1-modda. Oʻzbekiston Respublikasining 1992-yil 2-iyulda qabul qilingan “Birjalar va birja faoliyati toʻgʻrisida”gi Qonunining 2001-yil 29-avgustdagi 260-II-sonli Oʻzbekiston Respublikasi Qonuni bilan tasdiqlangan tahriri (Oʻzbekiston Respublikasi Oliy Majlisining Axborotnomasi, 2001-yil, № 9-10, 171-modda) 10-moddasining birinchi qismidagi va 16-moddasining birinchi qismidagi “va jismoniy” degan soʻzlar chiqarib tashlansin.

2-modda. Oʻzbekiston Respublikasining 1993-yil 2-sentabrda qabul qilingan “Qimmatli qogʻozlar va fond birjasi toʻgʻrisida”gi 918-XII-sonli Qonunining (Oʻzbekiston Respublikasi Oliy Kengashining Axborotnomasi, 1993-yil, № 9, 325-modda; 1994-yil, № 11-12, 285-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda; 1999-yil, № 9, 229-modda; 2003-yil, № 1, 8-modda) 19-moddasi:

ikkinchi qismidagi “va jismoniy” degan soʻzlar chiqarib tashlansin;

uchinchi qismining ikkinchi jumlasi chiqarib tashlansin.

3-modda. Oʻzbekiston Respublikasining 1997-yil 24-aprelda qabul qilingan 396-I-sonli Qonuni bilan tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisining Axborotnomasi, 1997-yil, 4-5-songa ilova, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda; 2001-yil, № 1-2, 23-modda, № 5, 89-modda, № 9-10, 182-modda; 2002-yil, № 1, 20-modda, № 4-5, 74-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 5, 152-modda) quyidagi qoʻshimchalar kiritilsin:

1) 71-moddaning birinchi qismi:

16-bandi “xizmatlari” degan soʻzdan keyin “(suv taʼminoti, issiqlik taʼminoti va gaz taʼminoti boʻyicha kommunal xizmatlardan tashqari)” degan soʻzlar bilan toʻldirilsin;

quyidagi mazmundagi 34-band bilan toʻldirilsin:

“34) davlat budjeti mablagʻlari hisobidan bajariladigan yer-kadastr, yer tuzish, tuproq va geobotanika sohasidagi ishlar”;

2) 72-modda quyidagi mazmundagi yettinchi xatboshi bilan toʻldirilsin:

“suv taʼminoti, issiqlik taʼminoti va gaz taʼminoti boʻyicha aholiga koʻrsatiladigan kommunal xizmatlarga”.

4-modda. Oʻzbekiston Respublikasining 1999-yil 20-avgustda qabul qilingan “Telekommunikatsiyalar toʻgʻrisida”gi 822-I-sonli Qonuni (Oʻzbekiston Respublikasi Oliy Majlisining Axborotnomasi, 1999-yil, № 9, 219-modda; 2004-yil, № 9, 171-modda) 2-moddasining sakkizinchi va toʻqqizinchi xatboshilaridagi, 6-moddasining toʻrtinchi qismidagi, 8-moddasining birinchi qismi beshinchi xatboshisidagi, 9-moddasining birinchi, toʻrtinchi va beshinchi qismlaridagi “yoki jismoniy”, “va jismoniy” degan soʻzlar chiqarib tashlansin.

5-modda. Ushbu Qonun rasmiy eʼlon qilingan kundan eʼtiboran kuchga kiradi.