1999-yilda davlat zaxirasi, maxsus isteʼmolchilar va davlat taʼminotidagi muassasalar uchun oziq-ovqatlar xarid qilishning samarali tizimini taʼminlash maqsadida Vazirlar Mahkamasi qaror qiladi:

1. Davlat taʼminotidagi muassasalarni, maxsus isteʼmolchilarni va davlat zaxirasini asosiy oziq-ovqat mahsulotlari bilan taʼminlashning Oʻzbekiston Respublikasi Vazirlar Mahkamasining 1997-yil 14-avgustdagi 397-son qarori bilan tasdiqlangan tartibining amal qilishi 1999-yil uchun saqlab qolinsin.

2. 1999-yilda davlat taʼminotidagi muassasalar uchun oziq-ovqatlar xarid qilishni mablagʻ bilan taʼminlashning cheklangan limitlari 1-ilovaga* muvofiq tasdiqlansin.

5. Oʻzbekiston Respublikasi Mudofaa vazirligi, Ichki ishlar vazirligi, Favqulodda vaziyatlar vazirligi, Oliy va oʻrta maxsus taʼlim vazirligi, Xalq taʼlimi vazirligi, Sogʻliqni saqlash vazirligi, Ijtimoiy taʼminot vazirligi, Milliy xavfsizlik xizmati, Davlat soliq qoʻmitasi, Davlat bojxona qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari respublika tovar ishlab chiqaruvchilari tomonidan, davlat ehtiyojlari uchun oziq-ovqatlar xarid qilishni mablagʻ bilan taʼminlashning cheklangan limitlariga muvofiq miqdorda, oziq-ovqatlar yetkazib berish yuzasidan shartnomalar tuzishni ikki hafta muddatda tugallasinlar.

Qishloq xoʻjaligi mahsulotlari yetkazib berish yuzasidan shartnomalar tuzishda qishloq xoʻjaligi mahsulotlari yetishtiruvchilari bilan fyuchers bitishuvlari tuzish amaliyotga joriy etilsin.

7. “Oʻzulgurjibirjasavdo” uyushmasi oziq-ovqat mahsulotlari sotish boʻyicha birja va yarmarka savdolarida davlat taʼminotidagi muassasalar hamda maxsus isteʼmolchilarning vositachilik yigʻimlari undirilmasdan qatnashishi uchun shart-sharoitlar yaratsin.

8. Oʻzbekiston Respublikasi Makroiqtisodiyot va statistika vazirligi Oʻzbekiston Respublikasi boʻyicha 1999-yil uchun asosiy oziq-ovqat mahsulotlari resurslari balansini shakllantirishda ularning davlat ehtiyojlari uchun yetkazib beriladigan miqdorlarini nazarda tutsin.

10. Oʻzbekiston Respublikasi Moliya vazirligi respublikada ishlab chiqarilmaydigan yoki cheklangan miqdorda ishlab chiqariladigan oziq-ovqat mahsulotlarini import boʻyicha xarid qilish uchun valyuta mablagʻlari limiti boʻyicha takliflarni ikki hafta muddatda Vazirlar Mahkamasiga kiritsin.

11. Oziq-ovqat mahsulotlarini import boʻyicha xarid qilish yuzasidan tenderlar oʻtkazishni muvofiqlashtiruvchi Respublika komissiyasi 1999-yilda davlat ehtiyojlari uchun ichki bozorda xarid qilishda yetishmagan asosiy oziq-ovqat turlarini import boʻyicha sotib olish yuzasidan bir oy muddatda tenderlar oʻtkazilishini taʼminlasin.

12. Belgilab qoʻyilsinki, vazirliklar va idoralar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, mahalliy hokimiyat organlari, budjet muassasalari va budjetdan mablagʻ bilan taʼminlanadigan tashkilotlar rahbarlari tegishli kontingentlarning oziq-ovqat mahsulotlari bilan uzluksiz taʼminlanishi, davlat mablagʻlaridan belgilangan maqsadda foydalanilishi va kreditorlik qarzlari hosil boʻlishi uchun amaldagi qonunchilikka muvofiq shaxsan javob beradilar.

14. Oʻzbekiston Respublikasi Vazirlar Mahkamasining 1997-yil 14-avgustdagi 397-son qarori 2-bandining uchinchi xatboshi oʻz kuchini yoʻqotgan deb hisoblansin.

15. Mazkur qarorning bajarilishini nazorat qilish Bosh vazir oʻrinbosarlari B. Hamidov va M. Usmonov zimmasiga yuklansin.