LexUZ sharhi
Mazkur qaror O‘zbekistan Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
Tojikiston Respublikasidagi voqealar tufayli yuz bergan vaqtinchalik og‘ir vaziyat munosabati bilan Tojikiston Respublikasi Oliy Kengashi Rayosati va Vazirlar Mahkamasining MDH mamlakatlari davlat va hukumat boshliqlariga murojaatiga javoban ushbu respublika aholisiga insonparvarlik yordami ko‘rsatish maqsadida O‘zbekiston Respublikasi Oliy Kengashi Rayosati va Vazirlar Mahkamasi qaror qiladilar:
1. O‘zbekiston Respublikasi Prezidenti huzuridagi Davlat Kotibi o‘rtoq R. R. Rajabovning va Vazirlar Mahkamasi Raisining birinchi o‘rinbosari o‘rtoq I. H. Jo‘rabekovning O‘zbekistonning Tojikistondagi insonparvarlik yordami ko‘rsatish bo‘yicha vakillari ishi, uning hajmlari va muddatlari to‘g‘risidagi axboroti, shuningdek, MDH mamlakatlari davlat va hukumat boshliqlarining Bishkek shahridagi kengashida qabul qilingan qarorlar to‘g‘risidagi axborot ma’lumot uchun qabul qilinsin.
2. Tojikiston Respublikasiga oziq-ovqat mahsulotlari, eng zarur xalq iste’moli mollari, dori-darmonlar ilovaga* muvofiq yuborilsin.
3. O‘rta Osiyo temir yo‘llar boshqarmasi (o‘rtoq Jeltouxov), O‘zbekiston Respublikasi Avtomobil transporti vazirligi (o‘rtoq Axmetov), Mudofaa vazirligi (o‘rtoq Ahmedov), Ichki ishlar vazirligi (o‘rtoq Almatov), Davlat bojxona qo‘mitasi (o‘rtoq Abdug‘aniyev) insonparvarlik yordami yuklarining Tojikiston Respublikasiga to‘siqsiz tashilishini, saqlanishini va o‘z vaqtida yetkazib berilishini ta’minlasinlar.
4. Insonparvarlik yordami yuklari yuborilishi bilan bog‘liq xarajatlar O‘zbekiston Respublikasi Prezidenti huzuridagi Vazirlar Mahkamasining zaxira fondi hisobidan ajratilsin.