LexUZ sharhi
Mazkur qaror O‘zbekiston Respublikasi Vazirlar Mahkamasining 2019-yil 25-dekabrdagi 1035-sonli “Aholi salomatligini muhofaza qilish yanada takomillashtirilishi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi qaroriga asosan o‘z kuchini yo‘qotgan.
Shoshilinch tibbiy yordam masalalari bo‘yicha tibbiyot xodimlari va yo‘riqchilarini o‘z vaqtida va sifatli tayyorlash hamda qayta tayyorlashni ta’minlash maqsadida Vazirlar Mahkamasi qaror qiladi:
1. Ikkinchi Toshkent tibbiyot institutining anesteziologiya va reanimatologiya kafedrasi negizida Shoshilinch tibbiy yordam o‘quv markazi tashkil etilsin.
aholini, xalq ta’limi, oliy va o‘rta maxsus ta’lim xodimlarini, vazirliklar va idoralarning avariya-qutqaruv xizmati shaxsiy tarkibini dastlabki tibbiy yordam ko‘rsatish ko‘nikmalariga o‘rgatish bo‘yicha tibbiyot xodimlarini, yo‘riqchilarini tayyorlash va qayta tayyorlash;
ilg‘or tajribalarni, shu jumladan xorijiy mamlakatlarning shoshilinch tibbiy yordam ko‘rsatish tajribalarini umumlashtirish va ommalashtirish;
davolashga yotqizishgacha bo‘lgan bosqichda tibbiy yordam ko‘rsatishning tashkiliy shakllari va usullarini ishlab chiqish va takomillashtirish;
Markaz ishlari yo‘nalishlari bo‘yicha noshirlik faoliyatini amalga oshirish, mutaxassislarni tayyorlash asoslari bo‘yicha me’yoriy hujjatlarni ishlab chiqish;
ilmiy-tadqiqot ishlarini bajarish, shoshilinch tibbiy yordam ko‘rsatish muammolari bo‘yicha seminarlar va konferensiyalarda qatnashish.
Belgilab qo‘yilsinki, Markaz direktori O‘zbekiston Respublikasi Ssg‘liqni saqlash vazirligi tomonidan tayinlanadi.
3. Ma’lumot uchun qabul qilinsinki, Markazni mablag‘ bilan ta’minlash, shu jumladan tibbiyot xodimlarini tayyorlash va qayta tayyorlash bo‘yicha xarajatlar pedagogik va xo‘jalik faoliyatidan tushadigan o‘z mablag‘lari, shuningdek Amerika xalqaro sog‘liqni saqlash uyushmasining moliyaviy yordami hisobidan amalga oshiriladi.
Markazning tashkiliy davrda muvaffaqiyatli faoliyat ko‘rsatishi va uni o‘quv qo‘llanmalari va sanitariya avtotransporti bilan ta’minlash uchun o‘ziga qarashli muassasalarning moddiy-texnika bazasini mustahkamlashga nazarda tutilgan mablag‘lar hisobidan 1998-yil I choragida zarur mablag‘lar ajratsin;
Markazning faoliyat ko‘rsatishini va yuqori malakali pedagog kadrlar bilan to‘ldirilishini ta’minlasin;
Shoshilinch tibbiy yordam xizmatini rivojlantirish konsepsiyasini 1998-yil 1-aprelga qadar ishlab chiqsin va Vazirlar Mahkamasiga kiritsin.
5. O‘zbekiston Respublikasi Moliya vazirligi, Favqulodda vaziyatlar vazirligi, Ichki ishlar vazirligi, Mudofaa vazirligi, Xalq ta’limi vazirligi, Oliy va o‘rta maxsus ta’lim vazirligi, boshqa vazirliklar va idoralar har yili budjet prognozlarini shakllantirishda shoshilinch tibbiy yordam o‘quv markazida mutaxassislar va yo‘riqchilarni maxsus dasturlar bo‘yicha tayyorlash va qayta tayyorlash xarajatlarini nazarda tutsinlar.
6. O‘zbekiston pochta va telekommunikatsiyalar agentligi Markazni teletayp va maxsus telefon aloqasi bilan jihozlash choralarini ko‘rsin.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A. A. Azizxo‘jayev zimmasiga yuklansin.
(1-ilova O‘zbekiston Respublikasi Vazirlar Mahkamasining 2018-yil 3-maydagi 321-sonli qarori tahririda — Qonun hujjatlari ma’lumotlari milliy bazasi, 04.05.2018-y., 09/18/321/1154-son)
1.1. Shoshilinch tibbiy yordam o‘quv markazi (bundan keyin matnda Markaz deb ataladi) Ikkinchi Toshkent tibbiyot institutining anesteziologiya va reanimatologiya kafedrasi negizida Amerika xalqaro sog‘liqni saqlash uyushmasi (AXSU) ko‘magida tashkil etilgan.
1.2. Markaz AXSU bilan birgalikda tuzilgan va O‘zbekiston Respublikasi Sog‘liqni saqlash vazirligi tomonidan tasdiqlangan o‘quv dasturi bo‘yicha shoshilinch tibbiy yordam ko‘rsatish borasida tinglovchilar tayyorlashni ta’minlaydi. Tinglovchilar guruhlari aholiga tez va shoshilinch tibbiy yordam xizmati tibbiy xodimlaridan, yo‘riqchilaridan, xalq ta’limi va oliy ta’lim muassasalari, halokatlarga tibbiy yordam ko‘rsatish xizmati tuzilmalari, qutqaruvchilar tuzilmalari shaxsiy tarkibi, Favqulodda vaziyatlar vazirligi, Ichki ishlar vazirligi va Mudofaa vazirligining ishlari favqulodda vaziyatlar oqibatlarini tugatish bilan bog‘liq bo‘lgan xizmatlari xodimlaridan iborat bo‘ladi.
1.3. Markaz direktori O‘zbekiston Respublikasi Sog‘liqni saqlash vazirligining buyrug‘i bilan favqulodda vaziyatlarda shoshilinch tibbiy yordam ko‘rsatishni tashkil qilish masalalari bo‘yicha eng malakali ilmiy xodimlar-pedagoglar orasidan tayinlanadi.
1.4. Markaz Sog‘liqni saqlash vazirligiga bo‘ysunadi va Markazning ilmiy-uslubiy ishlarini, o‘quv jarayonini ma’muriy-xo‘jalik faoliyatini tashkil etish uchun javob beradi.
2.1. Aholini hamda xalq ta’limi va oliy ta’lim tizimining avariya-qutqaruv, ichki ishlar organlari va Davlat yong‘in xavfsizligi xizmati bo‘linmalari shaxsiy tarkibining halokatlarning sanitariya oqibatlarini tugatishda va ekstremal vaziyatlarda bemorlarga, shikastlanganlarga tibbiy yordam ko‘rsatishda qatnashuvchi xodimlarini AXSU bilan kelishilgan va O‘zbekiston Respublikasi Sog‘liqni saqlash vazirligi tasdiqlagan o‘quv dasturlari bo‘yicha dastlabki tibbiy yordam ko‘rsatish ko‘nikmalariga o‘rgatuvchi tibbiyot xodimlarini, yo‘riqchilarini tayyorlash.
(2.1-band O‘zbekiston Respublikasi Vazirlar Mahkamasining 2018-yil 3-maydagi 321-sonli qarori tahririda — Qonun hujjatlari ma’lumotlari milliy bazasi, 04.05.2018-y., 09/18/321/1154-son)
2.2. Pirovard maqsadni, kurslarda tayyorgarlikdan o‘tuvchi mutaxassislarning tayyorgarlik darajasini, tinglovchilarning umumiy ma’lumoti darajasini hisobga olgan holda tinglovchilar turli toifalarini tayyorlash dasturlarini ishlab chiqish, ularga tuzatishlar kiritish va ularni birxillashtirish.
2.3. O‘qib bo‘lingan kurs bo‘yicha imtihonlardan o‘tkazish va tinglovchilarning toifalariga ko‘ra, ta’lim kurslari bo‘yicha sertifikatlar berish.
2.4. Ilg‘or o‘quv yurtlari va boshqa mamlakatlarning halokatlar tibbiyoti bo‘yicha tajribasini umumlashtirish va ommalashtirish.
2.5. Sohaga doir materiallar, tavsiyanomalar va qo‘llanmalarni tayyorlash va e’lon qilish bo‘yicha noshirlik faoliyatini amalga oshirish, shuningdek halokatlar tibbiyotiga oid videofilmlar va slaydlar yaratish.
2.6. Tibbiy yordam ko‘rsatish, davolashga yotqizishgacha bo‘lgan bosqichda tibbiy xizmat ko‘rsatish sifati va madaniyatini oshirishning tashkiliy shakl va usullarini ishlab chiqish va takomillashtirish.
2.7. Shoshilinch tibbiy yordam bo‘yicha ilmiy-tadqiqot ishlarini bajarish, seminar va konferensiyalarda qatnashish.
3.1. Halokatlar tibbiyoti xizmatini rivojlantirishning milliy strategiyasi va konsepsiyasini ishlab chiqishda qatnashadi.
3.2. Ilmiy tadqiqotlar rejalarini ishlab chiqadi. Xalqaro tanlovlarda, shuningdek Sog‘liqni saqlash vazirligi hamda Fan va texnika davlat qo‘mitasining ilmiy-tadqiqot ishlarini mablag‘ bilan ta’minlash bo‘yicha tanlovlarida qatnashadi.
3.3. Respublikaning va boshqa davlatlarning davlat muassasalari, ilmiy-tadqiqot institutlari, tibbiyot o‘quv yurtlari va yetakchi mutaxassislar bilan Markaz sohasi bo‘yicha mutaxassislar tayyorlash masalalari borasida hamkorlikni amalga oshiradi.
3.4. Mulkchilikning barcha shakllaridagi korxonalar, yuridik va jismoniy shaxslar uchun, amaldagi qonunchilikka muvofiq, asosiy o‘quv jarayoni doirasida konsultatsiyalar, uslubiy ishlanmalar va o‘quv qo‘llanmalari, kadrlar tayyorlash bo‘yicha pulli xizmatlar ko‘rsatadi.
3.5. O‘z mablag‘lari va xalqaro xayriya jamg‘armalari, AXSU ajratmalari hamda xo‘jalik hisobidagi faoliyati daromadlari doirasida o‘z xo‘jalik faoliyatini mustaqil rejalashtiradi va amalga oshiradi.
5.1. Markaz qonunchilikda belgilangan tartibda joriy, buxgalteriya va statistika hisobini amalga oshiradi.
5.2. Markaz belgilangan tartibda, tasdiqlangan shaklda va belgilangan muddatlarda respublika Sog‘liqni saqlash vazirligiga tegishli axborot topshiradi.
6.1. Markaz O‘zbekiston Respublikasi Gerbi tasvirlangan, o‘z nomi davlat tilida yozilgan muhrga, shuningdek yuridik shaxsning boshqa ramziy belgilariga ega bo‘ladi.