Ўзбекистон Республикаси Солиқ кодексининг 412, 422, 429, 437 ва 445-моддалари ва Ўзбекистон Республикаси Президентининг 2020 йил 3 декабрдаги «Ресурс солиқлари ва мол-мулк солиғини янада такомиллаштириш тўғрисида»ги ПФ-6121-сон Фармонининг 1-бандига ҳамда халқ депутатлари Андижон вилоят Кенгашининг 2025 йил 26 декабрдаги VII-15-297-1-0-К/25-сонли «Андижон вилояти бўйича қишлоқ хўжалигига мўлжалланмаган ерлар учун жисмоний ва юридик шахслар бўйича мутлоқ миқдорда белгиланган базавий солиқ ставкасига киритилаётган камайтирувчи ва оширувчи коэффитсиэнтларни тасдиқлаш ҳақида»ги қарорига мувофиқ Асака туман солиқ инспекциясининг «Қишлоқ хўжалигига мўлжалланмаган ерлар учун жисмоний ва юридик шахслар бўйича мутлоқ миқдорда белгиланган базавий солиқ ставкасига киритилаётган камайтирувчи ва оширувчи коэффициентлар» бўйича киритган таклифларини муҳокама этиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6 ва 24-моддаларига асосан халқ депутатлари туман Кенгаши қарор қилади:

1. Асака туман солиқ инспекциясининг Ўзбекистон Республикаси Солиқ Кодексининг 429 ва 437-моддаларига асосан, Асака туманида юридик ва жисмоний шахсларнинг қишлоқ хўжалигига мўлжалланмаган ерларга 2026 йил учун ер солиғи ставкаларини, якка тартибдаги тадбиркорлар учун қатъий белгиланган миқдорлардаги солиғи, ер қаъридан фойдаланганлик учун солиқ, сув ресурсларидан фойдаланганлик учун солиқ ставкалари тасдиқлаш юзасидан берган 2025 йил 11 декабрь кунидаги 16-11851-сонли хати ва халқ депутатлари Андижон вилоят Кенгашининг 2025 йил 26 декабрдаги VII-15-297-1-0-К/25-сонли «Андижон вилояти бўйича қишлоқ хўжалигига мўлжалланмаган ерлар учун жисмоний ва юридик шахслар бўйича мутлоқ миқдорда белгиланган базавий солиқ ставкасига киритилаётган камайтирувчи ва оширувчи коэффициентларни тасдиқлаш ҳақида»ги қарори асос учун қабул қилинсин.

2. Мазкур қарор билан:

Халқ депутатлари туман Кенгашига белгиланган ер солиғи ставкаларига қишлоқ хўжалигига мўлжалланмаган ерлар учун, туман ҳудудида жойлашган даҳа, массив, маҳалла, кўча кесимида 0,7 дан 3,0 гача камайтирувчи ва оширувчи коэффициентларни киритиш ҳуқуқи берилганлиги алоҳида кўрсатиб ўтилганлиги;

Асака туманида юридик шахслар учун қишлоқ хўжалигига мўлжалланмаган ерлар бўйича базавий солиқ ставкаси 1 гектар учун мутлақ ўлчамда 41 140 000 сўм;

жисмоний шахслардан олинадиган ер солиғи (бундан деҳқон хўжалигини юритиш учун берилган қишлоқ хўжалиги учун мўлжалланган ерлар мустасно) базавий солиқ ставкаси 1 кв.м. учун мутлақ ўлчамда 368, 05 сўм миқдорида белгиланганлиги маълумот учун қабул қилинсин.

2. 2026 йил учун Асака тумани бўйича қишлоқ хўжалигига мўлжалланмаган ерлар учун иловаларда кўрсатилган миқдорлар тасдиқлансин.

3. Туман солиқ инспекцияси бошлиғи вазифасини бажарувчи И. Рахимовга электр узатиш линиялари, умумдавлат алоқа линиялари, умумий фойдаланишдаги темир йўллар, электр таъминоти қурилмалари, магистрал нефт ва газ қувурлари ҳамда шунга ўхшаш иншоотлар банд этган ерлар учун ҳар бир маҳалла учун ўртача солиқ ставкаси асосида ер участкаси жойлашган жойидаги солиқ органлари томонидан белгиланиши ва белгиланган муддатларда солиқ тўловчиларга етказилишини таъминлаш сўралсин.

4. Асака туман ҳокимлиги Асака тумани солиқ инспекцияси билан биргаликда иловаларга мувофиқ солиқ ставкаларини солиқ тўловчиларга белгиланган муддатларда етказилишини, солиқ солиш тартиблари ҳамда бошқа маълумотларни оммавий ахборот воситаларида ёритилишини таъминласин.

5. Халқ депутатлари Асака туман Кенгашининг 2024 йил 27 декабрдаги VII-2-015-1-17-К/24-сонли қарорининг 4-5-иловалари 2026 йил 1 январь кунидан ўз кучини йўқотган деб топилсин.

6. Мазкур қарор туман ҳокимлиги матбуот хизматида эълон қилинсин.

7. Мазкур қарор билан белгиланган солиқ ставкалари 2026 йил 1 январдан кучга киради.

8. Мазкур қарор бажарилишини назорат қилиш халқ депутатлари Асака туман Кенгашининг Маҳаллий бюджет, тадбиркорликни ривожлантириш ва иқтисодий ислоҳатлар масалалари бўйича доимий комиссия раиси зиммасига юклатилсин.