1-ILOVA
T/r | Maqsadli koʻrsatkich nomi | Oʻlchov birligi | Maqsadli qiymat | Erishish muddati | Masʼul idoralar |
I. Bilim va malakani taraqqiyotning asosiy kapitaliga aylantirish | |||||
1. | 6 yoshli bolalarning bir yillik majburiy maktabga tayyorlov bilan qamrovini oshirish | foiz | 100 | 2027-yildan | Taʼlim va ilm-fan vazirligi, Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
2. | Xalqaro mezonlarga mos milliy diagnostika bilan barcha umumtaʼlim maktablarini toʻliq qamrab olish | foiz | 100 | 2030-yilgacha | Taʼlim va ilm-fan vazirligi, Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
3. | Texnikumlarda yuqori daromadli kasblarga oʻqitish qamrovini oshirish | mln nafar | 1,0 | 2031-yil | Taʼlim va ilm-fan vazirligi, Kambagʻallikni qisqartirish va bandlik vazirligi, Savdo-sanoat palatasi |
4. | Dunyoning nufuzli xalqaro reytinglarining top-1000 talik roʻyxatiga mahalliy oliy taʼlim tashkilotlarini kiritish | ta | 10 | 2030-yil | Taʼlim va ilm-fan vazirligi |
5. | Raqamli koʻnikma va kelajak kasblariga yoshlarni jalb qilish | mln nafar | 10 | 2031-yilgacha | Raqamli texnologiyalar vazirligi, Taʼlim va ilm-fan vazirligi, Kasbiy taʼlim agentligi, Yoshlar ishlari agentligi, Kambagʻallikni qisqartirish va bandlik vazirligi |
II. Aholining sogʻlom va uzoq umr koʻrishini taʼminlash | |||||
6. | Salomatlikka davlat xarajatlarining yalpi ichki mahsulotdagi ulushini oshirish | foiz | 3,2 3,7 4,1 4,6 5,0 | 2027-yil 2028-yil 2029-yil 2030-yil 2031-yil | Iqtisodiyot va moliya vazirligi, Sogʻliqni saqlash vazirligi |
7. | Davlat tibbiy sugʻurtasi tizimi bilan respublikadagi barcha xonadonlarni toʻliq qamrab olish | foiz | 100 | 2031-yilgacha | Sogʻliqni saqlash vazirligi, Iqtisodiyot va moliya vazirligi, Davlat tibbiy sugʻurtasi jamgʻarmasi |
8. | Reimbursatsiya dasturi boʻyicha bepul beriladigan dori vositalari turini koʻpaytirish | tur | 60 dan ortiq | 2027-yildan | Sogʻliqni saqlash vazirligi, Iqtisodiyot va moliya vazirligi, Davlat tibbiy sugʻurtasi jamgʻarmasi |
9. | Dunyoning nufuzli klinikalarini jalb qilish va ularning amalda xizmat koʻrsatishini taʼminlash | ta | 5 | 2030-yilgacha | Sogʻliqni saqlash vazirligi, Investitsiyalar, sanoat va savdo vazirligi, Iqtisodiyot va moliya vazirligi |
10. | Tibbiyot va farmatsevtika xodimlarining uzluksiz kasbiy taʼlim bilan qamrovini oshirish | foiz | 100 | 2030-yil | Sogʻliqni saqlash vazirligi, Tibbiyot va farmatsevtika tarmogʻini rivojlantirish agentligi, Taʼlim va ilm-fan vazirligi, Iqtisodiyot va moliya vazirligi |
III. Yuqori texnologiya va mehnat unumdorligiga asoslangan iqtisodiyotni rivojlantirish | |||||
11. | Yalpi ichki mahsulot hajmini oshirish | mlrd AQSH dollari | 300 | 2030-yil | Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, vazirlik va idoralar |
12. | Sanoatda yuqori daromadli ish oʻrinlarini yaratish | mln ta | 2,0 | 2030-yilgacha | Investitsiyalar, sanoat va savdo vazirligi, Kambagʻallikni qisqartirish va bandlik vazirligi, Iqtisodiyot va moliya vazirligi, Taʼlim va ilm-fan vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirlik va idoralar |
13. | Har yili kichik va oʻrta korxonalarni rivojlantirish dasturlariga kiritish | ta | 500 ta kichik, 100 ta oʻrta | har yili | Iqtisodiyot va moliya vazirligi, Markaziy bank, Soliq qoʻmitasi, Sanoat kooperatsiyasi va davlat xaridlari agentligi, Savdo-sanoat palatasi, Investitsiyalar, sanoat va savdo vazirligi |
IV. Suv resurslari va tabiatga munosabatni tubdan oʻzgartirish | |||||
14. | Sugʻoriladigan ekin maydonlarida suv tejovchi texnologiyalar qamrovini oshirish | foiz | 100 | 2030-yil | Suv xoʻjaligi vazirligi, Qishloq xoʻjaligi vazirligi, Iqtisodiyot va moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
15. | Tuman va shahar markazlarida yashillik darajasini oshirish | foiz | kamida 30 | 2030-yil | Ekologiya va iqlim oʻzgarishi milliy qoʻmitasi, Oʻrmon va yashil hududlarni koʻpaytirish, choʻllanishga qarshi kurashish agentligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirlik va idoralar |
V. Sud mustaqilligini kuchaytirish va qonun ustuvorligini taʼminlash | |||||
16. | Barcha umumtaʼlim maktablarida huquqiy savodxonlik dasturini joriy etish | foiz | 100 | 2031-yilgacha | Taʼlim va ilm-fan vazirligi, Adliya vazirligi, Inson huquqlari boʻyicha vakil (ombudsman), Bolalar ombudsmani, Sudyalar oliy kengashi, Odil sudlov akademiyasi |
VI. Mahallani jamiyat taraqqiyotining asosiy buyurtmachisiga aylantirish | |||||
17. | Mahalla buyurtmalari yuzasidan 30 kunlik muddatda asoslantirilgan qaror qabul qilinishini toʻliq taʼminlash | foiz | 100 | 2028-yildan | Iqtisodiyot va moliya vazirligi, Urbanizatsiya va uy-joy bozorini barqaror rivojlantirish milliy qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hamda tuman (shahar) hokimliklari, xalq deputatlari mahalliy Kengashlari |
VII. Oʻzbekistonning tinchlik, doʻstlik va bagʻrikenglik diyori sifatidagi nufuzni yuksaltirish | |||||
18. | Barcha diplomatik vakolatxonalarda iqtisodiy diplomatiya loyihalari boʻyicha natijaviy hisob yuritishni joriy etish | foiz | 100 | 2027-yildan | Tashqi ishlar vazirligi, Investitsiyalar, sanoat va savdo vazirligi, Transport vazirligi, xorijdagi diplomatik vakolatxonalar |
2-ILOVA
T/r | Chora-tadbir | Amalga oshirish mexanizmi | Ijro muddati | Masʼul ijrochilar |
I. Bilim va malakani taraqqiyotning asosiy kapitaliga aylantirish — masʼul E.O. Turdimov, O.A. Xakimov, O.D. Davlatov | ||||
1. | 6 yoshli bolalarni maktabga tayyorlov guruhlari bilan toʻliq qamrab olish. | Amaliy chora-tadbirlar. Bunda: | Taʼlim va ilm-fan vazirligi (Turdimov), Iqtisodiyot va moliya vazirligi (Norqulov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari | |
hududlar kesimida ehtiyoj yuzasidan xatlovni yakunlash; | 2026-yil dekabr | |||
pedagog va jihozlar meʼyorini tasdiqlash; bepul majburiy bir yillik tayyorlov guruhlari uchun moʻljallangan xonalarni mebel va boshqa jihozlar bilan toʻliq taʼminlash. | 2027-2028-yillar davomida | |||
2. | 2026-yildan boshlab, har yili kamida 100 tadan maktabgacha taʼlim tashkilotini qurish, rekonstruksiya qilish maqsadida Osiyo taraqqiyot banki koʻmagida Samarqand, Jizzax, Surxondaryo, Qashqadaryo va Toshkent viloyatlarida davlat-xususiy sheriklik shartlari asosida 500 tadan maktabgacha taʼlim tashkilotini tashkil qilish | 1. Loyiha konsepsiyasini ishlab chiqish va tasdiqlash. | 2027-yil yanvar | Taʼlim va ilm-fan vazirligi (Turdimov), Samarqand viloyati hokimligi (Boboyev), Jizzax viloyati hokimligi (Mustafoyev), Surxondaryo viloyati hokimligi (Qosimov), Qashqadaryo viloyati hokimligi (Azimov), Toshkent viloyati hokimligi (Mirzayev), Iqtisodiyot va moliya vazirligi (Norqulov) |
2. Loyiha uchun zarur boʻlgan yer uchastkalarini ajratish. | 2027-yil fevral | |||
3. Barcha hududlarni bir lot qilgan holda tenderning birinchi bosqichini oʻtkazish va baholash. | 2027-yil mart | |||
4. Tenderning ikkinchi bosqichini oʻtkazish va baholash. | 2027-yil avgust | |||
5. Tender gʻolibini eʼlon qilish va DXSH toʻgʻrisidagi bitimni imzolash. | 2027-yil oktabr | |||
3. | Xususiy bogʻcha tashkil etishni davlat tomonidan qoʻllab-quvvatlashni davom ettirish va taʼlim sifatini oshirish. | Normativ-huquqiy hujjat loyihasini ishlab chiqish. Bunda: nodavlat bogʻchalarni tashkil etish uchun yer maydonlarini ajratish va imtiyozli kredit liniyalarini ishga tushirish; nodavlat bogʻchalarda ishlovchi tarbiyachilar pedagogik mahoratini oshirish, shu jumladan, malaka oshirishning yangi tizimini yoʻlga qoʻyish; nodavlat maktabgacha taʼlim tashkilotlari pedagoglarining kasbiy rivojlanishini taʼminlashga qoʻshimcha sharoitlar yaratish maqsadida “Tarbiyachi” taʼlimni boshqarish platformasini (LMS) yaratish; zamonaviy pedagogik metodikalar, innovatsion taʼlim texnologiyalariga oid videodarsliklar, uslubiy qoʻllanmalar, testlar hamda interfaol mashgʻulotlarni ishlab chiqish va ularni “Tarbiyachi” platformasiga joylashtirish; xalqaro ekspertlarni jalb etgan holda nodavlat bogʻchalarga budjet subsidiyalarini ajratish shartlarini qayta koʻrib chiqish; budjet subsidiyalarini taʼlim sifatiga bogʻlangan holda ajratish boʻyicha yangi mexanizmlarni joriy qilish. | 2027-yil aprel | Taʼlim va ilm-fan vazirligi (Turdimov), Iqtisodiyot va moliya vazirligi (Norqulov) |
4. | Barcha maktablarni xalqaro baholash dasturlari bilan bosqichma-bosqich qamrab olish. | Amaliy chora-tadbirlar. Bunda bosqichma-bosqich: PISA va boshqa xalqaro baholash dasturlarida Oʻzbekiston erishgan natijalar tahlili asosida taʼlim sifatini oshirish boʻyicha tavsiyalar ishlab chiqish va ularni amaliyotga joriy etish; oʻquv dasturlari va darsliklarga PISA va boshqa xalqaro baholash dasturlari namunasidagi funksional savodxonlik topshiriqlarini kiritish; barcha maktablarda “Kasbiy rivojlanish kuni” (KRK) va “Kasbiy rivojlanish soati” (KRS) doirasida oʻqituvchilar uchun xalqaro baholash dasturlari natijalari va funksional savodxonlik boʻyicha muntazam mashgʻulotlarni tashkil etish. | 2027 — 2030-yillar | Taʼlim va ilm-fan vazirligi (Turdimov) |
5. | Texnikumlarda xalqaro taʼlim standartlarini joriy etish va yuqori daromadli kasblarga oʻqitish. | Amaliy chora-tadbirlar. Bunda: ichki va tashqi mehnat bozorida talab yuqori boʻlgan kasblar boʻyicha xalqaro taʼlim standartlari joriy etilgan texnikumlar sonini 300 taga yetkazish; texnikumlardagi barcha mahalliy taʼlim dasturlarini xalqaro standartlar asosida yangidan ishlab chiqish va amaliyotga tatbiq etish; Kambagʻallikni qisqartirish va bandlik vazirligining vaucher tizimi asosida ishsiz, band boʻlmagan aholini talab yuqori boʻlgan kasb-hunar va xorijiy tillarga oʻqitish; ish beruvchi talabi asosida dual taʼlimni rivojlantirish va kasbga oʻqitishda amaliy mashgʻulotlar ulushini 70 foizga yetkazish. | 2027 — 2030-yillarda bosqichma-bosqich | Kasbiy taʼlim agentligi (Xusanov), Kambagʻallikni qisqartirish va bandlik vazirligi (Zaxidov), masʼul vazirlik va idoralar |
6. | Kamida 10 ta universitetni dunyoning top-1000 talik reytingiga kiritish. | Amaliy chora-tadbirlar. Bunda: 1. “U 10 — Oʻzbekistonning global ilgʻor universitetlari” dasturi doirasida yirik ilmiy loyihalarni amalga oshiruvchi, yuqori salohiyatga ega respublika oliygohlarni tanlov asosida aniqlash. | 2027-yildan boshlab har yili noyabr | Taʼlim va ilm-fan vazirligi (Turdimov), Tashqi ishlar vazirligi (Saidov), tegishli oliy taʼlim tashkilotlari |
2. Ilmiy klaster tashkil etish loyihasi boʻyicha oʻtkaziladigan tanlovda gʻolib boʻlgan oliygohlar bilan xalqaro reyting mezonlari asosida maqsadli ishlash, ularning xalqaro reytingga kirishga (oʻrnini oshirishga) qaratilgan “yoʻl xaritasi”ni ishlab chiqish. 3. Xalqaro tan olingan reyting tashkilotlari vakillari bilan muzokaralar oʻtkazish. | 2027 — 2030-yillar | |||
4. Xalqaro reytinglarning top-1000 talik roʻyxatiga kiruvchi oliygohlar sonini 10 taga yetkazish. | 2030-yil | |||
7. | 10 million yoshni raqamli industriya va kelajak kasblariga jalb qilish. | Quyidagilarni nazarda tutuvchi Hukumat qarori loyihasini ishlab chiqish: hududlar kesimida raqamli koʻnikmalar dasturini tasdiqlash; IT, sunʼiy intellekt va kreativ iqtisodiyot boʻyicha qisqa muddatli kurslarni tashkil etish choralarini belgilash; sertifikat va bandlikka bogʻlangan vaucherlar tizimini joriy etish. | 2027-yil yanvar | Raqamli texnologiyalar vazirligi (Shermatov), Taʼlim va ilm-fan vazirligi (Turdimov), Yoshlar ishlari agentligi (Saʼdullayev), Kasbiy taʼlim agentligi (Xusanov), Kambagʻallikni qisqartirish va bandlik vazirligi (Zaxidov) |
8. | Oʻzbek tilini raqamli dunyoda ilm va texnologiya yaratiladigan tilga aylantirish. | Quyidagilarni nazarda tutuvchi Hukumat qarori loyihasini ishlab chiqish: oʻzbek tilidagi adabiyotlar, qoʻllanmalar va boshqa axborot resurslarini raqamli koʻrinishga oʻtkazish dasturini tasdiqlash; oʻzbek tilidagi sunʼiy intellekt modellari, xususan, katta til modellaridan oʻqitish jarayonlarida foydalanish choralarini belgilash. | 2027-yil yanvar | Fanlar akademiyasi (Ayupov), Taʼlim va ilm-fan vazirligi (Turdimov), Alisher Navoiy nomidagi Toshkent davlat oʻzbek tili va adabiyoti universiteti (Sirojiddinov), Raqamli texnologiyalar vazirligi (Shermatov) |
II. Aholining sogʻlom va uzoq umr koʻrishini taʼminlash — masʼul E.O. Turdimov, J.A. Qoʻchqorov, T.A. Aliyeva | ||||
9. | Aholi salomatligi bilan bogʻliq davlat xarajatlarini YAIMga nisbatan 5 foizga yetkazish. | Amaliy chora-tadbirlar. Bunda: 2027 — 2031-yillarda sogʻliqni saqlash sohasiga yoʻnaltiriladigan mablagʻlarning YAIMga nisbatan 2027-yil uchun 3,2 foiz, 2028-yil — 3,7 foiz, 2029-yil — 4,1 foiz, 2030-yil — 4,6 foiz, 2031-yil — 5,0 foiz ulushlarda ajratilishini taʼminlash; ajratilayotgan mablagʻlar samaradorligini baholab borish maqsadida sogʻliqni saqlash sohasida qabul qilingan rivojlantirish dasturlaridan kelib chiqib maqsadli koʻrsatkichlarni belgilash. | 2027 — 2031-yillar | Iqtisodiyot va moliya vazirligi (Norqulov), Sogʻliqni saqlash vazirligi (Adilov), Davlat tibbiy sugʻurtasi jamgʻarmasi (Ermatov) |
10. | Tibbiyotda profilaktikaga asoslangan salomatlikni asrash modeliga oʻtish. | Quyidagilarni nazarda tutuvchi Oʻzbekiston Respublikasi Prezidentining qarori loyihasini ishlab chiqish: birlamchi tibbiy-sanitariya yordami koʻrsatishning yangi modelini bosqichma-bosqich barcha hududlarda joriy qilish; aholiga birlamchi tibbiy-sanitariya yordamini koʻrsatishda oilaviy shifokor ulushini 70 foizga yetkazish; aholi orasida sogʻlom turmush tarzi, sogʻlom ovqatlanish, sogʻlom va faol keksalikni taʼminlash choralarini belgilash; “Aqlli sogʻliq xaritasi” dasturi orqali har bir fuqaro uchun yoshi, jinsi va xavf omillariga qarab individual profilaktik koʻriklar rejasini shakllantirish. | 2027-yil yanvar | Sogʻliqni saqlash vazirligi (Adilov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
11. | Davlat tibbiy sugʻurtasini mamlakatdagi barcha xonadonlarga yetkazish. | 1. Amaliy chora-tadbirlar. Bunda: Yagona interaktiv davlat xizmatlari portalida har bir fuqaroning shaxsiy kabineti orqali uning davlat tibbiy sugʻurtasi doirasidagi huquqiy maqomi, foydalanishi mumkin boʻlgan bepul tibbiy xizmatlar va dori vositalari roʻyxatini aks ettiruvchi elektron polis joriy etish; davlat tibbiy sugʻurtasi doirasida tegishli huquq yoki xizmat mavjudligi haqida fuqaroga SMS va YIDXPdagi shaxsiy kabinet orqali xabarnoma yuborish mexanizmini yoʻlga qoʻyish; har bir bemorga kafolatlangan paket doirasida reimbursatsiya dasturi boʻyicha dorixonalardan beriladigan bepul dori vositalari turini 28 tadan 69 tagacha yetkazish; | 2027 — 2030-yillar | Sogʻliqni saqlash vazirligi (Adilov), Iqtisodiyot va moliya vazirligi (Norqulov), Davlat tibbiy sugʻurtasi jamgʻarmasi (Ermatov) |
2. Rejali ambulator gemodializ oluvchi bemorlarning davolash muassasasiga borib-kelish xarajatlarini ijtimoiy karta orqali qoplash mexanizmini joriy etish boʻyicha takliflar kiritish. | 2026-yil dekabr | Sogʻliqni saqlash vazirligi (Adilov), Ijtimoiy himoya milliy agentligi (Olloyorov) | ||
12. | Ixtisoslashgan tibbiyotda raqobatni kuchaytirish uchun dunyoning kamida 5 ta nufuzli klinikasini jalb qilish. | Amaliy chora-tadbirlar. Bunda: 1. Yetakchi xorijiy klinikalar (boshqaruv kompaniyalari) bilan muzokaralar oʻtkazish. | 2027 — 2030-yillar | Sogʻliqni saqlash vazirligi (Adilov), Investitsiyalar, sanoat va savdo vazirligi (Kudratov), Tashqi ishlar vazirligi (Saidov), Iqtisodiyot va moliya vazirligi (Norqulov) |
2. Tanlov asosida xorijiy klinikalar (boshqaruv kompaniyalari) bilan bitim imzolash. | 2027-yil avgust | |||
3. Xalqaro konsultantlarni jalb qilgan holda tibbiyot muassasalarini boshqarishning korporativ modelini, talablar va eng muhim samaradorlik koʻrsatkichlarini (KPI) ishlab chiqish va takliflarni Vazirlar Mahkamasiga kiritish. | 2027-yil mart | |||
13. | Tibbiyot, farmatsevtika, biotexnologiya va tibbiy taʼlimni kompleks rivojlantirish. | Amaliy chora-tadbirlar. Bunda: 2027 — 2030-yillarda oliy tibbiy taʼlim muassasalarining oʻquv dasturlarini bosqichma-bosqich Butunjahon tibbiy taʼlim federatsiyasi (WFME) standartlariga muvofiqlashtirish va akkreditatsiyadan oʻtkazish dasturini joriy qilish; 2027 — 2030-yillarga moʻljallangan oliy taʼlim tashkilotlarining klinik bazasi, ilmiy-amaliy tadqiqot laboratoriyasi va simulyatsion markazlarini tashkil etish va (yoki) rivojlantirish “yoʻl xaritasi”ni tasdiqlash; xalqaro hamkorlik asosida qoʻshma taʼlim dasturlari, akademik almashinuv va stajirovka dasturlarini joriy etish; oliy va oʻrta maʼlumotli tibbiyot va farmatsevtika xodimlarining uzluksiz kasbiy taʼlim bilan qamrovini 2030-yilga qadar 100 foizga yetkazishni nazarda tutish; tibbiyot va farmatsevtika xodimlarini davlat roʻyxatidan oʻtkazish orqali kasbiy faoliyatga ruxsat berish tizimini joriy etish; tibbiyot va farmatsevtika xodimlarining oylik maoshlariga ustamalar toʻlash orqali ixtiyoriy ravishda maxsus imtihonlar asosida davlat roʻyxatidan oʻtkazish tizimi bilan qamrab olishni jadallashtirish. | 2027 — 2030-yillar | Sogʻliqni saqlash vazirligi (Adilov), Tibbiyot va farmatsevtika tarmogʻini rivojlantirish agentligi (Azizov), (Turdimov), Iqtisodiyot va moliya vazirligi (Norqulov) |
III. Yuqori texnologiya va mehnat unumdorligiga asoslangan iqtisodiyotni rivojlantirish — masʼul J.A. Qoʻchqorov, J.A. Xodjayev, K.K. Mardonov | ||||
14. | Kelgusi oʻn yilda 450 mlrd dollar xorijiy investitsiyalarni jalb qilish. | Quyidagilarni nazarda tutuvchi Oʻzbekiston Respublikasi Prezidentining qarori loyihasini ishlab chiqish: xorijiy investitsiyalarni zamonaviy va yuqori texnologiyalarni olib kirish hamda yuqori daromadli loyihalarni amalga oshirish uchun jalb etishni nazarda tutuvchi yangi strategiyani ishlab chiqish; Iqtisodiyot va moliya vazirligi tomonidan taqdim etiladigan makroiqtisodiy prognoz, tarmoqlar va hududlarning investitsiyalarga boʻlgan ehtiyoji hamda davlat tashqi qarzi boʻyicha cheklangan miqdorlar asosida kelgusi oʻn yilda jalb qilinishi lozim boʻlgan 450 mlrd dollar xorijiy investitsiyani yillar, tarmoqlar va hududlar kesimida maqsadli parametrlarga taqsimlash (2027 — 2030-yillar uchun — aniq, keyingi yillar uchun — prognoz parametrlar) hamda ushbu parametrlarga erishish uchun 2027 — 2030-yillarga moʻljallangan manzilli investitsiya loyihalari portfelini shakllantirish va uni har yili yangilab borish; xorijiy investitsiyalarni jalb qilishda texnologiyalar transferi hamda mahalliy mutaxassislar, shu jumladan, muhandislarni tayyorlashga investitsiya shartlarini kiritish; investitsiyalar tarkibida (davlat aralashuvisiz) xususiy va xorijiy investitsiyalar ulushini bosqichma-bosqich 80 foizga oshirish; iqtisodiyotni rivojlantirish boʻyicha tanlab olingan sohalarda (sektorda) dunyoning kamida 10 ta eng nufuzli brendlarini (yakor investorlarni) jalb qilish; portfelga kiritilgan har bir investitsiya loyihasi boʻyicha tashabbuskor (investor), loyiha qiymati, moliyalashtirish manbai, joylashuvi, amalga oshirish muddati, infratuzilma ehtiyoji, yaratiladigan ish oʻrinlari va eksport parametrlarini qamrab olgan loyiha pasportini loyiha boʻyicha masʼul tarmoq vazirlik va idoralari hamda hokimliklar tomonidan shakllantirish va Investitsiyalar, sanoat va savdo vazirligiga taqdim etish; davlat tomonidan qoʻllab-quvvatlanadigan loyihalar ham investitsiya bitimlari (shartnomalari) doirasida milliy iqtisodiyotga qoʻshiladigan qiymat ulushini baholash va baholash natijalari asosida eʼlon qilingan majburiyatlar ijro etilishini band sifatida kiritish; maxsus iqtisodiy va sanoat zonalarining boʻsh maydonlari, infratuzilma quvvatlari va investitsiya salohiyatini xatlovdan oʻtkazib, har bir zona boʻyicha infratuzilmani kengaytirish, investorlarni joylashtirish va loyihalarni ishga tushirishning manzilli rejasini belgilash; yashil energetika va yuqori texnologiyali loyihalar boʻyicha alohida investitsiya portfelini shakllantirib, ularni moliyalashtirish, yer va muhandislik-kommunikatsiya infratuzilmasi bilan taʼminlash hamda davlat-xususiy sheriklik asosida amalga oshirish mexanizmlarini belgilash, shuningdek, ushbu loyihalarda foydalaniladigan asbob-uskuna va butlovchi qismlarni kooperatsiya asosida oʻzlashtirish; ustuvor xorijiy davlatlar, xalqaro moliya institutlari va yirik investorlar kesimida aniq investitsiya takliflari paketini tayyorlash, muzokara va taqdimotlar taqvimini tasdiqlash hamda erishilgan kelishuvlarni amaliy loyihalarga aylantirish natijalarini har chorakda monitoring qilish. | 2027-yil iyun | Investitsiyalar, sanoat va savdo vazirligi (Kudratov), Iqtisodiyot va moliya vazirligi (Norqulov), Energetika vazirligi (Xodjayev), Tashqi ishlar vazirligi (Saidov), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, vazirlik va idoralar |
15. | 2030-yilgacha YAIM hajmini 300 mlrd dollarga yetkazish hamda aholi jon boshiga YAIMni 10 ming dollardan oshirish boʻyicha kelgusi oʻn yil uchun maqsadli trayektoriyani belgilash. | Quyidagilarni nazarda tutuvchi Oʻzbekiston Respublikasi Prezidentining qarori loyihasini ishlab chiqish: yuqori iqtisodiy oʻsish surʼatlarini saqlab qolish hamda barqaror ish oʻrinlarini yaratishga qaratilgan “Yangi iqtisodiy oʻsish modeli va sanoat siyosatiga oʻtish” dasturini ishlab chiqish; 6 ta muhim yoʻnalishdagi tarkibiy islohotlarni davom ettirish hamda iqtisodiyotning kamida 8 ta sohasini rivojlantirish boʻyicha aniq va amaliy chora-tadbirlarni ishlab chiqish; 2030-yilgacha YAIM hajmini 300 mlrd dollarga yetkazish hamda aholi jon boshiga YAIMni 10 ming dollardan oshirish boʻyicha kelgusi oʻn yil uchun yillik maqsadli trayektoriyani, iqtisodiyot tarmoqlari va hududlarning YAIM oʻsishiga qoʻshadigan hissasini aniq parametrlarda belgilash; xususiy sektorni kengaytirish va raqobat muhitini rivojlantirishga toʻsqinlik qilayotgan omillarni tarmoqlar kesimida xatlovdan oʻtkazib, ularni bartaraf etish boʻyicha manzilli choralar, masʼullar va ijro muddatlarini belgilash; xizmatlar sohasi va zamonaviy infratuzilmani rivojlantirish boʻyicha tarmoq va hududlar kesimida oʻsish drayverlari, yirik loyihalar, ularning qiymati va ishga tushirish muddatlarini qamrab olgan dasturni shakllantirish; eksport hajmini oshirish uchun logistika, sertifikatlash va tashqi bozorlarga chiqish bilan bogʻliq toʻsiqlarni bartaraf etish. | 2027-yil mart | Iqtisodiyot va moliya vazirligi (Norqulov), Investitsiyalar, sanoat va savdo vazirligi (Kudratov), Markaziy bank (Ishmetov), Transport vazirligi (Maxkamov), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, vazirlik va idoralar |
16. | 2030-yilgacha sanoatda 2 millionta yuqori daromadli ish oʻrni yaratish. | Quyidagilarni nazarda tutuvchi Oʻzbekiston Respublikasi Prezidentining qarori loyihasini ishlab chiqish: “yuqori daromadli ish oʻrni” tushunchasining aniq mezonlarini belgilash hamda bunday ish oʻrinlarini hisobga olish uslubiyotini (shu jumladan, modernizatsiya natijasida yuqori daromadli toifaga oʻtkazilgan mavjud ish oʻrinlarini hisobga olish tartibini) belgilash, 2026-yil 1-oktabr holatiga sanoatdagi yuqori daromadli ish oʻrinlarining boshlangʻich sonini aniqlash, 2030-yilgacha yaratiladigan 2 millionta ish oʻrnini yillar, hududlar va sanoat tarmoqlari kesimida maqsadli parametrlarga taqsimlash; amaldagi investitsiya loyihalari portfeli asosida yuqori qoʻshilgan qiymatli va eksportga yoʻnaltirilgan mahsulotlar ishlab chiqaradigan korxonalarni tashkil etish va kengaytirish loyihalarini belgilash, ularda xalqaro standartlar va sertifikatlarni joriy etish boʻyicha manzilli grafikni tasdiqlash; maxsus iqtisodiy va sanoat zonalarida yangi korxonalarni ishga tushirish uchun zarur elektr energiyasi, gaz, suv, yoʻl va boshqa muhandislik infratuzilmasiga boʻlgan ehtiyojni har bir hudud kesimida aniqlab, qurish va ulash muddatlarini hamda moliyalashtirish manbalarini belgilash; dual taʼlimni ish beruvchilarning aniq buyurtmalari asosida tashkil etib, kasblar kesimida oʻquv kvotalari, hamkor korxonalar, amaliyot oʻtash va bitiruvchilarni ishga joylashtirish parametrlarini belgilash; yaratilgan ish oʻrinlarini mehnat va soliq hisobotlaridagi maʼlumotlar asosida tasdiqlash, takroriy yoki amalda mavjud boʻlmagan ish oʻrinlarini hisobga olishga yoʻl qoʻymaslik hamda natijalarni har chorakda monitoring qilish (Soliq qoʻmitasi, Kambagʻallikni qisqartirish va bandlik vazirligi). | 2027-yil mart | Iqtisodiyot va moliya vazirligi (Qoʻchqorov), Kambagʻallikni qisqartirish va bandlik vazirligi (Zaxidov), Investitsiyalar, sanoat va savdo vazirligi (Kudratov), Taʼlim va ilm-fan vazirligi (Turdimov), Energetika vazirligi (Xodjayev), Soliq qoʻmitasi (Pulatov), Kasbiy taʼlim agentligi (Xusanov), Transport vazirligi (Maxkamov), Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, vazirlik va idoralar |
17. | Kichik biznesni oʻrta korxonaga, oʻrta korxonalarni yirik kompaniya va korporatsiyalarga oʻstirish ekotizimini yaratish. | Quyidagilarni nazarda tutuvchi Oʻzbekiston Respublikasi Prezidentining qarori loyihasini ishlab chiqish: oʻsish imkoniyati mavjud boʻlgan yiliga 500 ta kichik hamda 100 ta oʻrta korxonalarni saralab olib, ularni yiriklashtirish yuzasidan 3 yillik dasturlarni ishlab chiqish choralarini belgilash; kichik va oʻrta biznesni moliyaviy qoʻllab-quvvatlash hamda ularni rivojlantirish uchun mavjud instrumentlardan samarali foydalanishni yoʻlga qoʻyish boʻyicha yaxlit ekotizimni yaratish. Buning uchun “Biznesni rivojlantirish banki” ATBni ushbu xizmatlarni koʻrsatishga ixtisoslashgan bankka aylantirish (transformatsiya qilish); dasturlarni amalga oshirish uchun kichik biznesni qoʻllab-quvvatlash markazlarini masʼul etib belgilash; kichik ishlab chiqaruvchilarni yirik ishlab chiqaruvchilar bilan bogʻlash, shuningdek ularni ishlab chiqarish zanjirlariga kiritish; dasturlarga kiritilgan tadbirkorlik subyektlarining ehtiyojlaridan kelib chiqib, yangi moliyalashtirish paketlarini joriy etish; eksportga chiqmoqchi boʻlgan korxonalar uchun quruq port shaklidagi yangi avlod erkin iqtisodiy zonalarini (maxsus eksport zonalarini) tashkil etish hamda ulardan joy ajratish tartibini belgilash; eksportchi uchun mahsulotni xaridor talabiga moslashtirish, sertifikat, qadoqlash, namuna joʻnatish va distribyutor topish ishlarini yagona paket tizimida taqdim etish. | 2026-yil dekabr | Iqtisodiyot va moliya vazirligi (Norqulov), Markaziy bank (Ishmetov), Soliq qoʻmitasi (Pulatov), Sanoat kooperatsiyasi va davlat xaridlari agentligi (Haydarov), Investitsiyalar, sanoat va savdo vazirligi (Kudratov) |
IV. Suv resurslari va tabiatga munosabatni tubdan oʻzgartirish — masʼul J.A. Xodjayev, T.A. Aliyeva, T.N. Butunbayev, A.A. Abduxakimov | ||||
18. | Ekin maydonlarida suv tejovchi texnologiyalar qamrovini 100 foizga yetkazish. | Quyidagilarni nazarda tutuvchi Oʻzbekiston Respublikasi Prezidentining qarori loyihasini ishlab chiqish: suv tejovchi sugʻorish texnologiyalarini joriy etish boʻyicha besh yillik manzilli dasturni tasdiqlash; suv tejovchi texnologiyalarni joriy etish boʻyicha mavjud subsidiyalarni xatlovdan oʻtkazish va ularning samaradorligini tahlil qilish asosida amalda kam samara beradigan subsidiya va moliyaviy qoʻllab-quvvatlash mexanizmlarini istiqbolda sifatli natija beradiganlariga almashtirish; imtiyozli kredit va subsidiya mablagʻlarini ajratish tizimini soddalashtirish mexanizmini belgilash. Bunda 5 yil va undan ortiq muddat davomida foydalanib kelayotgan qishloq xoʻjaligi ishlab chiqaruvchilariga tizimni qayta tiklash uchun imtiyozlar berishni nazarda tutish; suv tejovchi texnologiyalarni joriy qilish va undan foydalanish boʻyicha kadrlar malakasini oshirish; subsidiya mablagʻlari hisobidan joriy qilingan suv tejovchi texnologiyalardan kelgusida samarali foydalanishni nazorat qilish tizimini kuchaytirish. | 2026-yil dekabr | Suv xoʻjaligi vazirligi (Xamrayev), Qishloq xoʻjaligi vazirligi (Abdurahmonov), Iqtisodiyot va moliya vazirligi (Norqulov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, manfaatdor vazirlik va idoralar |
19. | “Yashil makon” umummilliy loyihasini yangi sifat bosqichiga olib chiqish. | 1. Qonun hujjatlariga barcha davlat taʼlim va tibbiyot tashkilotlari va muassasalari hududida joylashgan va ular balansidagi bogʻlar hamda yer maydonlari xususiylashtirilishi taqiqlanishini nazarda tutuvchi qoʻshimcha va oʻzgartirishlar kiritishni nazarda tutuvchi qonun loyihasini ishlab chiqish. | 2027-yil 20-yanvar | Ekologiya va iqlim oʻzgarishi milliy qoʻmitasi (Abduxakimov), Oʻrmon va yashil hududlarni koʻpaytirish, choʻllanishga qarshi kurashish agentligi (Muxitdinov), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari |
2. Tuman va shahar markazlarida yashillik koʻlamini 30 foizga yetkazish choralarini koʻrish. | Doimiy | |||
V. Sud mustaqilligini kuchaytirish va qonun ustuvorligini taʼminlash — masʼul N.J. Xakimova, A.X. Azimov | ||||
20. | Huquqiy tarbiyani maktabdan boshlab tizimli yoʻlga qoʻyish. | 1. Quyidagilarni nazarda tutuvchi chora-tadbirlar dasturi: 1 — 11-sinflar uchun huquqiy savodxonlik targʻibotini amalga oshirish. Bunda kichik sinflarda — bola huquqlari, oʻzaro hurmat va yordam soʻrash; keyingi sinflarda — zoʻravonlikdan himoya, mehnat va isteʼmolchilik huquqlari; yuqori sinflarda — murojaat huquqi, shartnoma va mehnat munosabatlari oʻrgatiladi; huquqiy savodxonlik mavzularini “Tarbiya” faniga kiritish, oʻqituvchilar uchun Toshkent davlat yuridik universiteti professor-oʻqituvchilari ishtirokida metodik qoʻllanma ishlab chiqish va qisqa malaka oshirish kurslarini tashkil etish. 2. Amaliy mashgʻulotlar: vaziyatli masalalar, huquq buzilganda kimga va qanday murojaat qilish mashqlari va boshqalarni tashkil etish. | 2026-yil dekabr | Taʼlim va ilm-fan vazirligi (Turdimov), Adliya vazirligi (Tashkulov), Inson huquqlari boʻyicha vakil (ombudsman) (Eshmatova), Bolalar ombudsmani (Rahmonova), Sudyalar oliy kengashi (Yodgorov), Odil sudlov akademiyasi (Abduqodirov) |
21. | Jinoyat ishlarini yuritishda xususiy mulk daxlsizligini kafolatlash hamda tadbirkorlik faoliyatining uzluksizligini taʼminlash. | 1. Quyidagilarni nazarda tutuvchi Oʻzbekiston Respublikasi Prezidentining hujjati loyihasini kiritish: jinoyat ishlarini yuritish munosabati bilan fuqarolar va tadbirkorlik subyektlarining mulkiy huquqlari asossiz cheklanishining oldini olish hamda protsessual majburlov choralarini mutanosiblik prinsipi asosida qoʻllash; mol-mulk va pul mablagʻlarini xatlash, olib qoʻyish hamda ulardan foydalanishni cheklash asoslari va tartibini takomillashtirish, xatlangan mol-mulkni vaqtincha boshqaruvga berish mexanizmini joriy etish; jinoyat protsessi doirasida tadbirkorlik subyektlarining bank hisobvaraqlari, mol-mulki va boshqa aktivlaridan zarur doirada foydalanish imkoniyatini saqlash orqali ular faoliyatining uzluksizligini taʼminlash; mol-mulkni xatlashni bank kafolati yoki yetarli miqdordagi pul mablagʻlarini depozit hisobvaragʻiga kiritish bilan almashtirish, shuningdek, mol-mulkka nisbatan qoʻllangan cheklovlarni bekor qilish mexanizmlarini belgilash. | 2026-yil oktabr | Adliya vazirligi (Tashkulov), Oliy sud (Maxmudova), Bosh prokuratura (Yoʻldoshev), Biznes-ombudsman (Buriyev), Savdo-sanoat palatasi (Vaxabov) |
2. Fuqarolar va tadbirkorlarning mulkiy huquqlarini himoya qilish maqsadida ilgʻor xorijiy tajribani oʻrgangan holda firibgarlik hamda insofsiz mulkiy munosabatlar oqibatlarini bartaraf etishning samarali tizimini joriy etishga qaratilgan takliflar, shu jumladan, Oliy sud Plenumi qaroriga oʻzgartirishlarni ishlab chiqish. Bunda firibgarlikni fuqarolik-huquqiy majburiyatlarni bajarmaslikdan farqlash va jinoiy qasdni baholashning aniq mezonlarini belgilash. | 2026-yil noyabr | Oliy sud (Maxmudova), Adliya vazirligi (Tashkulov), Bosh prokuratura (Yoʻldoshev) | ||
22. | Kiberjinoyatchilik, giyohvandlik va odam savdosining oldini olish choralarini kuchaytirish. | Kompleks chora-tadbirlar. Bunda: 1. Normativ-huquqiy hujjat loyihasini ishlab chiqib, unda Ichki ishlar vazirligi va banklar ishtirokida 24/7 rejimida ishlovchi tezkor markaz tashkil etish hamda kibermakonda firibgarlik yoki oʻgʻrilik harakatlari yuzasidan xabar kelishi bilan pul harakatini kuzatish va zudlik bilan chora koʻrish mexanizmini yoʻlga qoʻyish. 2. Amaldagi Hukumat qarorini quyidagilarni nazarda tutgan holda takomillashtirish: odam savdosidan jabrlangan shaxs yordam uchun yakuniy identifikatsiya yoki shaxsiy reja tasdiqlanishini kutib qolishini bartaraf etish; uni aniqlagan masʼul shaxs zimmasiga oʻsha zahoti xavfsiz joy, tibbiy yordam va tarjimonga ulash majburiyatini yuklash; yordamning oʻz vaqtida yetib borishini nazorat qilish mexanizmlarini kuchaytirish. | 2026-yil dekabr | Ichki ishlar vazirligi (Tashpulatov), Davlat xavfsizlik xizmati (Kurbanov), Bosh prokuratura (Yoʻldoshev), Raqamli texnologiyalar vazirligi (Shermatov), tegishli komissiyalar |
23. | Yashirin iqtisodiyotga qarshi kurashni yangi bosqichga koʻtarish. | 1. Yashirin iqtisodiyot koʻlamini baholashning yaxlit tizimini yaratish maqsadida quyidagilarni nazarda tutuvchi “Yashirin iqtisodiyot xaritasi” yagona onlayn platformasini yaratish yuzasidan Oʻzbekiston Respublikasi Prezidentining farmoni loyihasini ishlab chiqish: sohalar va hududlarda yashirin iqtisodiyot koʻlami hamda ehtimoliy budjet yoʻqotishlarini aniqlash; yashirin iqtisodiyot koʻlami hamda ehtimoliy budjet yoʻqotishlari yuqori boʻlgan soha va hududlarni toifalarga ajratish; yashirin iqtisodiyotni aniqlash indikatorlari orqali qonunbuzilishi holatlari boʻyicha prokuror nazoratini yoʻlga qoʻyish. | 2026-yil oktabr | Bosh prokuratura (Yoʻldoshev), Ichki ishlar vazirligi (Tashpulatov), Iqtisodiyot va moliya vazirligi (Xaydarov), Soliq qoʻmitasi (Pulatov), Adliya vazirligi (Tashkulov), Markaziy bank (Ishmetov) |
2. “Shaffof qurilish” axborot tizimini takomillashtirish boʻyicha quyidagilarni nazarda tutuvchi normativ-huquqiy hujjat loyihasini ishlab chiqish: loyiha-smeta hujjatlarini raqamlashtirilgan holda roʻyxatdan oʻtkazish hamda soliq organlari axborot tizimiga integratsiya qilish; loyiha-smeta hujjatlarini qurilish resurslari milliy katalogi asosida ishlab chiqish va ushbu katalog axborot tizimini soliq organlari axborot tizimiga integratsiya qilish; qurilishda pudratchi va subpudratchi tomonidan tuziladigan shartnoma va bajarilgan ishlar toʻgʻrisidagi dalolatnomani raqamlashtirib, unda haqiqiy ish haqi fondini alohida aks ettirish. | 2026-yil dekabr | Qurilish va kommunal xoʻjaligi vazirligi (Xidoyatov), Bosh prokuratura (Yoʻldoshev), Iqtisodiyot va moliya vazirligi (Xaydarov), Soliq qoʻmitasi (Pulatov) | ||
24. | Ayollar va bolalar huquqlarini kamsitishga qarshi kurashishni kuchaytirish. | Quyidagilarni nazarda tutuvchi Oʻzbekiston Respublikasi Prezidentining qarori loyihasini ishlab chiqish: himoya orderi, ijtimoiy-huquqiy xizmatlar va xavfni erta aniqlash mexanizmlarini birlashtirish; bu turdagi murojaatlarni maxfiy va tezkor koʻrib chiqish tartibini joriy qilish; huquqni muhofaza qilish organlari xodimlari uchun bunday holatlar bilan ishlash va qonunlarni toʻgʻri qoʻllash boʻyicha maxsus oʻquv kurslari tashkil etish hamda amaliy metodik qoʻllanmalar yaratish; ota-onaning voyaga yetmagan bolalariga toʻlaydigan aliment miqdorini yashash xarajatlariga muvofiq tarzda adolatli belgilash tizimini yoʻlga qoʻyish; xorijda mehnat migratsiyasida boʻlgan fuqarolarning farzandlari uchun sifatli taʼlim olish va iqtidorni rivojlantirish tizimini yaratish. | 2027-yil iyun | Oila va xotin-qizlar qoʻmitasi (Kattaxonova), Bolalar ombudsmani (Sattarova), Ichki ishlar vazirligi (Tashpulatov), Ijtimoiy himoya milliy agentligi (Olloyorov), Sogʻliqni saqlash vazirligi (Adilov), Oʻzbekiston mahallalari uyushmasi (Mirzayev), Oliy sud (Maxmudova), Bosh prokuratura (Yoʻldoshev), Kambagʻallikni qisqartirish va bandlik vazirligi (Zaxidov), Tashqi ishlar vazirligi (Saidov), Migratsiya agentligi (Abduraxmonov), Qoraqalpogʻiston Respublikasi Vazirlar Kengashi, viloyatlar va Toshkent shahar hamda tuman (shahar) hokimliklari |
VI. Mahallani jamiyat taraqqiyotining asosiy buyurtmachisiga aylantirish — masʼul Gʻ.Gʻ. Mirzayev, R.A. Gulyamov, O.D. Davlatov | ||||
25. | Davlat dasturlarini mahalla talab va ehtiyojlari asosida shakllantirish. | Davlat dasturlarini shakllantirish tartibini takomillashtirishga qaratilgan Hukumat qarori loyihasini ishlab chiqish. Bunda: mahalla muammolarining yagona raqamli reyestrini shakllantirish; aholi ishtirokida ustuvor loyihalarni saralash tartibini belgilash; dastur loyihalarini ochiq muhokama qilish boʻyicha majburiy mexanizmlarni joriy etish. | 2026-yil dekabr | Oʻzbekiston mahallalari uyushmasi (Mirzayev), Iqtisodiyot va moliya vazirligi (Norqulov), Kambagʻallikni qisqartirish va bandlik vazirligi (Zaxidov), Raqamli texnologiyalar vazirligi (Shermatov), Qoraqalpogʻiston Respublikasi Vazirlar Kengashi, viloyatlar va Toshkent shahar hamda tuman (shahar) hokimliklari |
26. | Tuman (shahar) budjeti, investitsiya dasturi va infratuzilma loyihalarini mahalla buyurtmasi asosida ishlab chiqish. | Quyidagilarni nazarda tutuvchi Hukumat qarori loyihasini ishlab chiqish: tuman (shahar) budjetida infratuzilmani yaxshilash uchun nazarda tutiladigan mablagʻlar hisobidan amalga oshiriladigan loyihalarni, investitsiya dasturi va boshqa infratuzilma loyihalarini shakllantirishda mahallalarning talab va ehtiyojlarini ustuvor ravishda belgilovchi aniq mezonlarni tasdiqlash; tasdiqlangan mezonlar asosida loyiha pasportlarini tayyorlash tartibini belgilash; investitsiya dasturi va infratuzilma loyihalarini shakllantirishda mahalla buyurtmasining ustuvorligini belgilash. | 2026-yil dekabr | Iqtisodiyot va moliya vazirligi (Norqulov), Investitsiyalar, sanoat va savdo vazirligi (Kudratov), Urbanizatsiya va uy-joy bozorini barqaror rivojlantirish milliy qoʻmitasi (Kudbiyev), Qoraqalpogʻiston Respublikasi Vazirlar Kengashi, viloyatlar va Toshkent shahar hamda tuman (shahar) hokimliklari, xalq deputatlari mahalliy kengashlari |
VII. Oʻzbekistonning tinchlik, doʻstlik va bagʻrikenglik diyori sifatidagi nufuzini yuksaltirish — masʼul V.V. Maxmudov, A.X. Kamilov, M.M. Kamilov, O.D. Davlatov | ||||
27. | Millatlararo totuvlik va diniy bagʻrikenglikni mustahkamlash. | Amaliy chora-tadbirlar. Bunda: milliy madaniy markazlar va konfessiyalar bilan doimiy muloqotni yoʻlga qoʻyish; “Doʻstlik” festivalini oʻtkazish; bagʻrikenglik haftaligini oʻtkazish; milliy madaniy markazlar forumini oʻtkazish; yoshlar uchun maʼrifiy dasturlarni amalga oshirish. | 2026 — 2030-yillar | Millatlararo munosabatlar va xorijdagi vatandoshlar masalalari boʻyicha qoʻmita (Sariyev), Din ishlari boʻyicha qoʻmita (Toshboyev), Madaniyat vazirligi (Nazarbekov) |
28. | Ochiq va pragmatik, koʻp qirrali, vazmin hamda muvozanatli tashqi siyosatni, jumladan iqtisodiy diplomatiyani izchil davom ettirish. | Amaliy chora-tadbirlar. Bunda: asosiy xorijiy sheriklar bilan ikki tomonlama va koʻp tomonlama hamkorlik platformalari salohiyatini toʻla ishga solish; dunyoning yetakchi davlatlari bilan strategik sheriklik munosabatlar tizimini takomillashtirish; Markaziy Osiyoda mintaqaviy hamjihatlikni mustahkamlash, “Markaziy Osiyo+” formatlari faoliyatini kengaytirish; ustuvor bozorlar va sheriklar kesimida eksportni qoʻllab-quvvatlash, investitsiya hamda texnologiyalarni jalb qilish; transport diplomatiyasi boʻyicha elchixonalar KPIni belgilash. | Doimiy | Tashqi ishlar vazirligi (Saidov), Investitsiyalar, sanoat va savdo vazirligi (Kudratov), Transport vazirligi (Mahkamov), xorijdagi diplomatik vakolatxonalar |
29. | 2027 — 2030-yillarda Qoʻshilmaslik harakatiga raislik doirasida tashkilot faoliyati samaradorligini oshirish tashabbuslarini ilgari surish. | Amaliy chora-tadbirlar. Bunda: raislik konsepsiyasi va tadbirlar taqvimida koʻrsatilgan vazifalarni oʻz vaqtida amalga oshirish; aʼzo davlatlar bilan tashabbuslarni kelishish; sammit va vazirlar uchrashuvlariga puxta tayyorgarlik koʻrish hamda ularni amaliy jihatdan samarali oʻtkazish. | 2027 — 2030-yillar | Tashqi ishlar vazirligi (Saidov), masʼul vazirlik va idoralar |
30. | Afgʻoniston boʻyicha konstruktiv siyosatni izchil davom ettirish. | Savdo-iqtisodiy, transport-logistika, energetika, qishloq va suv xoʻjaligi hamda gumanitar hamkorlikni jadal surʼatlarda olib borish. | Doimiy | Tashqi ishlar vazirligi (Saidov), Investitsiyalar, sanoat va savdo vazirligi (Kudratov), Transport vazirligi (Maxkamov), Energetika vazirligi (Xodjayev), Qishloq xoʻjaligi vazirligi (Abdurahmonov), Suv xoʻjaligi vazirligi (Xamrayev), tegishli idoralar |