Investitsiya loyihalari hujjatlarini ishlab chiqish, ekspertizadan oʻtkazish va tasdiqlash tartibi toʻgʻrisidagi nizom 1-ilovaga muvofiq;

Oʻzbekiston Respublikasi Investitsiya dasturiga kiritilgan loyihalarni tayyorlash va ularning amalga oshirilishi ustidan davlat monitoringi toʻgʻrisidagi nizom 2-ilovaga muvofiq;

Muruvvat yordami yuklari qabul qilinishi, hisobga olinishi, aniq yoʻnaltirilgan tarzda taqsimlanishi va ulardan maqsadli foydalanilishini nazorat qilish tartibi hamda muruvvat loyihalari monitoringi toʻgʻrisidagi nizom 3-ilovaga muvofiq;

Texnik koʻmaklashish mablagʻlari monitoringi va ulardan maqsadli foydalanilishini nazorat qilish tartibi toʻgʻrisidagi nizom 4-ilovaga muvofiq tasdiqlansin.

2. Oʻzbekiston Respublikasi hukumatining 5-ilovaga muvofiq ayrim qarorlariga oʻzgartirishlar kiritilsin, shuningdek baʼzi qarorlari oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari zimmasiga yuklansin.

1. Ushbu Nizom investitsiya loyihalari hujjatlarini ishlab chiqish, ekspertizadan oʻtkazish va tasdiqlash tartibini belgilaydi.

2. Ushbu Nizomda quyidagi tushunchalardan foydalanilgan:

dastlabki texnik-iqtisodiy asoslash yoki texnik-iqtisodiy hisoblash (keyingi oʻrinlarda DTIA {DTIH} deb ataladi) — loyihani oqilona joylashtirish va amalga oshirishning eng samarali texnik, tashkiliy va iqtisodiy yechimini tanlashni, umuman loyihaning cheklangan qiymatini, shu jumladan uni amalga oshirishning variantlarini va mumkin boʻlgan sxemalarini koʻrib chiqish asosida texnologik asbob-uskunalar qiymatini asoslovchi hujjat;

yakuniy texnik-iqtisodiy asoslash yoki texnik-iqtisodiy hisoblash (keyingi oʻrinlarda TIA {TIH} deb ataladi) — investitsiya loyihasini amalga oshirishning tanlov savdolari asosida aniqlangan yakuniy, eng samarali texnik, tashkiliy va moliyaviy-iqtisodiy yechimlarini belgilovchi hujjat;

ishchi loyiha — cheklangan qiymat va ish hujjatlariga ega boʻlgan asosiy texnik-iqtisodiy koʻrsatkichlar bilan tasdiqlanadigan qismdan iborat hujjat;

xalqaro moliyaviy va iqtisodiy institutlar (keyingi oʻrinlarda XMII deb ataladi) — xalqaro iqtisodiy munosabatlarni, shu jumladan valyuta-kredit munosabatlarini tartibga solish maqsadida davlatlararo bitimlar asosida tashkil etilgan institutlar;

Rivojlanishga Rasmiy Koʻmaklashish (RRK) liniyasi boʻyicha imtiyozli kreditlar beradigan xorijiy hukumat moliyaviy tashkilotlar (keyingi oʻrinlarda XHMT deb ataladi).

3. Loyiha hujjatlarida quyidagi asosiy masalalar nazarda tutiladi:

xomashyo va tayyor mahsulotlarni tashish oqimlari sxemalari;

ishlab chiqarish texnologiyasi, ishlab chiqarishni ixtisoslashtirish va kooperatsiyalash, iqtisodiyotning oʻzaro bogʻliq tarmoqlari bilan aloqalar, ishlab chiqarishni hisoblash va tashkil etish;

ishlab chiqarishni kadrlar bilan taʼminlash;

qurilish uchun ajratilgan yer uchastkasidan oqilona foydalanish, binolar va inshootlarning hajmiy-rejali, arxitektura va konstruktiv yechimlari, atrof muhitni muhofaza qilish, buzilgan yerlarni tiklash (ekinlar oʻsadigan qilish) hamda yer ostini muhofaza qilish, quvvatlarni oʻzlashtirish.

Loyiha hujjatlari qurilishning boshlangʻich (cheklangan) qiymatini aniqlash, tanlov hujjatlarini ishlab chiqish, tanlov savdolarini oʻtkazish uchun asos boʻlib xizmat qiladi.

Loyiha hujjatlarini ishlab chiqish quyidagi bosqichlarni oʻz ichiga oladi:

dastlabki texnik-iqtisodiy asoslash yoki dastlabki texnik-iqtisodiy hisoblash (keyingi oʻrinlarda DTIA {DTIH} deb ataladi);

yakuniy texnik-iqtisodiy asoslash yoki texnik-iqtisodiy hisoblash (keyingi oʻrinlarda TIA {TIH} deb ataladi);

ishchi loyiha (keyingi oʻrinlarda IL deb ataladi);

ishchi hujjatlar.

4. Loyiha hujjatlari loyiha tashabbuskori yoki uning buyurtmasi boʻyicha — loyihalovchi tashkilot (tanlov savdolari gʻolibi) tomonidan tuziladigan loyihalash yuzasidan topshiriqlar asosida ishlab chiqiladi.

5. Loyihalash yuzasidan topshiriqlar tarkibi (keyingi oʻrinlarda Topshiriq deb ataladi) Oʻzbekiston Respublikasi Davlat arxitektura va qurilish qoʻmitasi tomonidan belgilanadi.

6. Topshiriq quyidagilar tomonidan tasdiqlanadi:

a) Oʻzbekiston Respublikasi Vazirlar Mahkamasining tegishli Kompleksi rahbari tomonidan, quyidagilar uchun DTIA (DTIH)ni ishlab chiqishda:

ushbu Nizomning 8-bandi “a” va “b” kichik bandlariga muvofiq budjet mablagʻlari hisobiga moliyalashtiriladigan investitsiya loyihalari uchun — loyiha tashabbuskori taqdimnomasi va Oʻzbekiston Respublikasi Iqtisodiyot vazirligi, Moliya vazirligi va “Davarxitektqurilish” qoʻmitasi bilan kelishgan holda;

ushbu Nizomning 8-bandiga muvofiq Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtiriladigan (qoʻshimcha moliyalashtiriladigan) investitsiya loyihalari uchun — loyiha tashabbuskori taqdimnomasi va Oʻzbekiston Respublikasi Iqtisodiyot vazirligi, Moliya vazirligi va “Davarxitektqurilish” qoʻmitasi bilan kelishgan holda;

Oʻzbekiston Respublikasi hukumati nomidan va (yoki) uning kafolati ostida jalb etilgan kreditlar hisobiga, shu jumladan ushbu Nizomning 8-bandi “a” kichik bandiga muvofiq xalqaro moliya institutlari kreditlari hisobiga moliyalashtiriladigan investitsiya loyihalari uchun — loyiha tashabbuskori taqdimnomasi va Oʻzbekiston Respublikasi Iqtisodiyot vazirligi, Moliya vazirligi va “Davarxitektqurilish” qoʻmitasi bilan kelishgan holda;

ushbu Nizomning 8-bandi “a” va “b” kichik bandlariga muvofiq markazlashtirilmagan manbalar hisobiga moliyalashtiriladigan, qurilishning hisoblangan qiymati tasdiqlash kunidagi Oʻzbekiston Respublikasi Markaziy bank kursi boʻyicha ekvivalentda — ishlab chiqarish maqsadidagi 25 mln. AQSh dollaridan ortiq boʻlgan va noishlab chiqarish maqsadidagi 15 mln. AQSh dollari boʻlgan investitsiya loyihalari uchun — loyiha tashabbuskori taqdimnomasi va Oʻzbekiston Respublikasi Iqtisodiyot vazirligi, “Davarxitektqurilish” qoʻmitasi bilan kelishgan holda;

b) vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, loyihaning tashabbuskori boʻlgan tashkilotlar tomonidan:

ushbu Nizomning 8-bandi “v” kichik bandiga muvofiq budjet mablagʻlari hisobiga moliyalashtiriladigan investitsiya loyihalari uchun, qurilishning hisoblangan qiymati tasdiqlash kunida Oʻzbekiston Respublikasi Markaziy banki kursi boʻyicha ekvivalentda 5 mln. AQSh dollaridan ortiq boʻlgan ILni ishlab chiqishda — Oʻzbekiston Respublikasi Iqtisodiyot vazirligi, Moliya vazirligi va “Davarxitektqurilish” qoʻmitasi bilan kelishgan holda;

ushbu Nizomning 8-bandi “a” va “b” kichik bandlariga muvofiq markazlashtirilmagan manbalar hisobiga moliyalashtiriladigan investitsiya loyihalari uchun, qiymati tasdiqlash kunida Oʻzbekiston Respublikasi Markaziy banki kursi boʻyicha ekvivalentda qurilishning hisoblangan ishlab chiqarish maqsadidagi 15 mln. AQSh dollaridan 25 mln. AQSh dollarigacha boʻlgan va noishlab chiqarish maqsadidagi 5 mln. AQSh dollaridan 15 mln. AQSh dollarigacha boʻlgan TIA (TIH)ni ishlab chiqishda — Oʻzbekiston Respublikasi Iqtisodiyot vazirligi va “Davarxitektqurilish” qoʻmitasi bilan kelishgan holda;

v) qolgan barcha hollarda Topshiriq loyiha tashabbuskori tomonidan, Oʻzbekiston Respublikasi “Davarxitektqurilish” qoʻmitasi bilan kelishgan holda, belgilangan tartibda tasdiqlanadi.

7. Loyihani amalga oshirish shartlariga bogʻliq holda loyiha hujjatlari quyidagicha izchillikda ishlab chiqiladi:

dastlabki TIA — tanlov hujjatlari — yakuniy TIA — ishchi hujjatlar;

dastlabki TIH — tanlov hujjatlari — yakuniy TIH — ishchi hujjatlar;

boshlangʻich qiymatga ega boʻlgan loyiha —tanlov hujjatlari — shartnomaviy qiymatga ega boʻlgan yakuniy loyiha — ishchi hujjatlar.

Loyiha hujjatlarini ishlab chiqish variantlari sxemasi ushbu Nizomga 1-ilovada keltirilgan.

8. Loyihani amalga oshirish variantlarini va loyiha hujjatlari tarkibini tanlash quyidagi mezonlar asosida amalga oshiriladi:

a) TIA (dastlabki va yakuniy) ishlab chiqilgan holdagi birinchi variant — quyidagilar hisobiga moliyalashtiriladigan investitsiya loyihalarini amalga oshirishda foydalaniladi:

davlat budjeti mablagʻlari — ishlab chiqarish maqsadidagi obyektlar boʻyicha (“boshqa tarmoqlar” obyektlaridan tashqari);

Oʻzbekiston Respublikasi hukumati nomidan va/yoki uning kafolati ostida jalb etilgan kreditlar, shu jumladan xalqaro moliya institutlari kreditlari, xorijiy banklarning kredit liniyalari doirasida Oʻzbekiston Respublikasining tijorat banklari tomonidan qayta moliyalashtirish yoʻli bilan amalga oshiriladigan kichik biznes loyihalari bundan mustasno;

markazlashtirilmagan manbalar mablagʻlari — ishlab chiqarish maqsadidagi obyektlar boʻyicha;

b) TIH (dastlabki va yakuniy) ishlab chiqilgan holdagi ikkinchi variant — quyidagilar hisobiga moliyalashtiriladigan investitsiya loyihalarini amalga oshirishda foydalaniladi:

davlat budjeti mablagʻlari — ishlab chiqarish maqsadidagi “boshqa tarmoqlar” obyektlari va yakka tartibdagi loyihani, shuningdek Oʻzbekiston Respublikasi Vazirlar Mahkamasining alohida qarorlari boʻyicha amalga oshiriladigan loyihani ishlab chiqishda ijtimoiy soha obyektlari boʻyicha;

markazlashtirilmagan manbalar mablagʻlari — yakka tartibdagi loyihani ishlab chiqishda ijtimoiy soha obyektlari boʻyicha;

v) ILni ishlab chiqqan holdagi uchinchi variant — namunaviy va takroriy qoʻllaniladigan loyihalarni qoʻllangan holda quriladigan ishlab chiqarish maqsadidagi “boshqa tarmoqlar” va ijtimoiy soha obyektlari boʻyicha (ushbu bandning “a” va “b” kichik bandlariga toʻgʻri keladigan hollardan tashqari), shuningdek aholi yashash punktlarining bosh rejalarida nazarda tutilgan muhandislik kommunikatsiyalari qurilishida foydalaniladi.

Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtiriladigan (qoʻshimcha moliyalashtiriladigan) loyihani amalga oshirish variantini, shuningdek loyiha boʻyicha loyiha hujjatlari tarkibini tanlash ushbu bandning “a” va “b” kichik bandlariga muvofiq davlat budjeti mablagʻlari hisobiga moliyalashtiriladigan loyihalarga oʻxshash tartibda amalga oshiriladi.

Yengil sanoat korxonalarini qurish, qayta ixtisoslashtirish va modernizatsiya qilish boʻyicha loyihalarni amalga oshirishda loyiha tashabbuskori tomonidan, Oʻzbekiston Respublikasi Tashqi iqtisodiy aloqalar, investitsiyalar va savdo vazirligi huzuridagi Yengil sanoat korxonalarini qurish, qayta ixtisoslashtirish va modernizatsiya qilish boʻyicha takliflarni koʻrib chiqadigan Idoralararo ekspertlar kengashi xulosasiga koʻra, dastlabki texnik-iqtisodiy asoslash ishlab chiqilmasdan loyihaning uzil-kesil texnik-iqtisodiy asoslashi belgilangan tartibda tayyorlanadi.

9. Investitsiya loyihasining DTIA (DTIH) va TIA (TIH)ni ishlab chiqish, ekspertizadan oʻtkazish va tasdiqlash ushbu Nizomning V va VI boʻlimlarida belgilangan tartibda amalga oshiriladi.

10. Quyidagilarning mablagʻlari hisobiga moliyalashtiriladigan obyektlar boʻyicha DTIA (DTIH) va TIA (TIH) Oʻzbekiston Respublikasi Vazirlar Mahkamasi tomonidan tasdiqlanadi:

ushbu Nizomning 8-bandiga muvofiq markazlashtirilgan manbalar — loyiha tashabbuskori taqdimnomasi boʻyicha, Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Moliya vazirligi va vakolatli bank (vakolatli bank kreditor hisoblanadigan hollarda) taqdimnomasi boʻyicha;

hisoblangan qiymati tasdiqlash kunida Oʻzbekiston Respublikasi Markaziy banki kursi boʻyicha ekvivalentda ishlab chiqarish maqsadidagi 25 mln. AQSh dollaridan ortiq va noishlab chiqarish maqsadidagi 15 mln. AQSh dollari boʻlgan markazlashtirilmagan manbalar — loyiha tashabbuskori taqdimnomasi boʻyicha, Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi va vakolatli bank (vakolatli bank kreditor hisoblanadigan hollarda) taqdimnomasi boʻyicha.

11. Quyidagilar:

markazlashtirilgan manbalar mablagʻlari, ushbu Nizomning 10-bandida koʻrsatilganlardan tashqari;

markazlashtirilmagan manbalar mablagʻlari, qurilishning hisoblangan qiymati tasdiqlash kunida Oʻzbekiston Respublikasi Markaziy banki kursi boʻyicha ekvivalentda ishlab chiqarish maqsadidagi 5 mln. AQSh dollaridan 25 mln. AQSh dollarigacha hamda noishlab chiqarish maqsadidagi 5 mln. AQSh dollaridan 15 mln. AQSh dollarigacha boʻlgan mablagʻlar hisobiga moliyalashtiriladigan obyektlar boʻyicha loyiha hujjatlari tashabbuskorlar tomonidan Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi va “Davarxitektqurilish” qoʻmitasi bilan kelishilgan holda tasdiqlanadi.

Qolgan barcha hollarda loyiha hujjatlari loyiha tashabbuskori tomonidan, Oʻzbekiston Respublikasi “Davarxitektqurilish” qoʻmitasi bilan kelishgan holda, belgilangan tartibda tasdiqlanadi.

12. Investitsiya loyihasining DTIA (DTIH) ushbu Nizomga 2-ilovaga muvofiq tarkibga muvofiq, zarur boʻlganda, asosiy texnik va texnologik yechimlarni ishlab chiqishga arxitektura-shaharsozlik hujjatlarini ishlab chiqish boʻyicha faoliyatning tegishli turlarini amalga oshirish uchun litsenziyaga ega boʻlgan loyihalash tashkilotlarini va injiniring kompaniyalarini tanlov asosida jalb etgan holda ishlab chiqiladi.

Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtirish (qoʻshimcha moliyalashtirish) tavsiya etilayotgan investitsiya loyihasining DTIA (DTIH) “Oʻzogʻirneftgazkimyoloyiha” instituti tomonidan ishlab chiqiladi yoki uning bilan qonun hujjatlarida belgilangan tartibda kelishiladi.

13. Vazirlar Mahkamasi tomonidan tasdiqlanadigan investitsiya loyihasining DTIA (DTIH) ni koʻrib chiqish va ular boʻyicha xulosa tayyorlash mazkur Nizomning 8-bandi “a” va “b” kichik bandlariga muvofiq quyidagi vakolatli ekspertiza organlari tomonidan ikki bosqichda amalga oshiriladi: Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi, Moliya vazirligi, shuningdek vakolatli bank (qarz oluvchi (subqarz oluvchi)ning asosiy hisob raqamlariga xizmat koʻrsatuvchi va (yoki) kredit beruvchi bank) tomonidan amalga oshiriladi. Vakolatli ekspertiza organlari qayta tashkil etilgan taqdirda xulosa huquqiy voris tashkilot tomonidan beriladi.

Oʻzbekiston Respublikasi “Davarxitektqurilish” qoʻmitasi tomonidan DTIA (TIH)ni ekspertizadan oʻtkazish uning Shaharsozlik kodeksi talablariga, normativ hujjatlar talablariga va qurilishning qabul qilinadigan qiymatining shakllangan bozor konyunkturasiga muvofiqligini aniqlash yuzasidan DTIA (DTIH) taqdim etilgan vaqtdan boshlab uch kun muddatda amalga oshiriladi.

“Oʻzogʻirneftgazkimyoloyiha” instituti tomonidan ishlab chiqiladigan yoki uning bilan kelishiladigan, Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtirish (qoʻshimcha moliyalashtirish) tavsiya etilayotgan investitsiya loyihalarining DTIA (DTIH) vakolatli ekspertiza organlariga faqat “Oʻzogʻirneftgazkimyoloyiha” instituti Ilmiy-texnika kengashi va Iqtisodiyot vazirligining ularni amalga oshirishning ustuvorligi va Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtirish (qoʻshimcha moliyalashtirish)ning maqsadga muvofiqligi yuzasidan, shuningdek mazkur Nizom 14-bandining “a” kichik bandida koʻrsatilgan masalalar boʻyicha ijobiy xulosasidan keyin ekspertizadan oʻtkazish uchun kiritiladi.

14. Birinchi bosqichda, DTIA (DTIH) taqdim etilgan vaqtdan boshlab uch kun muddatda loyihani amalga oshirishning prinsipial imkoniyati va maqsadga muvofiqligi yuzasidan ekspert xulosasini loyiha tashabbuskoriga quyidagilar berishadi:

a) Oʻzbekiston Respublikasi Iqtisodiyot vazirligi:

DTIA boʻyicha — iqtisodiyotni barqaror, mutanosib rivojlantirishni, ishlab chiqarish kuchlarini maqbul ravishda joylashtirishni, tarkibiy qayta oʻzgartirishlarni, tarmoqlararo kooperatsiyalashni amalga oshirishni, investitsiya siyosatini roʻyobga chiqarishni, ishlab turgan quvvatlardan foydalanishni, shuningdek xomashyo va ishlab chiqarilayotgan mahsulotlar konyunkturasini taʼminlash nuqtai nazaridan loyihani amalga oshirishning umumiy iqtisodiy maqsadga muvofiqligini baholash yuzasidan;

DTIH boʻyicha — ijtimoiy ahamiyatini, ijtimoiy sohaning alohida tarmoqlarini va ishlab chiqarish yoʻnalishidagi “boshqa tarmoqlar”ni rivojlantirishga doir hukumat qarorlariga muvofiqligini, ishlab turgan quvvatlardan foydalanishni va ularni joylashtirishni maqbullashtirishni hisobga olgan holda baholash yuzasidan;

b) Oʻzbekiston Respublikasi Tashqi iqtisodiy aloqalar, investitsiyalar va savdo vazirligi — DTIA boʻyicha — tavsiya etilayotgan marketing konsepsiyasi, jahon bozori konyunkturasi nuqtai nazaridan tayyor mahsulotlarni sotish istiqbollari, shuningdek texnik daraja va DTIAda tavsiya qilinayotgan texnologiyaga muvofiq asbob-uskunalar narxlarining cheklangan parametrlari asosida loyihani amalga oshirish imkoniyatini baholash yuzasidan. Talab etiladigan asbob-uskunalar (texnologik liniya)ning, shu jumladan yakka tartibda tayyorlanadigan asbob-uskunalar (texnologik liniya)ning toʻliq va batafsil roʻyxati tashabbuskor tomonidan taqdim etilishi mumkin boʻlmagan hollarda asbob-uskunalarning texnik darajasi va ular narxlarining cheklangan parametrlari yakuniy TIA hujjatlarini ekspertizadan oʻtkazish jarayonida Oʻzbekiston Respublikasi Tashqi iqtisodiy aloqalar, investitsiyalar va savdo vazirligi tomonidan baholanishi mumkin.

Oʻzbekiston Respublikasi Tashqi iqtisodiy aloqalar, investitsiyalar va savdo vazirligi hamda Iqtisodiyot vazirligi oʻz vakolatlari doirasida tashabbuskorlarga investitsiya loyihalari boʻyicha DTIAni ishlab chiqishda, ichki va tashqi bozorlarni uch-besh yillik prognozlash davri uchun marketing ishlanmalarini tashkil etishda koʻmaklashadilar.

Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtirish (qoʻshimcha moliyalashtirish) tavsiya etilayotgan, “Oʻzogʻirneftgazkimyoloyiha” instituti Ilmiy-texnika kengashi va Iqtisodiyot vazirligi tomonidan koʻrib chiqilgan investitsiya loyihalarining DTIA (DTIH) birinchi bosqichda Iqtisodiyot vazirligida ekspertizadan oʻtkazilmaydi”.

15. Ikkinchi bosqichda, Oʻzbekiston Respublikasi Iqtisodiyot vazirligi, Tashqi iqtisodiy aloqalar, investitsiyalar va savdo vazirligi va “Davarxitektqurilish” qoʻmitasining ijobiy xulosalari mavjud boʻlgan taqdirda, DTIA (DTIH) taqdim etilgan vaqtdan boshlab uch hafta muddatda loyiha tashabbuskoriga ekspert xulosani quyidagilar taqdim etishadi:

a) Oʻzbekiston Respublikasi Moliya vazirligi:

DTIA boʻyicha — loyihaning moliyaviy-iqtisodiy samaradorligini va qoplanuvchanligini, shuningdek moliyalashtirishning tavsiya etilayotgan sxemasi maqbulligini baholash yuzasidan;

DTIH boʻyicha — moliyalashtirishning tavsiya etilayotgan sxemasi maqbulligi yuzasidan;

b) vakolatli bank — DTIA boʻyicha, moliyalashtirishning tavsiya etilayotgan sxemasining iqtisodiy samaradorligi, maqbulligi, tavakkalchiliklarni va kreditlarning qaytariluvchanligini baholash yuzasidan.

DTIA (DTIH)da mablagʻlar taqchilligi jalb etiladigan kreditlarni budjet mablagʻlari hisobiga qaytarish nazarda tutiladigan ijtimoiy ahamiyatga ega obyektlar boʻyicha vakolatli organlar xulosasida budjet mablagʻlarining, shu jumladan soliq imtiyozlari berishning maqsadga muvofiqligi (maqsadga muvofiq emasligi) va hajmlari toʻgʻrisidagi xulosalar mavjud boʻlishi kerak.

Moliyalashtirish budjet mablagʻlari hisobiga (boshqa manbalar ishtirokisiz) amalga oshiriladigan obyektlar boʻyicha vakolatli bankning ekspert xulosasi talab qilinmaydi.

15¹. Vakolatli ekspertiza organlarining ijobiy xulosalari mavjud boʻlgan taqdirda Oʻzbekiston Respublikasi Tiklanish va taraqqiyot jamgʻarmasining ijro etuvchi direksiyasi koʻrsatib oʻtilgan Jamgʻarma mablagʻlari hisobiga moliyalashtirish (qoʻshimcha moliyalashtirish) tavsiya etilayotgan investitsiya loyihasining DTIA (DTIH) taqdim etilgan vaqtdan boshlab ikki hafta muddatda loyiha tashabbuskoriga va Iqtisodiyot vazirligiga koʻrsatib oʻtilgan Jamgʻarmani boshqarish boʻyicha Kengash tomonidan tasdiqlanadigan Investitsiya loyihalarini Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtirish (qoʻshimcha moliyalashtirish) mezonlari va tartibi toʻgʻrisidagi nizomga muvofiq Direksiyaning vakolatlariga kiritilgan masalalar boʻyicha ekspert xulosasi taqdim etadi.

Oʻzbekiston Respublikasi Tiklanish va taraqqiyot jamgʻarmasi ijro etuvchi direksiyasining ijobiy xulosasi mavjud boʻlgan taqdirda Iqtisodiyot vazirligi loyihaning DTIA (DTIH)ni loyihani amalga oshirishning koʻrsatib oʻtilgan Jamgʻarma mablagʻlari hisobiga moliyalashtirish (qoʻshimcha moliyalashtirish)ning maqsadga muvofiqligi yuzasidan koʻrib chiqish uchun Oʻzbekiston Respublikasi Tiklanish va taraqqiyot jamgʻarmasini boshqarish boʻyicha Kengashning navbatdagi yigʻilishiga kiritadi.

16. Loyiha tashabbuskori:

investitsiya loyihalari boʻyicha, Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtirish (qoʻshimcha moliyalashtirish) tavsiya etilayotgan loyihalar bundan mustasno, — vakolatli ekspertiza organlarining ijobiy xulosalari mavjud boʻlgan taqdirda;

Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtirish (qoʻshimcha moliyalashtirish) tavsiya etilayotgan loyihalar boʻyicha vakolatli ekspertiza organlarining ijobiy xulosalari, shuningdek koʻrsatib oʻtilgan Jamgʻarmani boshqarish boʻyicha Kengashning ijobiy qarori mavjud boʻlgan taqdirda Vazirlar Mahkamasining tegishli axborot-tahlil departamentiga ikki nusxada loyihaning DTIA (DTIH)ni va uni amalga oshirish toʻgʻrisidagi Hukumat qarori loyihasini kiritadi;

Vazirlar Mahkamasining tegishli axborot-tahlil departamenti bir hafta muddatda loyihaning DTIA (DTIH) yuzasidan ushbu Nizomga 3-ilovaga muvofiq shakl boʻyicha Kompleks rahbari bilan kelishilgan xulosani, shuningdek Vazirlar Mahkamasining DTIA (DTIH)ni tasdiqlash toʻgʻrisidagi farmoyishi loyihasini va Vazirlar Mahkamasining Ish tartibiga muvofiq kelishish va imzolash uchun hujjatlarni kiritadi.

17. Loyiha tashabbuskori loyihaning DTIA (DTIH) yuzasidan bir yoki bir nechta vakolatli ekspertiza organi xulosasiga rozi boʻlmagan taqdirda tegishli axborot-tahlil departamentiga asoslangan xulosa taqdim etishga haqlidir. Tegishli axborot-tahlil departamenti loyihaning DTIA (DTIH)ni vakolatli ekspertiza organlari va loyiha tashabbuskorining xulosalarini hisobga olgan holda koʻrib chiqadi va tegishli qaror qabul qiladi.

18. Vazirlar Mahkamasining DTIA (DTIH)ni tasdiqlash toʻgʻrisidagi qarorida loyihaning nomi, uning tashabbuskori, qurilishning cheklangan qiymati (shu jumladan import texnologiya va boshqa asbob-uskunalarni sotib olish xarajatlari), obyektning hisoblangan quvvati (ishlab chiqarilayotgan mahsulotlarning yillik hajmi va nomenklaturasi), shuningdek iqtisodiy samaradorlik koʻrsatkichlari, shu jumladan ushbu Nizomga 3-ilovaning 2-bandiga muvofiq shakl boʻyicha eksport hajmlari mavjud boʻladi.

19. Vazirlar Mahkamasi tomonidan tasdiqlangan loyiha DTIA (DTIH)ning har qaysi sahifasiga davlat tilida “Vazirlar Mahkamasining 200__ y. “__” ________ dagi ___-son farmoyishi bilan tasdiqlangan” yozuvi yozilgan shtempel albatta qoʻyilgan boʻladi.

Tasdiqlangan DTIA (DTIH)ning bir nusxasi loyiha tashabbuskoriga beriladi, ikkinchi nusxasi saqlash uchun Oʻzbekiston Respublikasi Vazirlar Mahkamasining Umumiy boʻlimida qoladi.

20. Loyihaning tasdiqlangan DTIA (DTIH) parametrlari, shu jumladan xarajatlar turlari boʻyicha moliyalashtirishning cheklangan limitlari asosida loyiha tashabbuskori tomonidan pudratchilarni va loyiha boʻyicha sotib olinadigan texnologik asbob-uskunalarning yetkazib beruvchilarini aniqlash uchun tegishli ravishda “Davarxitektqurilish” qoʻmitasi va Oʻzbekiston Respublikasi Tashqi iqtisodiy aloqalar, investitsiyalar va savdo vazirligi bilan kelishiladigan tanlov hujjatlari belgilangan tartibda ishlab chiqiladi.

Xorijiy kreditlar jalb etilgan holda amalga oshiriladigan loyihalar boʻyicha tanlov savdolari oʻtkazishda loyihani moliyalashtirishning qatnashchilar tomonidan taklif etilayotgan shartlari maqbulligi ham hisobga olinadi.

21. Loyihaning Oʻzbekiston Respublikasi Vazirlar Mahkamasi qarori bilan tasdiqlangan DTIA (DTIH), tanlov savdolari natijasida tanlab olingan texnologiyalar va boshqa asbob-uskunalar boʻyicha takliflar asosida loyiha tashabbuskori tomonidan ushbu Nizomga 4-ilovaga muvofiq tarkibga binoan investitsiya loyihasining TIA (TIH) ishlab chiqiladi.

Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtirish (qoʻshimcha moliyalashtirish) tavsiya etilayotgan investitsiya loyihasining TIA (TIH) mazkur bandning birinchi xatboshida koʻrsatib oʻtilgan hujjatlar, shuningdek tanlov savdolari gʻolibi bilan belgilangan tartibda har beti imzolangan kontrakt asosida qonun hujjatlarida belgilangan tartibda “Oʻzogʻirneftgazkimyoloyiha” instituti tomonidan ishlab chiqiladi yoki uning bilan qonun hujjatlarida belgilangan tartibda kelishiladi.

Yengil sanoat korxonalarini qurish, qayta ixtisoslashtirish va modernizatsiya qilish boʻyicha loyihalarning texnik-iqtisodiy asoslashi Oʻzbekiston Respublikasi Tashqi iqtisodiy aloqalar, investitsiyalar va savdo vazirligi huzuridagi Yengil sanoat korxonalarini qurish, qayta ixtisoslashtirish va modernizatsiya qilish boʻyicha takliflarni koʻrib chiqadigan Idoralararo ekspertlar kengashi tomonidan tasdiqlanadigan yengil sanoat korxonalarini qurish, qayta ixtisoslashtirish va modernizatsiya qilish loyihalarini tanlash boʻyicha mezonlar asosida ishlab chiqiladi.

22. Loyihaning TIA (TIH)ni ekspertizadan oʻtkazish u taqdim etilgan vaqtdan boshlab ikki hafta muddatda, ayni bir vaqtda Oʻzbekiston Respublikasi Iqtisodiyot vazirligi, Moliya vazirligi, Tashqi iqtisodiy aloqalar, investitsiyalar va savdo vazirligi, “Davarxitektqurilish” qoʻmitasi va vakolatli bank tomonidan, ushbu Nizomning 13, 14 va 15-bandlarida koʻrsatilgan vakolatli ekspertiza organlaridan har birining vakolati doirasida amalga oshiriladi.

Loyiha tashabbuskoriga Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtirish (qoʻshimcha moliyalashtirish) tavsiya etilayotgan investitsiya loyihasi boʻyicha ijobiy xulosa taqdim etilgan taqdirda vakolatli bank kredit olish uchun buyurtmanoma tayyorlaydi va koʻrib chiqish uchun koʻrsatib oʻtilgan Jamgʻarma ijro etuvchi direksiyasiga kiritadi”.

Loyiha qiymatidan qatʼi nazar, qarz mablagʻlarini jalb etmasdan, toʻgʻridan toʻgʻri investitsiyalar moliyalashtirish manbai hisoblanadigan yengil sanoat korxonalarini qurish, qayta ixtisoslashtirish va modernizatsiya qilish loyihalarining texnik-iqtisodiy asoslashi Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, Iqtisodiyot vazirligi va “Oʻzbekyengilsanoat” davlat-aksiyadorlik kompaniyasida ekspertizadan oʻtkaziladi.

22¹. Vakolatli ekspertiza organlari xulosalari mavjud boʻlgan taqdirda Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtirish (qoʻshimcha moliyalashtirish) tavsiya etilayotgan loyihaning TIA (TIH) loyiha tashabbuskori tomonidan Oʻzbekiston Respublikasi Tiklanish va taraqqiyot jamgʻarmasining ijro etuvchi direksiyasiga kiritiladi.

TIA (TIH) taqdim etilgan vaqtdan boshlab ikki hafta muddatda Oʻzbekiston Respublikasi Tiklanish va taraqqiyot jamgʻarmasining ijro etuvchi direksiyasi loyiha tashabbuskoriga va Iqtisodiyot vazirligiga koʻrsatib oʻtilgan Jamgʻarmani boshqarish boʻyicha Kengash tomonidan tasdiqlanadigan Investitsiya loyihalarini Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtirish (qoʻshimcha moliyalashtirish) mezonlari va tartibi toʻgʻrisidagi nizomga muvofiq Direksiyaning vakolatlariga kiritilgan masalalar boʻyicha ekspert xulosasi taqdim etadi.

Oʻzbekiston Respublikasi Tiklanish va taraqqiyot jamgʻarmasi ijro etuvchi direksiyasining ijobiy xulosasi mavjud boʻlgan taqdirda Iqtisodiyot vazirligi loyihaning TIA (TIH)ni loyihani amalga oshirishning koʻrsatib oʻtilgan Jamgʻarma mablagʻlari hisobiga moliyalashtirish (qoʻshimcha moliyalashtirish)ning maqsadga muvofiqligi yuzasidan koʻrib chiqish uchun Oʻzbekiston Respublikasi Tiklanish va taraqqiyot jamgʻarmasini boshqarish boʻyicha Kengashning navbatdagi yigʻilishiga kiritadi.

22². Loyiha tashabbuskori:

investitsiya loyihalari boʻyicha, Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtirish (qoʻshimcha moliyalashtirish) tavsiya etilayotgan loyihalar bundan mustasno, — vakolatli ekspertiza organlarining ijobiy xulosalari mavjud boʻlgan taqdirda;

Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtirish (qoʻshimcha moliyalashtirish) tavsiya etilayotgan loyihalar boʻyicha vakolatli ekspertiza organlarining ijobiy xulosalari, shuningdek koʻrsatib oʻtilgan Jamgʻarmani boshqarish boʻyicha Kengashning ijobiy qarori mavjud boʻlgan taqdirda Vazirlar Mahkamasining tegishli axborot-tahlil departamentiga ikki nusxada loyihaning TIA (TIH)ni va uni amalga oshirish toʻgʻrisidagi Hukumat qarori loyihasini kiritadi.

Vazirlar Mahkamasining tegishli axborot-tahlil departamenti bir hafta muddatda Vazirlar Mahkamasining qarori loyihasini mazkur Nizomga 5-ilovaga muvofiq investitsiya loyihasining yakuniy texnik-iqtisodiy parametrlari bilan birga koʻrib chiqadi va Vazirlar Mahkamasining Ish tartibiga muvofiq hujjatlarni kelishish va imzolash uchun kiritadi.

Loyiha tashabbuskori loyihaning TIA (TIH) yuzasidan bir yoki bir nechta vakolatli ekspertiza organi xulosasiga rozi boʻlmagan taqdirda tegishli axborot-tahlil departamentiga asoslangan xulosa taqdim etishga haqlidir. Tegishli axborot-tahlil departamenti loyihaning TIA (TIH)ni vakolatli ekspertiza organlari va loyiha tashabbuskorining xulosalarini hisobga olgan holda koʻrib chiqadi va tegishli qaror qabul qiladi.

Oʻzbekiston Respublikasi Tiklanish va taraqqiyot jamgʻarmasi mablagʻlari hisobiga moliyalashtiriladigan (qoʻshimcha moliyalashtiriladigan) investitsiya loyihalari boʻyicha hujjatlar belgilangan tartibda Oʻzbekiston Respublikasining Bosh vaziriga koʻrib chiqish va keyinchalik Oʻzbekiston Respublikasi Prezidentining tegishli masalalar boʻyicha Davlat maslahatchisi xizmati bilan kelishish uchun kiritiladi.

Loyiha boʻyicha TIA (TIH)ning asosiy texnik-iqtisodiy koʻrsatkichlari Vazirlar Mahkamasining loyihani amalga oshirish boʻyicha qaroriga ilova sifatida tasdiqlanadi.

22³. Yengil sanoat korxonalarini qurish, qayta ixtisoslashtirish va modernizatsiya qilishni nazarda tutuvchi loyihalar boʻyicha loyihalarning texnik-iqtisodiy asoslashi loyiha boʻyicha qabul qilingan texnologik yechimni baholash (foydalaniladigan texnologiyalar darajasi, texnologik jarayon asbob-uskunalarining tavsiya etilayotgan zanjirining toʻliqligi, yuqori sifatli va keng turdagi mahsulotlar ishlab chiqarishni tashkil etish imkoniyati, xalqaro standartlarga muvofiq boʻlgan sifatni boshqarish tizimining mavjudligi, xomashyo bazasi bilan taʼminlanganlik, shuningdek umuman tarmoq boʻyicha loyihani amalga oshirishning kompleksliligi) boʻyicha “Oʻzbekyengilsanoat” davlat-aksiyadorlik kompaniyasida ekspertizadan oʻtkazilgandan keyin vakolatli ekspertiza organlariga kiritiladi.

22⁴. Vakolatli ekspertiza organlarining ijobiy xulosalari mavjud boʻlganda yengil sanoat korxonalarini qurish, qayta takomillashtirish va modernizatsiya qilish loyihalarining texnik-iqtisodiy asoslashi loyiha tashabbuskori tomonidan Oʻzbekiston Respublikasi Tashqi iqtisodiy aloqalar, investitsiyalar va savdo vazirligi huzuridagi Yengil sanoat korxonalarini qurish, qayta ixtisoslashtirish va modernizatsiya qilish boʻyicha takliflarni koʻrib chiqadigan Idoralararo ekspertlar kengashiga kiritiladi”.

23. Loyiha boʻyicha TIA (TIH)ning Vazirlar Mahkamasi tomonidan tasdiqlangan har qaysi sahifasiga davlat tilida “Vazirlar Mahkamasining 200__ y. “__” ________dagi ___-son qarori bilan tasdiqlangan” yozuvi yozilgan shtempel albatta qoʻyilgan boʻladi.

Tasdiqlangan TIA (TIH)ning bir nusxasi loyiha tashabbuskoriga beriladi, ikkinchi nusxasi saqlash uchun Oʻzbekiston Respublikasi Vazirlar Mahkamasining Umumiy boʻlimida qoladi.

24. Kichik va xususiy biznesni rivojlantirish uchun kredit liniyalari hisobiga tijorat banklari tomonidan moliyalashtiriladigan investitsiya loyihalarini texnik-iqtisodiy asoslash (texnik-iqtisodiy hisoblash)ni ishlab chiqish, ekspertizadan oʻtkazish va tasdiqlash Vazirlar Mahkamasining “Kichik tadbirkorlikni rivojlantirishni ragʻbatlantirish mexanizmini takomillashtirish toʻgʻrisida” 1998-yil 27-maydagi 232-son qarori bilan tasdiqlangan Kichik tadbirkorlikni rivojlantirish uchun loyihalarni tanlab olish va xorijiy kreditlarni berish tartibiga muvofiq amalga oshiriladi, yengil sanoat korxonalarini qurish, qayta takomillashtirish va modernizatsiya qilish boʻyicha loyihalar bundan mustasno”.

25. Rivojlanishga Rasmiy Koʻmaklashish liniyasi boʻyicha imtiyozli kreditlar beradigan xalqaro moliyaviy va iqtisodiy institutlar hamda xorijiy hukumat moliyaviy tashkilotlarning qarz mablagʻlari jalb etilgan loyihalarni koʻrib chiqish va tayyorlash ikki bosqichda amalga oshiriladi.

Birinchi bosqichda:

loyiha tashabbuskorlari Oʻzbekiston Respublikasi Iqtisodiyot vazirligi, Moliya vazirligiga va Tashqi iqtisodiy aloqalar, investitsiyalar va savdo vazirligiga XMII missiyalarining baholashdan oldingi hisobotlari asosida tayyorlangan makroiqtisodiy siyosat va tarmoqni rivojlantirish strategiyasi nuqtai nazaridan loyihani amalga oshirishning zarurligi toʻgʻrisidagi, loyiha qiymatini dastlabki baholashni va XMIIning jalb etiladigan qarz mablagʻlari miqdorini oʻz ichiga oladigan takliflarni kiritadilar;

Oʻzbekiston Respublikasi Iqtisodiyot vazirligi taqdim etilgan takliflarni iqtisodiyotni barqaror, mutanosib rivojlantirishni, ishlab chiqarish kuchlarini maqbul ravishda joylashtirishni, tarkibiy qayta oʻzgartirishlarni, tarmoqlararo kooperatsiyalashni amalga oshirishni, investitsiya siyosatini roʻyobga chiqarishni, ishlab turgan quvvatlardan foydalanishni, shuningdek xomashyo va ishlab chiqarilayotgan mahsulotlar konyunkturasini taʼminlash nuqtai nazaridan loyihani amalga oshirishning umumiy iqtisodiy maqsadga muvofiqligini baholash yuzasidan koʻrib chiqadi;

Oʻzbekiston Respublikasi Moliya vazirligi — tarkibiy qayta oʻzgartirishlarni amalga oshirish, loyihani moliyalashtirishning dastlabki qiymati va sxemasining maqbulligi yuzasidan koʻrib chiqadi;

Tashqi iqtisodiy aloqalar, investitsiyalar va savdo vazirligi tavsiya etilayotgan marketing konsepsiyasi, jahon bozori konyunkturasi nuqtai nazaridan tayyor mahsulotlarni sotish istiqbollari, shuningdek texnik daraja va tavsiya qilinayotgan texnologiyaga muvofiq asbob-uskunalar narxlarining cheklangan parametrlari asosida loyihani amalga oshirish imkoniyatini baholash yuzasidan. Talab etiladigan asbob-uskunalar (texnologik liniya)ning toʻliq va batafsil roʻyxati tashabbuskor tomonidan taqdim etilishi mumkin boʻlmagan favqulodda hollarda asbob-uskunalarning texnik darajasi va ular narxlarining cheklangan parametrlari TIA hujjatlarini ekspertizadan oʻtkazish jarayonida Oʻzbekiston Respublikasi Tashqi iqtisodiy aloqalar, investitsiyalar va savdo vazirligi tomonidan baholanishi mumkin.

loyihani amalga oshirishning zarurligi va maqsadga muvofiqligi toʻgʻrisidagi takliflar kelishib olingandan keyin Oʻzbekiston Respublikasi bilan XMII oʻrtasidagi oʻzaro hamfikrlik toʻgʻrisidagi memorandum belgilangan tartibda imzolanadi.

Ikkinchi bosqichda:

loyiha tashabbuskori XMII baholovchi missiyasining hisoboti asosida, ushbu Nizomga 4-ilovaga binoan TIA tarkibiga muvofiq TIAni ishlab chiqadi va koʻrib chiqish uchun Oʻzbekiston Respublikasi Iqtisodiyot vazirligi, Moliya vazirligi hamda Tashqi iqtisodiy aloqalar, investitsiyalar va savdo vazirligiga taqdim etadi;

Oʻzbekiston Respublikasi Iqtisodiyot vazirligi, Moliya vazirligi hamda Tashqi iqtisodiy aloqalar, investitsiyalar va savdo vazirligi loyihaning TIA ekspertizasini ushbu Nizomning V boʻlimiga muvofiq amalga oshiradilar;

TIAni tasdiqlash ushbu Nizomning VI boʻlimiga muvofiq amalga oshiriladi.

26. TIA (TIH) mazkur Nizomning VI boʻlimiga muvofiq tasdiqlangandan keyin doirasida tanlov (tender) savdolari oʻtkazish nazarda tutilayotgan loyihaning tashabbuskori Oʻzbekiston Respublikasi Tashqi iqtisodiy aloqalar, investitsiyalar va savdo vazirligi, “Davarxitektqurilish” qoʻmitasi bilan kelishgan holda tender hujjatlarini ishlab chiqadi va tanlov (tender) savdolari budjetini aniqlaydi.

1. Loyihaning maqsadi.

2. Obyektning tavsifi — ishlab chiqarish va transport infratuzilmasining mavjudligi va ulardan foydalanish imkoniyatlari, ishchi kuchlari mavjudligi, ijara qiymati, ishlab chiqarish binolari va yordamchi binolarni sotib olish yoki ularni yangidan qurish imkoniyatlari va boshqalar.

3.Shaharsozlik talablarini hisobga olgan holda, korxona (inshoot)ni joylashtirish rayoni va punktini tanlashning asoslanishi.

4. Arxitektura-qurilish va hajmiy-rejalashtirishning prinsipial yechimlari va ularning asosiy koʻrsatkichlari.

5. Qurilish va ishlatishda zararli tashlanmalar va oqova suvlarning tavsifi va hajmi, atrof muhitni ifloslantirishning oldini olish tadbirlari.

6. Muhandislik taʼminoti va obyektni jihozlash (suv bilan taʼminlash, kanalizatsiya, issiqlik, gaz, elektr energiyasi bilan taʼminlash, isitish, shamollatish va havo haroratini birxillashtirish) boʻyicha prinsipial yechimlar.

7. Texnologiyaning tavsifi va texnologiya asbob-uskunalari variantlarining asosiy koʻrsatkichlari (quvvati, energetika va moddiy resurslar isteʼmoli va boshqalar).

8. Marketing tadqiqotlari natijalari, ular:

tashqi va ichki bozorlar konyunkturasini oʻrganishga asoslangan, tayyor mahsulotni ichki bozorda sotish, shuningdek eksport qilish imkoniyatlarini;

potensial isteʼmolchilar tomonidan talab va raqobatchilar tomonidan taklif oʻrganilganligini;

mahsulotning sifat va narx koʻrsatkichlari boʻyicha raqobatbardoshligini taʼminlash chora-tadbirlarining mavjudligini;

loyihaning eng avvalo arzon narxdagi, talab qilinadigan miqdor va sifatdagi mahalliy xomashyo va boshqa moddiy resurslar bilan taʼminlanganligini;

asbob-uskunalarga qoʻyiladigan asosiy talablarni, tabiiy-iqlim, ishlab chiqarish omillari va boshqa omillarni hisobga olgan holda vatanimiz texnologiyalarini va xorijiy texnologiyalarni qiyoslash tahliliga asoslangan samarali ishlab chiqarish texnologiyasi, prinsipial texnik yechimlar tanlanganligini;

taklif etilayotgan ishlab chiqarishning maqbul hajmini;

loyihani amalga oshirish, shu jumladan uning investitsiya fazasi muddatlarini tasdiqlashi kerak.

9. Loyiha tashabbuskorining texnik va moliyaviy imkoniyatlariga asoslangan loyihani amalga oshirishning dastlabki sxemasi, loyihani amalga oshirish uchun zarur boʻladigan resurslarning mavjudligi va qiymati (shu jumladan EMVda).

10. Tanlangan variant asosida qurilishning cheklangan qiymati, shu jumladan injiniring kuzatuviga, DTIAni va loyihaning yakuniy texnik-iqtisodiy asoslanishini ishlab chiqishga, texnologiya asbob-uskunalariga, yer uchastkasi ajratishga, binolar va inshootlar qurilishiga xarajatlar, shuningdek aylanma kapitalning, jalb etiladigan kreditlar boʻyicha moliyaviy chiqimlar va boshqalarning EMV va milliy valyutadagi qiymati.

11. Loyiha yuzasidan xarajatlar tarkibi boʻyicha moliyalashtirish sxemasi.

12. Loyiha tavakkalchiliklarining tahlili.

13. Barcha investitsiyalar bazasida sof diskont daromad nulga teng (moliyaviy baholash) boʻlgan davr sifatida hisoblab chiqilgan loyihaning EMVdagi moliyaviy-iqtisodiy samaradorligining, oʻzini oʻzi qoplashi muddatining hisob-kitoblari, loyihaning yakuniy qiymatiga asoslangan kreditlarni qaytarishning hisob-kitoblari.

1. Loyihaning maqsadi.

2. Obyektning tavsifi — ishlab chiqarish va transport infratuzilmasining mavjudligi va ulardan foydalanish imkoniyatlari, ishchi kuchlari mavjudligi, ijara qiymati, ishlab chiqarish binolari va yordamchi binolarni sotib olish yoki ularni yangidan qurish imkoniyatlari va boshqalar.

3. Shaharsozlik talablarini hisobga olgan holda, korxona (inshoot)ni joylashtirish rayoni va punktini tanlashning asoslanishi.

4. Arxitektura-qurilish va hajmiy-rejalashtirishning prinsipial yechimlari va ularning asosiy koʻrsatkichlari.

5. Qurilish va ishlatishda zararli tashlanmalar va oqova suvlarning tavsifi va hajmi, atrof muhitni ifloslantirishning oldini olish tadbirlari.

6. Muhandislik taʼminoti (suv bilan taʼminlash, kanalizatsiya, issiqlik, gaz, elektr energiyasi bilan taʼminlash, isitish, shamollatish va havoni tozalash) va jihozlash boʻyicha prinsipial yechimlar.

7. Texnologiyaning tavsifi va texnologiya asbob-uskunalari variantlarining asosiy koʻrsatkichlari (quvvati, energetika va moddiy resurslar isteʼmoli va boshqalar).

8. Loyiha tashabbuskorining texnik va moliyaviy imkoniyatlariga asoslangan loyihani amalga oshirishning dastlabki sxemasi, loyihani amalga oshirish uchun zarur boʻladigan resurslarning mavjudligi va qiymati (shu jumladan EMVda).

9. Tanlangan variant asosida qurilishning cheklangan qiymati, shu jumladan injiniring kuzatuviga, DTIHni va loyihaning yakuniy texnik-iqtisodiy asoslanishini ishlab chiqishga, texnologiya asbob-uskunalariga, yer uchastkasi ajratishga, binolar va inshootlar qurilishiga xarajatlar, shuningdek aylanma kapitalning, jalb etiladigan kreditlar boʻyicha moliyaviy chiqimlar va boshqalarning EMV va milliy valyutadagi qiymati.

10. Loyiha yuzasidan xarajatlar tarkibi boʻyicha moliyalashtirish sxemasi.

investitsiya loyihasining dastlabki texnik-iqtisodiy asoslanishi quyidagi vakolatli ekspertiza organlarida belgilangan tartibda ekspertizadan oʻtdi:

Investitsiya loyihasining DTIAdagi asosiy texnik-iqtisodiy koʻrsatkichlar:

investitsiya loyihasining dastlabki texnik-iqtisodiy asoslanishi koʻrsatib oʻtilgan asosiy koʻrsatkichlar bilan Oʻzbekiston Respublikasi Vazirlar Mahkamasi tomonidan tasdiqlash uchun tavsiya etiladi.

1. Loyihaning maqsadi (rezyume).

2. Loyihaning buyurtmachisi:

2.1. Rekvizitlar, maqomi, tarkibi;

2.2. Bozordagi ahvol, mavjud amaliy aloqalar va amaliy reputatsiya;

2.3. Mavjud va prognoz qilinayotgan salohiyat;

2.4. Iqtisodiy va moliyaviy koʻrsatkichlar.

3. Loyiha strategiyasi (loyihani yaratish tarixi va shart-sharoitlari).

4. Marketing bozori va konsepsiyasi:

4.1. Talab va taklif;

4.1.1. Bozor tuzilmasi va tavsifi. Mahsulot tavsifi, uning bozorda raqobatga bardoshliligi;

4.1.2. Tarmoqning mavjud salohiyati, raqobatchi korxonalar, tarmoqni rivojlantirish istiqbollari va muammolarini baholash, hududiy joylashtirish, mahsulot sifati;

4.1.3. Tarmoqning milliy iqtisodiyotdagi roli, uning ustuvorliklari va maqsadi;

4.1.4. Mavjud talab, uning oʻsishini prognoz qiluvchi asosiy omillar va koʻrsatkichlar;

4.1.5. Import va uning kelgusidagi tendensiyalari, hajmi va narxlari;

4.2. Marketing konsepsiyasi, sotish prognozi;

4.2.1. Bozorlarning joylashgan joyi, bozor segmentatsiyasi;

4.2.2. Mavjud potensial mahalliy va xorijiy ishlab chiqaruvchilar tomonidan kutilayotgan raqobat;

4.2.3. Sotish dasturi, sotishni tashkil etish;

4.3. Foydalaniladigan savdo markalari va mahsulotning patent tozaligi;

4.4. Marketing xarajatlarini baholash.

5. Moddiy resurslar:

5.1. Xom ashyo, materiallar, komponentlar tasnifi;

5.1.1. Xom ashyo bazasining mavjudligi, xomashyoning qidirib topilgan zaxiralari;

5.1.2. Xom ashyo sifatiga va uni tayyorlash usullariga qoʻyiladigan talablar, mahalliy xomashyoning texnologiyalar talablariga muvofiqligi;

5.2. Loyiha boʻyicha ehtiyoj, materiallar va komponentlarning mavjudligi va ular bilan taʼminlanish, ularning tasnifi, yetkazib berish dasturi;

5.3. Energiya resurslari bilan taʼminlash;

5.4. Boʻlim boʻyicha xarajatlarni baholash.

6. Obyektning joylashgan joyi:

6.1. Tanlangan uchastkaning tavsifi;

6.1.1. Xom ashyo bozorlaridan uzoqlik va tayyor mahsulotni sotish, transport kommunikatsiyalari;

6.1.2. Ishlab chiqarish va ijtimoiy infratuzilmani baholash;

6.1.3. Mintaqani ijtimoiy-iqtisodiy rivojlantirish xususiyatlarini hisobga olish, afzallik va cheklashlar;

6.1.4. Ekologiya, atrof muhitga taʼsir (umumiy axborot);

6.2. Asosiy pozitsiyalar boʻyicha uchastkani tanlash asoslari;

6.3. Boʻlim boʻyicha xarajatlarni baholash.

7. Loyihalashtirish va texnologiya:

7.1. Yillar boʻyicha oʻzlashtirgan holda ishlab chiqarish quvvati;

7.2. Texnologiya va asbob-uskunalar;

7.2.1. Texnologiya va asbob-uskunalarni, texnologik jarayon sxemalarini tanlashni asoslash, afzalliklar va kamchiliklar, asbob-uskunalarning ishonchliligi va yetkazib beruvchining kafolati;

7.2.2. Texnologiyaning atrof muhitga taʼsiri;

7.2.3. Asbob-uskunalarni joylashtirish sxemasi:

ishlab chiqarish asbob-uskunalari;

yordamchi asbob-uskunalar;

servis asbob-uskunalari;

ehtiyot qismlar, anjomlar;

7.2.4. Nou-xauni berish shartlari, xodimlarni oʻqitish;

7.2.5. Mahsulotlarning xalqaro standartlarga muvofiqligi. Ishlab chiqarilayotgan mahsulotlarning ISO 9000 seriyasi talablariga muvofiqligini taʼminlash tadbirlari hamda ularni amalga oshirish xarajatlari;

7.2.6. Mahalliylashtirish istiqbollari (respublika hududida butlovchi buyumlar va komponentlarni ishlab chiqarishni tashkil etish imkoniyatlari);

7.3. Qurilish;

7.3.1. Vaziyatli reja;

7.3.2. Bosh reja sxemasi, binolar va korpuslarning joylashishi;

7.3.3. Prinsipial hajmli-rejalashtirish va konstruktiv yechimlar, ularning parametrlari, alohida talablar;

7.3.4. Uchastkani tayyorlash va oʻzlashtirish;

7.3.5. Muhandislik kommunikatsiyalari;

7.3.6. Qurilish-montaj ishlarining pul ifodasidagi hajmlari;

7.4. Tugallanmagan qurilishni hisobga olgan holda xarajatlarni baholash.

8. Ishlab chiqarishni tashkil etish va qoʻshimcha xarajatlar:

8.1. Korxonaning tashkiliy tuzilmasi;

8.2. Qoʻshimcha xarajatlar (umumzavod, maʼmuriy);

8.3. Boʻlim boʻyicha xarajatlarni baholash.

9. Mehnat resurslari:

9.1. Mehnat resurslariga ehtiyoj va ularning mavjudligi;

9.2. Kadrlarga qoʻyiladigan talablar, ularni oʻqitish zaruriyati va oʻqitishni tashkil etish;

9.3. Boʻlim boʻyicha xarajatlarni baholash.

10. Loyihani amalga oshirish sxemalari:

10.1. Loyihani amalga oshirish bosqichlari;

10.2. Loyihani amalga oshirish jadvali;

10.3. Loyihani amalga oshirish budjeti.

11. Loyihani amalga oshirish variantlarini moliyaviy baholash:

11.1. Toʻliq investitsiya xarajatlari;

11.2. Loyihani moliyalashtirish: moliyalashtirish mexanizmi va manbalari;

11.3. Sotilgan mahsulotlarga toʻliq chiqimlar;

11.4. Qarz mablagʻlarining (ulardan foydalanilgan taqdirda) qoplanishini va oʻz vaqtida qaytarilishini hisobga olgan holda iqtisodiy samaradorlikni baholash, valyutaning qoplanishi;

11.4.1. Loyihaning asosiy tavakkalchiliklarga sezgirligi;

11.4.2. Sof joriy qiymat koʻrsatkichlari va kapital qoʻyilmalarning ichki qaytariluvchanligi normalari;

11.5. Moliyaviy natijalarning mamlakat iqtisodiyotiga taʼsirini baholash.

12. Xulosalar:

12.1. Loyihaning asosiy afzalliklari va kamchiliklari;

12.2. Qabul qilingan variantning muqobil variantlardan afzalliklari;

12.3. Noaniqlik tavakkalchiliklari va jihatlari;

12.4. Loyihani amalga oshirish imkoniyatini baholash.

13. “A” ilova:

“A” ilovada erkin shaklda, milliy va xorijiy valyuta xarajatini alohida aks ettirgan holda moliyaviy va iqtisodiy koʻrsatkichlar sxemasi, shu jumladan quyidagilar mavjud boʻlishi kerak:

13.1. Asosiy kapitalga investitsiyalar;

13.2. Ishlab chiqarishdan oldingi xarajatlar;

13.3. Sotilgan mahsulotlarga chiqimlar;

13.4. Sof aylanma kapitalga ehtiyoj;

13.5. Moliyalashtirish manbalari va rejasi; .

13.6. Qarz mablagʻlaridan foydalanish va ularni qaytarish;

13.7. Soliq solishning amaldagi tizimini va majburiy toʻlovlarni hisobga olgan holda mavjud mablagʻlar (aniq pullar) oqimi;

13.8. Mavjud mablagʻlarning diskontlangan oqimi;

13.9. Diskont foyda;

13.10. Foyda va zararlar prognozi;

13.11. Prognoz qilinayotgan balans

14. “B” ilova:

“B” ilovada tasdiqlovchi hujjatlar nusxalari, shu jumladan quyidagilar mavjud boʻlishi kerak:

14.1. Yuridik hujjatlar:

korxona ustavi va taʼsis shartnomasi;

ishlab chiqarish faoliyatini amalga oshirish huquqini tasdiqlovchi litsenziya, agar faoliyat turi maxsus litsenziyalar talab qilinadigan faoliyatning alohida turlari roʻyxatiga kirsa;

rahbarlar, asosiy menejerlar, direktorlar kengashi, korxona aniq mulkdorlarining qisqacha biografik maʼlumotlari;

14.2. Kontrakt hujjatlari:

asbob-uskunalar yetkazib berish yoki obyektni foydalanishga tayyor holda topshirish yuzasidan kontrakt;

qurilish pudrati va qurilishni moddiy taʼminlash shartnomasi;

xomashyo, butlovchi buyumlar yetkazib berish va tayyor mahsulotlarni xarid qilish shartnomasi (moʻljallar protokoli);

loyihani amalga oshirish bilan bogʻliq boʻlgan boshqa shartnomalar;

14.3. Smeta hujjatlari va moliyaviy hujjatlar:

qurilishning smeta hujjatlari;

korxona (qarz oluvchi, investorlar, kafillar, loyiha boʻyicha garantlar)ning keyingi uch yil uchun soliq inspeksiyasi tomonidan tasdiqlangan toʻliq buxgalteriya (har choraklik) hisobotlari;

boshqa banklardagi hisob raqamlari, qarz mablagʻlari va ularni qaytarish shartlari toʻgʻrisidagi maʼlumotnoma;

xorijiy sheriklar (muassislar) toʻgʻrisidagi maʼlumotlar — keyingi ikki yil uchun xalqaro standartlar boʻyicha (taniqli auditor kompaniya tomonidan tasdiqlangan) yillik hisobot;

14.4. Ekspert hujjatlari va boshqa hujjatlar:

idoradan tashqari ekspertiza (“Davarxitektqurilish” qoʻmitasi, Davlat tabiatni muhofaza qilish qoʻmitasi), mustaqil konsalting tashkilotining tanlangan texnologiya va texnologiya asbob-uskunalari boʻyicha xulosalari;

sotib olinadigan asbob-uskunalarning texnik pasportlari va ularning tanlov asosida tanlanishini tasdiqlovchi hujjatlar;

kadastr (garovga beriladigan yer hamda bino va inshootlar kadastri) va mulkka egalik qilish huquqini tasdiqlovchi boshqa hujjatlar;

asosiy ishlab chiqarish binolarining texnologiya asbob-uskunalari joylashtirilgan holdagi sxemasi;

14.5. Tayyor mahsulotni sotish va xomashyo, materiallar xarid qilish marketing tadqiqotlari boʻyicha hujjatlar.

15. Texnik-iqtisodiy hisoblashni ishlab chiqishda texnik-iqtisodiy asoslashlar tarkibidan quyidagi bandlar va kichik bandlar chiqarib tashlanishi kerak: 2.2, 2.3, 2.4, 4 (kichik bandlar bilan), 5.1 (kichik bandlar bilan), 5.2, 6.1.1, 6.1.2, 7.1, 7.2 (kichik bandlar bilan), 8 (kichik bandlar bilan),11.3, 11.5, 12.3, 13.2, 13.3, 13.4, 13.9, 13.10, 13.11, 14 (“B” ilova).

16. Mavjud va yangidan foydalanishga topshirilayotgan ijtimoiy soha muassasalarini jihozlash uchun jalb etiladigan xorijiy kreditlar hisobiga asbob-uskunalar xarid qilishda texnik-iqtisodiy asoslash qisqartirilgan shakl boʻyicha, moliyaviy-iqtisodiy samaradorlik, qurilish-montaj ishlari uchun mablagʻlarga ehtiyoj, marketing boʻlimi hisob-kitoblarisiz ishlab chiqiladi.

1. Mazkur Nizom “Chet el investitsiyalari toʻgʻrisida”, “Chet ellik investorlar huquqlarining kafolatlari va ularni himoya qilish choralari toʻgʻrisida”gi Oʻzbekiston Respublikasi qonunlariga, Oʻzbekiston Respublikasi Prezidentining “Oʻzbekiston Respublikasi Tashqi iqtisodiy aloqalar, investitsiyalar va savdo vazirligi faoliyatini tashkil etish toʻgʻrisida” 2005-yil 26-iyuldagi PQ–136-son qaroriga muvofiq ishlab chiqilgan.

Mazkur Nizomning amal qilishi ular uchun qonun hujjatlarida amalga oshirish va monitoring olib borishning alohida tartibi belgilangan loyihalarga tatbiq etilmaydi.

2. Oʻzbekiston Respublikasi Investitsiya dasturiga kiritilgan loyihalarni tayyorlash va ularning amalga oshirilishi ustidan davlat monitoringi (keyingi oʻrinlarda “Monitoring” deb ataladi) Oʻzbekiston Respublikasi investitsiya dasturiga kiritilgan investitsiya loyihalarining amalga oshirilishini boshqarish va nazorat qilishning asosiy mexanizmi hisoblanadi.

3. Monitoring:

vazirliklar, idoralar tomonidan tashabbus koʻrsatilgan investitsiya loyihalari va takliflari yuzasidan — Vazirlar Mahkamasining tegishli axborot-tahlil departamentlari bilan birgalikda, shuningdek Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hamda xorijiy investitsiyalar jalb etilgan korxonalar tomonidan tashabbus koʻrsatilgan investitsiya loyihalari va takliflari yuzasidan — Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda Tashqi iqtisodiy aloqalar, investitsiyalar va savdo vazirligi tomonidan;

xorijiy investitsiyalar ishtirokidagi yirik va strategik muhim investitsiya loyihalarini amalga oshirish yuzasidan — Xorijiy investitsiyalar ishtirokidagi strategik muhim investitsiya loyihalarini amalga oshirish masalalari boʻyicha Muvofiqlashtiruvchi kengash (keyingi oʻrinlarda “Muvofiqlashtiruvchi kengash” deb yuritiladi) tomonidan amalga oshiriladi.

4. Quyidagilar:

respublika investitsiya dasturiga kiritilgan va birinchi navbatda, xorijiy investitsiyalarni jalb etish hisobiga amalga oshiriladigan investitsiya loyihalarining oʻz vaqtida va samarali roʻyobga chiqarilishini taʼminlash;

davlat boshqaruvi organlarining, investitsiya jarayoni boshqa qatnashchilarining faoliyatini muvofiqlashtirish, ularning investitsiya loyihalarini, ular toʻliq tugallangunga qadar, amalga oshirish bilan bogʻliq masalalarni oʻz vaqtida hal etish yuzasidan javobgarligini oshirish;

investitsiya loyihalari harakatiga ularni amalga oshirishning barcha bosqichlarida toʻsqinlik qilayotgan omillarni aniqlash va oʻrganish, ularni, shu jumladan investitsiya loyihalarining amalga oshirilishi bilan bogʻliq boʻlgan turli xil masalalarni koʻrib chiqish muddatlarini oʻzgartirish yoʻli bilan, bartaraf etish boʻyicha tezkor chora-tadbirlar koʻrish;

investitsiya loyihalari tasdiqlangan hajmlar va muddatlarga qatʼiy rioya qilingan holda investitsiya loyihalari tashabbuskorlari va vakolatli banklar tomonidan mablagʻlar bilan oʻz vaqtida taʼminlanishi ustidan nazorat qilish;

investitsiya loyihasi boʻyicha xorijiy sheriklar oldida qabul qilingan majburiyatlarning bajarilishiga koʻmaklashish;

investitsiya muhitini takomillashtirish boʻyicha takliflar ishlab chiqish;

Investitsiya dasturiga kiritilgan loyihalar va takliflar boʻyicha maʼlumotlar bankini shakllantirish monitoringning asosiy vazifalari hisoblanadi.

5. Aniq dasturga va Oʻzbekiston Respublikasi Investitsiya dasturining tarkibiy qismi boʻlgan investitsiya takliflarining yigʻma roʻyxatiga kiritilgan investitsiya loyihalari monitoring obyekti hisoblanadi.

6. Investitsiya dasturi belgilangan tartibda tasdiqlangan vaqtdan boshlab bir oy muddatda Tashqi iqtisodiy aloqalar, investitsiyalar va savdo vazirligi vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, shuningdek investitsiya loyihalari tashabbuskorlari bilan birgalikda investitsiya loyihalarining aniq dasturiga, shuningdek investitsiya dasturining tarkibiy qismi boʻlgan ustuvor investitsiya takliflarining yigʻma roʻyxatiga kiritilgan loyihalar boʻyicha maʼlumotlar bankini (keyingi oʻrinlarda “Maʼlumotlar banki” deb ataladi) shakllantiradi.

7. Maʼlumotlar banki:

investitsiya loyihasining tashabbuskori tomonidan tasdiqlangan investitsiya loyihalarining aniq dasturiga kiritilgan investitsiya loyihasi pasporti;

har bir investitsiya loyihasini amalga oshirishning investitsiya loyihalari tashabbuskorlari tomonidan Tashqi iqtisodiy aloqalar, investitsiyalar va savdo vazirligi bilan kelishilgan holda tasdiqlanadigan reja-jadvallari;

ustuvor investitsiya takliflarining yigʻma roʻyxatiga kiritilgan investitsiya takliflari boʻyicha ishlab chiqiladigan yangidan boshlanayotgan ustuvor investitsiya loyihalarini olgʻa surish chora-tadbirlari dasturi;

Investitsiya dasturiga kiritilgan investitsiya loyihasi tashabbuskori tomonidan har oyda taqdim etiladigan axborot asosida shakllantiriladi.

8. Investitsiya loyihasi pasporti mazkur Nizomga 1-ilovaga muvofiq shakl boʻyicha tuziladi va unda investitsiya loyihasi tashabbuskori, xorijiy sherik, loyihaning umumiy qiymati va barpo etilayotgan ishlab chiqarishning loyihadagi quvvati, mahsulotni eksport qilish, mablagʻ bilan taʼminlash manbalari va sxemasi boʻyicha prognoz koʻrsatkichlar, loyihaning qoplanish va qarz mablagʻlarni qaytarish muddatlari toʻgʻrisidagi axborotlar, shuningdek, zarurat boʻlganda, xorijiy investitsiyalar ishtirokida tashkil etilayotgan korxona boʻyicha maʼlumotlar boʻladi.

9. Reja-jadval mazkur Nizomga 2-ilovaga muvofiq shakl boʻyicha tuziladi va unda yangi tashkil etilayotgan korxonaning texnik-iqtisodiy asoslanishini ishlab chiqish, ekspertizadan oʻtkazish va tasdiqlash, roʻyxatdan oʻtkazish (zarurat boʻlganda), asosiy kontraktni tuzish va roʻyxatdan oʻtkazish, investitsiya loyihasi boʻyicha Vazirlar Mahkamasi qarorini kelishish va qabul qilish, kredit bitimlarini imzolash, loyiha-smeta hujjatlarini ishlab chiqish, kelishish va tasdiqlash, milliy va xorijiy valyutada mablagʻ bilan taʼminlashni boshlash, ishlab chiqarish maydonlarini va infratuzilma obyektlarini qurish, texnologiya asbob-uskunalarini oʻrnatish, korxonaning loyihadagi quvvatga chiqishi boʻyicha aniq muddatlar toʻgʻrisidagi axborotlar boʻladi.

10. Chora-tadbirlar dasturi mazkur Nizomga 3-ilovaga binoan Xalqaro moliya va iqtisodiy institutlar hamda donor mamlakatlar ishtirokida Investitsiya loyihalarini tayyorlash va amalga oshirish reglamentiga muvofiq ishlab chiqiladi va investitsiyalashdan oldin investitsiya loyihalarining texnik-iqtisodiy asoslanishini tasdiqlash va mablagʻ bilan taʼminlashning aniq manbalarini belgilashgacha boʻlgan ishlar kompleksini (ularni bajarishning prognoz muddatlarini koʻrsatgan holda) oʻz ichiga oladi.

11. Investitsiya loyihasining tashabbuskori hisobot oyidan keyingi oyning 3-kunidan kechikmay har oyda Tashqi iqtisodiy aloqalar, investitsiyalar va savdo vazirligiga kelishilgan shakl boʻyicha investitsiya loyihasi amalga oshirilishi reja-jadvalining bajarilishi toʻgʻrisida axborot taqdim etadi.

12. Tashqi iqtisodiy aloqalar, investitsiyalar va savdo vazirligi har oyda:

xorijiy investitsiyalar va kreditlar ishtirokidagi investitsiya loyihalarini amalga oshirish toʻgʻrisida Davlat statistika ishlari dasturida belgilangan hajmda va muddatlarda taqdim etiladigan yigʻma statistika axboroti boʻyicha — Oʻzbekiston Respublikasi Davlat statistika qoʻmitasi tomonidan;

markazlashtirilgan investitsiyalardan, shu jumladan Hukumat kafolati ostida jalb etiladigan xorijiy investitsiyalar va kreditlardan foydalanish boʻyicha — Moliya vazirligi va tijorat banklari tomonidan;

xorijiy investitsiyalar ishtirokidagi korxonalarni davlat roʻyxatidan oʻtkazish boʻyicha — Adliya vazirligi tomonidan;

xususiylashtirilayotgan korxonalar aksiyalari paketini xorijiy investorlarga sotish, mulkida davlat ulushi boʻlgan xorijiy investitsiyalar ishtirokidagi korxonalar faoliyati boʻyicha — Davlat mulki qoʻmitasi tomonidan;

kichik va xususiy biznes sohasidagi, shu jumladan jalb etilayotgan xorijiy kredit liniyalari ishtirokidagi, investitsiya loyihalari boʻyicha — Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi tomonidan;

loyiha koʻrsatkichlari (loyihadagi quvvatni taʼminlash, eksportni taʼminlash, yangi ish oʻrinlari barpo etish) investitsiya loyihasi tashabbuskori tomonidan bajarilishi yuzasidan — Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan taqdim etiladigan axborotlar asosida Maʼlumotlar bankini yangilab boradi.

13. Maʼlumotlar bankiga Investitsiya dasturida nazarda tutilgan kapital qoʻyilmalar hajmlari prognozi belgilangan tartibda aniqlashtirilish natijalari boʻyicha Muvofiqlashtiruvchi kengashning qarori bilan tuzatishlar kiritilishi mumkin.

14. Tashqi iqtisodiy aloqalar, investitsiyalar va savdo vazirligi Iqtisodiyot vazirligi, Vazirlar Mahkamasining tegishli axborot-tahlil departamentlari, Moliya vazirligi (Oʻzbekiston Respublikasi hukumati nomidan Moliya vazirligi qarz oluvchi sifatida ish koʻradigan qarzlar boʻyicha), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda Oʻzbekiston Respublikasi hukumatining qabul qilingan qarorlariga, shuningdek tasdiqlangan reja-jadvallarga muvofiq investitsiya loyihalari amalga oshirilishi ishlarining holatini shu jumladan joyning oʻziga chiqib muntazam ravishda oʻrganadi.

Bunday ishni tashkil etish uchun Tashqi iqtisodiy aloqalar, investitsiyalar va savdo vazirligi turli vazirliklar va idoralar yoxud xalqaro tashkilotlar va konsultatsiya kompaniyalari mutaxassislarini jalb etishi mumkin.

15. Tashqi iqtisodiy aloqalar, investitsiyalar va savdo vazirligi tomonidan monitoring:

investitsiya loyihalari tashabbuskorlari tomonidan Tashqi iqtisodiy aloqalar, investitsiyalar va savdo vazirligiga taqdim etiladigan tasdiqlangan reja-jadvallarning bajarilishi toʻgʻrisidagi axborotlarni;

Oʻzbekiston Respublikasi Davlat statistika qoʻmitasi tomonidan Davlat statistika ishlari dasturida belgilangan hajmda va muddatlarda taqdim etiladigan Oʻzbekiston Respublikasi boʻyicha xorijiy investitsiyalar va kreditlar ishtirokidagi investitsiya loyihalarining amalga oshirilishi toʻgʻrisidagi yigʻma statistika axborotini;

mavjud va potensial xorijiy investorlar faoliyatining normativ-huquqiy bazasini takomillashtirish boʻyicha ularning takliflarini oʻrganish asosida vaqti-vaqti bilan tayyorlanadigan investitsiya muhiti sharhini;

manfaatdor vazirliklar va idoralar tomonidan taqdim etiladigan tezkor axborotlarni;

markazlashtirilgan manbalar hisobiga amalga oshiriladigan loyihalarni oʻz vaqtida mablagʻ bilan taʼminlash masalalari boʻyicha axborotlarni tahlil qilish va umumlashtirish yoʻli bilan amalga oshiriladi.

16. Xorijiy investitsiyalar ishtirokidagi yirik va strategik muhim investitsiya loyihalarining amalga oshirilishi monitoringi Muvofiqlashtiruvchi kengash tomonidan:

tasdiqlangan reja-jadvallar bajarilishini, loyihalarni amalga oshirish yuzasidan zarur ishlar kompleksini olib borishning texnologik izchilligiga rioya etilishini nazorat qilish;

texnik-iqtisodiy asoslashlarning asosiy qoidalarini koʻrib chiqish, loyihalarni amalga oshirish mumkinligi yuzasidan umumiy qarorlar qabul qilish;

alohida yirik loyihalar, shu jumladan texnik-iqtisodiy asoslashlar koʻrsatkichlariga nisbatan loyihalarning qimmatlashishi yoki arzonlashishi mumkinligini hisobga olgan holda bazaviy loyihalashtirishni tasdiqlash;

markazlashtirilgan manbalar hisobiga ajratiladigan mablagʻlarning oʻz vaqtida moliyalashtirilishini va ulardan samarali foydalanilishini taʼminlash, hukumat kafolati ostida jalb etiladigan qarz mablagʻlarning oʻz vaqtida qaytarilishi taʼminlanishini nazorat qilish;

manfaatdor vazirliklar va buyurtmachi idoralar tomonidan ishlab chiqilgan ehtiyot qismlar va komponentlar ishlab chiqarishni mahalliylashtirish dasturlarini, shuningdek ishlab chiqarilgan mahsulotlarning tashqi bozorlarga kirib borishi boʻyicha marketing dasturlarini ekspertizadan oʻtkazish;

ayrim strategik muhim va yirik loyihalarni davlat tomonidan qoʻllab-quvvatlash chora-tadbirlari, qurilishi amaldagi qonun hujjatlari buzilgan holda amalga oshirilayotgan loyihalarni mablagʻ bilan taʼminlashni toʻxtatib qoʻyish, shuningdek Investitsiya dasturi bajarilishi barbod boʻlishiga yoʻl qoʻyuvchi vazirliklar va idoralar, korxonalar va buyurtmachi tashkilotlarning rahbarlarini javobgarlikka tortish yuzasidan takliflar va tavsiyalar ishlab chiqish;

xorijiy investitsiyalar ishtirokidagi yirik va strategik muhim investitsiya loyihalarini oʻz vaqtida roʻyobga chiqarishga koʻmaklashuvchi boshqa asosiy masalalarni koʻrib chiqish yoʻli bilan amalga oshiriladi.

17. Tashqi iqtisodiy aloqalar, investitsiyalar va savdo vazirligi Moliya vazirligi, Iqtisodiyot vazirligi va vakolatli banklardan olingan maʼlumotlar asosida investitsiya dasturining amalga oshirilishi toʻgʻrisida yigʻma axborot tayyorlaydi.

Yigʻma axborotda xorijiy investitsiyalarni oʻzlashtirish boʻyicha umumlashtirilgan maʼlumotlar bilan bir qatorda vazirliklar, idoralar va Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hamda investitsiya loyihalari tashabbuskorlari boʻlgan korxonalar va tashkilotlar tomonidan taqdim etiladigan investitsiya loyihalari va takliflarini amalga oshirishning asosiy bosqichlari boʻyicha quyidagi maʼlumotlar;

investitsiyalashdan oldingi tadqiqotlarning oʻz vaqtida oʻtkazilishi, texnik-iqtisodiy asoslashlar va loyiha-smeta hujjatlarining ishlab chiqilishi toʻgʻrisida investitsiya loyihalari tashabbuskorlarida olingan axborot;

texnik-iqtisodiy asoslashlar va loyiha-smeta hujjatlari vakolatli ekspertiza organlari tomonidan ekspertiza qilinganligi toʻgʻrisidagi axborot;

investitsiya loyihalarining mablagʻ bilan taʼminlashning tasdiqlangan sxemalariga muvofiq oʻz vaqtida mablagʻ bilan taʼminlanishi toʻgʻrisidagi axborot;

qurilish-montaj ishlarini bajarish va obyektlarni ishga tushirish muddatlariga va texnologik izchilligiga rioya qilinishi toʻgʻrisidagi axborot;

Hukumat kafolati ostidagi investitsiya loyihalarini amalga oshirish uchun jalb qilinadigan kredit mablagʻlaridan foydalanish va ularni qaytarish muddatlari va shartlariga rioya qilinishi toʻgʻrisidagi axborot (banklar);

investitsiya loyihalari tashabbuskorlari tomonidan loyihalarni investitsiya loyihalarining aniq dasturiga kiritish uchun asos hisoblanadigan loyihalarning texnik-iqtisodiy asoslanishida ifodalangan investitsiyalash shartlariga rioya qilinishi toʻgʻrisidagi boshqa axborot;

Investitsiya dasturiga kiritilgan investitsiya loyihalarini amalga oshirishni taʼminlash boʻyicha aniq chora-tadbirlarni asoslagan holda takliflar mavjud boʻladi.

18. Investitsiya dasturini amalga oshirishning yigʻma tahlili, shuningdek qoʻshimcha tahliliy axborot asosida, Tashqi iqtisodiy aloqalar, investitsiyalar va savdo vazirligi:

shakllanayotgan yoʻnalishlarni oʻrganib chiqadi, investitsiya loyihalarini amalga oshirishdagi byurokratik toʻsiqlarni aniqlaydi, xorijiy investorlar uchun mavjud imtiyozlar va preferensiyalar tizimining samaradorligini tahlil qiladi;

investitsiya faoliyatining normativ-huquqiy bazasini takomillashtirish yuzasidan takliflar va tavsiyalar ishlab chiqadi;

investitsiya jarayoni samaradorligini oshirish uchun zarur boʻlgan hukumat qarorlarini tayyorlash ishlarini tashkil etadi;

Iqtisodiyot vazirligi tomonidan taqdim etiladigan axborot asosida iqtisodiyotning ustuvor sektorlari va toʻgʻridan toʻgʻri xorijiy investitsiyalarni jalb etish uchun eng muhim ishlab chiqarishlar roʻyxatini, shuningdek jalb etilayotgan investitsiyalarni respublika iqtisodiyoti tarmoqlari va mintaqalari boʻyicha maqbul joylashtirishga doir takliflarni ishlab chiqadi;

Investitsiya dasturini shakllantirish va amalga oshirishning muammoli masalalarini hal etish boʻyicha vazirliklar, idoralar, tashkilotlar, mahalliy davlat hokimiyati va boshqaruv organlari bilan birgalikda takliflar tayyorlaydi;

Iqtisodiyot vazirligi va Moliya vazirligi bilan kelishuv boʻyicha qoʻshimcha investitsiya loyihalarini Investitsiya dasturining aniq qismiga kiritish yoki yigʻma qismiga oʻtkazish yuzasidan takliflarni koʻrib chiqish uchun Muvofiqlashtiruvchi kengashga kiritadi;

investitsiya dasturini shakllantirish va uning bajarilishini taʼminlash uchun zarur boʻlgan boshqa ishlarni tashkil etadi.

19. Monitoring natijalari Tashqi iqtisodiy aloqalar, investitsiyalar va savdo vazirligi tomonidan:

har oyda Vazirlar Mahkamasining tegishli axborot-tahlil departamentlariga va Oʻzbekiston Respublikasi Iqtisodiyot vazirligiga;

yilning har choragida — Oʻzbekiston Respublikasi Prezidenti Devoniga kiritiladi.

20. Zarur qarorlar qabul qilish uchun har oyda:

Investitsiya dasturiga kiritilgan loyihalarning amalga oshirilishi Vazirlar Mahkamasining tegishli komplekslari majlislarida koʻrib chiqiladi;

monitoring natijalari Vazirlar Mahkamasining iqtisodiy islohotlarning borishi va mamlakatni ijtimoiy-iqtisodiy rivojlantirishning asosiy yakunlariga bagʻishlangan majlislarida tinglanadi.

1. Loyiha buyurtmachisi boʻlgan tashkilot —

2. Loyihaning maqsadi —

3. Loyihani investitsiyalash toʻgʻrisida Oʻzbekiston Respublikasi hukumatining qarori (agar zarur boʻlsa) —

4. Hukumat kafolatlari —

5. Loyiha TIA holati —

6. Xorijiy sherik va investor (shu jumladan kreditor, bosh pudratchi) —

7. Loyihani amalga oshirish muddatlari, shu jumladan loyihadagi quvvatga chiqish muddati (yillar) —

8. Loyiha joylashgan joy —

“Tasdiqlayman”
Korxona rahbari (rais, direktor)
_______________________ (F.I.O.)
200__ y. ____________ “__”

Izohlar:

1. Loyihani tayyorlash va amalga oshirishning har bir bosqichida ijro etuvchi agentlik Vazirlar Mahkamasining mutasaddi departamenti bilan kelishgan holda Tashqi iqtisodiy aloqalar, investitsiyalar va savdo vazirligiga investitsiya loyihalari amalga oshirilishi monitoringi tizimining yagona kompyuterlashgan maʼlumotlar bazasini shakllantirish va unga oʻzgartirishlar kiritish maqsadida loyihaning joriy holati toʻgʻrisidagi axborotni taqdim etadi.

2. Loyihalarni tayyorlash va amalga oshirishning majburiy bosqichlari cheklangan muddatlari Vazirlar Mahkamasining mutasaddi departamenti bilan kelishgan holda tuzatishlar kiritilishi mumkin.

1. Mazkur Nizom Oʻzbekiston Respublikasida muruvvat yordami yuklari qabul qilinishi, hisobga olinishi, aniq yoʻnaltirilgan tarzda taqsimlanishi va ulardan maqsadli foydalanilishini nazorat qilish tartibini, shuningdek muruvvat loyihalari monitoringi masalalarini belgilaydi va tartibga soladi.

2. Muruvvat yordami — bu aholining ijtimoiy nochor guruhlariga tibbiy va ijtimoiy yordam koʻrsatish, ijtimoiy soha muassasalarini qoʻllab-quvvatlash, tabiiy ofatlar hamda boshqa favqulodda hodisalar oqibatlarini tugatish uchun beriladigan maqsadli begʻaraz koʻmakning bir turidir.

Muruvvat yordami tibbiyot tovarlari, oziq-ovqat mahsulotlari, xalq isteʼmol tovarlari va boshqa tovarlar, shu jumladan asbob-uskunalar, transport va texnika, shuningdek grantlar, ixtiyoriy ehsonlar, bajarilgan ishlar va xizmatlar, shu jumladan muruvvat yordami yuklarini transportda tashish, kuzatib borish va saqlash shaklida koʻrsatiladi.

Muruvvat yordami sifatida olingan tovarlar bojxonada rasmiylashtirish tartib-qoidalari amalga oshirilgandan keyin oluvchilar tomonidan “Muruvvat yordami” yozuvini qayd etgan, oluvchining rekvizitlarini koʻrsatgan holda tamgʻalanadi.

Muruvvat yordami xorijiy davlatlar, ularning federal yoki munitsipal tuzilmalari, xalqaro va xorijiy tashkilotlar, shuningdek boshqa yuridik va jismoniy shaxslar (keyingi oʻrinlarda donorlar deb ataladi) tomonidan koʻrsatilishi mumkin.

Budjet, nodavlat notijorat tashkilotlari va faoliyati foyda olishga yoʻnaltirilmagan boshqa yuridik shaxslar (keyingi oʻrinlarda oluvchilar deb ataladi) keyinchalik respublika isteʼmolchilari oʻrtasida taqsimlash maqsadida muruvvat yordamining oluvchilari boʻlishi mumkin.

Muruvvat yordami yuklarini oluvchilar dasturlar va donorlar bilan tuzilgan dasturlar va bitimlar yoki muruvvat yordami bilan bogʻliq tadbirlarni muvofiqlashtirish uchun masʼul boʻlgan Vazirlar Mahkamasining Taʼlim, sogʻliqni saqlash va ijtimoiy muhofaza masalalari kompleksi rahbarining (keyingi oʻrinlarda Kompleks deb ataladi) qarorlari asosida aniqlanadi.

Tamaki mahsulotlari, vino-aroq va boshqa alkogolli mahsulotlar, harbiy maqsaddagi tovarlar, shuningdek olib kelinishi taqiqlangan tovarlar muruvvat yordami yuklari jumlasiga kiritilishi mumkin emas.

Muruvvat yordami yuklarining pul ifodasidagi qiymatidan asosan bojxonada rasmiylashtirish maqsadlari uchun foydalaniladi.

3. Oʻzbekistonda muruvvat yordami koʻrsatuvchi xalqaro va xorijiy nohukumat tashkilotlari vakolatxonalari va filiallari Oʻzbekiston Respublikasi Adliya vazirligida akkreditatsiya qilinadi. Vazirlar Mahkamasining Taʼlim, sogʻliqni saqlash va ijtimoiy muhofaza masalalari axborot-tahlil departamentining xulosasi xalqaro va xorijiy nohukumat tashkilot vakolatxonasi yoki filiali davlat roʻyxatidan oʻtkazilishi va qayta roʻyxatdan oʻtkazilishi uchun asos hisoblanadi.

4. Kompleks rahbarining muruvvat yordami masalalari boʻyicha qarorlari vazirliklar, idoralar, tashkilotlar va mahalliy davlat hokimiyati organlarining bajarishi uchun majburiy hisoblanadi.

Muruvvat yordamini muvofiqlashtirish ishlari tezkor bajarilishini tezkor taʼminlash maqsadida shaxsiy tarkibi Vazirlar Mahkamasining farmoyishi bilan tasdiqlanadigan doimiy ishlaydigan ishchi guruh (keyingi oʻrinlarda Ishchi guruh deb ataladi) tashkil etiladi.

5. Muruvvat yordami yuklarini qabul qilish, bojxonada rasmiylashtirish, transportda tashish, toʻplash, saqlash, xatlovdan oʻtkazish, yuklarning xavfsizligi boʻyicha qoʻriqlash va boshqa karantin tadbirlarini oʻtkazish, muruvvat yordamini aniq yoʻnaltirilgan tarzda taqsimlash va ulardan samarali, maqsadli foydalanish uchun masʼuliyat:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzurida tuziladigan muruvvat yordami boʻyicha hududiy komissiyalarga (keyingi oʻrinlarda hududiy komissiyalar deb ataladi);

ijtimoiy soha vazirliklari va idoralari, shuningdek nodavlat notijorat tashkilotlari huzurida tuziladigan muruvvat yordami boʻyicha tarmoq komissiyalariga (keyingi oʻrinlarda tarmoq komissiyalari deb ataladi) yuklanadi.

6. Muruvvat yordamidan belgilanmagan maqsadda foydalanishda aybdor boʻlgan shaxslar qonunda belgilangan tartibda javob beradilar.

7. Muruvvat yordami yuklari qabul qilinishi, hisobga olinishi, aniq yoʻnaltirilgan tarzda taqsimlanishi va ulardan maqsadli foydalanilishini nazorat qilish ushbu Nizomga 1-ilovaga muvofiq sxema boʻyicha amalga oshiriladi. Muruvvat yordami olinishidan oldin maxsus ekspert komissiyasi tomonidan bu yordamning maqsadga muvofiqligi aniqlanadi.

8. Muruvvat yordami sifatida Oʻzbekiston Respublikasiga keltiriladigan yuklarni bojxonada rasmiylashtirish qonun hujjatlariga muvofiq, Departamentning koʻrsatilgan yuklarning muruvvat yordamiga mansubligi toʻgʻrisidagi xulosasi asosida amalga oshiriladi.

Oʻzbekiston Respublikasiga keltirilgan muruvvat yordami yuklari va yuklarni oluvchilar toʻgʻrisidagi maʼlumotlar belgilangan tartibda har chorakda Oʻzbekiston Respublikasi Davlat bojxona qoʻmitasi tomonidan Departamentga hamda Davlat statistika qoʻmitasiga taqdim etiladi.

9. Yuklarning muruvvat yordamiga mansubligini tasdiqlash uchun muruvvat yordamini oluvchi Departamentga quyidagi hujjatlarni taqdim etadi:

dastur yoxud donor tashkilot bilan muruvvat yordami boʻyicha hamkorlik toʻgʻrisidagi bitim;

yukni joʻnatuvchining yuk muruvvat yordamiga mansubligi toʻgʻrisidagi invoysi (schyot-faktura);

yukni oluvchining yukning foydalanish maqsadi toʻgʻrisidagi xati;

yoʻl-transport yuk xatlari;

zaruriyat boʻlganda, karantin va boshqa inspeksiya xizmatlarining yukning qonun hujjatlariga muvofiq respublikaga keltirilishiga ruxsat etilgan yuklar roʻyxatiga muvofiqligi toʻgʻrisidagi xulosasi.

10. Yuklarning muruvvat yordamiga mansubligi toʻgʻrisidagi xulosalar Departamentning protokol tarzidagi qarori rasmiylashtiriladi.

Muruvvat yordami yuklarini bojxonada tezkorlik bilan rasmiylashtirish maqsadida Departamentning masʼul xodimlaridan tayinlangan muvofiqlashtiruvchi tomonidan ularning muruvvat yordamiga mansubligi toʻgʻrisidagi dastlabki xulosasi berilishiga yoʻl qoʻyiladi, keyinchalik mazkur xulosa Departamentning protokoli bilan tasdiqlanadi.

11. Aeroportlarda, temir yoʻl va avtotransport stansiyalarining omborlaridagi muruvvat yordami yuklaridan saqlash, xabardor qilish, bojxona tartib-qoidalari, deklaratsiyalash, bekor turib qolish, tushirish-yuklash ishlari va boshqa xizmatlar uchun bojlar, yigʻimlar va boshqa xil toʻlovlar olinmaydi.

12. Muruvvat yordami yuklari sifatini va ularning xavfsizligini nazorat qilish belgilangan tartibda, toʻlov undirmasdan davlat nazoratining vakolatli organlari tomonidan amalga oshiriladi.

13. Muruvvat yordami yuklarining ularni tashish vaqtidagi saqlanishi tegishli transport tashkilotlari va Oʻzbekiston Respublikasi Ichki ishlar vazirligi Davlat yoʻl harakati xavfsizligi xizmati boʻlinmalari tomonidan, toʻlov undirmasdan taʼminlanadi.

14. Muruvvat yordami yuklarini oluvchilar muruvvat yuklarining hisobga olinishini, saqlanishini, ulardan maqsadli foydalanilishini va ularning aniq yoʻnaltirilgan tarzda taqsimlanishini taʼminlashga majburdirlar.

Muruvvat yordami sifatida keltirilgan tovarlarni hisobga olish va saqlash tijorat tovarlaridan alohida amalga oshiriladi.

15. Hududiy va tarmoq komissiyalari Kompleks rahbari tasdiqlashi uchun Departamentga muruvvat yordami yuklarini aniq yoʻnaltirilgan tarzda taqsimlash boʻyicha takliflar taqdim etadilar, ular har yili beriladigan buyurtmanomalarga muvofiq boʻlishi (ushbu Nizomga 2 va 3-ilovalarga muvofiq shakl boʻyicha), shuningdek donor tashkilotlar va nodavlat notijorat tashkilotlarning takliflariga, xalq deputatlari va fuqarolarning oʻzini oʻzi boshqarish organlari soʻrovlariga asoslanishi kerak.

16. Muruvvat yordami yuklarining maqsadli foydalanilishi va ularni aniq yoʻnaltirilgan tarzda taqsimlash ustidan nazorat hududiy va tarmoq komissiyalari tomonidan amalga oshiriladi. Muruvvat yordami yuklarini oluvchi budjet tashkilotlari boʻyicha nazorat, shuningdek yuqori tashkilotlar tomonidan ham amalga oshiriladi.

17. Huzurida hududiy va tarmoq komissiyalari tashkil etilgan Oʻzbekiston Respublikasi vazirliklari va idoralari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Davlat statistika qoʻmitasiga muruvvat yordami yuklari olingani va ulardan maqsadli foydalanilgani toʻgʻrisida har chorakda Davlat statistika hisoboti shakli boʻyicha hisobotlar taqdim etadilar.

Oʻzbekiston Respublikasi Davlat statistika qoʻmitasi Ishchi guruh bilan birgalikda hududiy va tarmoq komissiyalari tomonidan taqdim etilgan maʼlumotlarni yigʻma statistika hisoboti tarzida umumlashtirishni taʼminlaydi.

18. Muruvvat yordami yuklarining maqsadli foydalanilishi va aniq yoʻnaltirilgan tarzda taqsimlanishini tekshirishlar belgilangan tartibda, Ishchi guruh tomonidan Departament tasdiqlagan jadval boʻyicha, zaruriyat boʻlganda, mustaqil ekspertlar, Oʻzbekiston Respublikasi Moliya vazirligi, Davlat bojxona qoʻmitasi va Davlat soliq qoʻmitasi vakillarini jalb etgan holda oʻtkaziladi.

19. Muruvvat yordami yuklarining oluvchilari yoki isteʼmolchilari hisoblanadigan budjet tashkilotlarining moliya-xoʻjalik faoliyatini rejali tekshirishlarni oʻtkazish vaqtida davlat moliya organlari tomonidan ularni tekshirish rejalariga muruvvat yordami yuklarining maqsadli foydalanilishi va ularning aniq yoʻnaltirilgan tarzda taqsimlanishini nazorat qilish ham kiritiladi.

20. Oʻtkazilgan tekshirishlar yakunlari boʻyicha dalolatnoma tuziladi, unda muruvvat yordami yuklarini bojxonada rasmiylashtirish, qabul qilish, hisobga olish va aniq yoʻnaltirilgan tarzda taqsimlash talablariga muvofiqlik, shu jumladan:

muruvvat yordami yuklarini saqlash va taqsimlash sharoitlari;

muruvvat yordami sifatida keltirilgan tovarlarda tamgʻaning mavjudligi;

olingan muruvvat yordami yuklari boʻyicha hisobga olish hujjatlarining (hisobga olish daftarlari, kitoblari, vedomostlar va shu kabilar) mavjudligi va toʻliqligi;

muruvvat yordami yuklari isteʼmolchilarining yuklarning olinganligi toʻgʻrisida belgi qoʻyilgan holdagi nomlari koʻrsatilgan roʻyxatlarini tuzish;

muruvvat yordami sifatida olingan foydalanilmagan tovarlar miqdorining hisobi, sabablari, foydalanishga yaroqlilik muddati oʻtib ketgan tovarlar (mahsulotlar)ni koʻrsatgan holda;

fuqarolarning xatlari va shikoyatlari boʻyicha ishlarning amalga oshirilganligi aks ettiriladi.

21. Muruvvat loyihalari amalga oshirilishi monitoringi ushbu Nizomga 4-ilovaga muvofiq sxema boʻyicha yuritiladi.

22. Donorlar tomonidan muruvvat yordami doirasida berilgan mablagʻlar, tovarlar va xizmatlardan foydalanish samaradorligini oshirish muruvvat loyihalarini amalga oshirish monitoringining maqsadi hisoblanadi.

23. Muruvvat yordami boʻyicha hududiy va tarmoq komissiyalari muruvvat loyihalarini amalga oshirish boʻyicha takliflar toʻgʻrisidagi maʼlumotlarni yigʻadi, ishlaydi va umumlashtiradi hamda ushbu maʼlumotlarni muntazam ravishda Departamentga taqdim etadi.

Ishchi guruh taqdim etilgan axborotni tahlil qiladi, har yili yigʻma hisobot tuzadi va Kompleks rahbari uchun ustuvor loyihalar roʻyxatini shakllantirish boʻyicha takliflar tayyorlaydi.

24. Muruvvat loyihalarining ustuvor roʻyxatini donorlarga yuborish Ishchi guruh tomonidan Oʻzbekiston Respublikasi Tashqi ishlar vazirligi hamda respublikada akkreditatsiya qilingan donorlar vakolatxonalari orqali amalga oshiriladi.

Donorlar tomonidan muruvvat loyihasini amalga oshirishdan manfaatdorlik tasdiqlangan taqdirda tegishli ijrochi hududiy va tarmoq komissiyalari orqali dasturni tayyorlash va amalga oshirishning asoslangan reja-jadvalini protokol bilan tasdiqlash uchun Departamentga joʻnatadi.

25. Muruvvat loyihalari monitoringining muntazam ravishda oʻtkazilishi yuzasidan masʼuliyat hududiy va tarmoq komissiyalariga yuklanadi.

26. Muruvvat loyihalarini amalga oshirish monitoringini amalga oshirish quyidagi hujjatlarni tayyorlash va yigʻish, shuningdek tasdiqlashni taʼminlashni nazarda tutadi:

a) Reja-jadval (ushbu Nizomga 5-ilovaga muvofiq shakl boʻyicha);

b) Ishlarning bajarilishi toʻgʻrisidagi hisobot (ushbu Nizomga 6-ilovaga muvofiq shakl boʻyicha);

v) Ishlarning bajarilishi toʻgʻrisidagi hisobotga tushuntirish xati (ixtiyoriy shaklda), unda quyidagi maʼlumotlar boʻladi:

loyiha toʻgʻrisida umumiy maʼlumotlar (tarmoq sektori, loyihaning nomi, uning joylashgan joyi va kutilayotgan natijalari, muruvvat loyihasining ijrochilari, amalga oshirish davri, smeta qiymati, moliyalashtirish manbalari);

moliyalashtirishning borishi va ajratilgan mablagʻlarning oʻzlashtirilishi, muruvvat loyihasini amalga oshirishda paydo boʻlgan muammolar toʻgʻrisida axborot;

import qilinayotgan tovarlar va xizmatlar toʻgʻrisida maʼlumotlar;

qoʻyilgan maqsadlarga erishilganligi va prognoz koʻrsatkichlarning bajarilishi toʻgʻrisida maʼlumotlar.

27. Muruvvat yordami boʻyicha hududiy va tarmoq komissiyalari tomonidan hisobotlar Departamentga va Davlat statistika qoʻmitasiga:

Reja-jadval — har yili 25-yanvardan kechikmay;

Ishlarning bajarilishi toʻgʻrisida hisobot va Ishlarning bajarilishi toʻgʻrisidagi hisobotga tushuntirish xati — hisobot choragidan keyingi oyning 10-kunidan kechikmay taqdim etiladi.

28. Oʻzbekiston Respublikasi Davlat statistika qoʻmitasi Departamentga va Tashqi iqtisodiy aloqalar, investitsiyalar va savdo vazirligiga ustuvor muruvvat loyihalarining amalga oshirilishi toʻgʻrisida yakuniy axborot taqdim etadi.

1. Sarvaraq

a) dasturning nomi

b) hududiy komissiya toʻgʻrisidagi maʼlumotlar (manzili, telefon, faks)

v) dasturning boshlanishi va tugallanishi sanalari

g) loyihaning jugʻrofiyasi (u qayerda amalga oshiriladi)

d) dasturning qiymati

2. Muammoning qoʻyilishi

3. Dasturning maqsadi va vazifalari

4. Dasturni amalga oshirish usullari va bosqichlari

5. Dastur monitoringi usullari

6. Kutilayotgan natijalar va ularni baholash mezonlari

7. Dasturning budjeti

1) Tarmoq komissiyasining nomi

2) Muruvvat yordami sifatida olinayotgan tovarlarning soʻralayotgan guruhi nomi

(Masalan: dori-darmonlar va tibbiyot anjomlari)

3) Necha marta murojaat qilingan

(Buyurtmanoma birinchi buyurtmanoma yoki takroriy ekanligi koʻrsatilsin. Agar buyurtmanoma takroriy boʻlsa, qaysi xalqaro tashkilotga va qachon murojaat qilinganligi koʻrsatilsin)

4) Talab etiladigan muruvvat yuklari soʻrovi uchun shakl

5) Etkazib berishning kutilayotgan muddatlari

6) Muruvvat yordamidan foydalanish monitoringi usullari

(Masalan: bevosita oluvchilardan soʻrab chiqish, taqsimlash joyiga boruvchi komissiyalar, oluvchi tashkilotlar hisobotlari, boshqalar)