Ўзбекистон Республикасининг Шаҳарсозлик кодекси ҳамда Ўзбекистон Республикаси Вазирлар Маҳкамасининг 2024 йил 17 апрелдаги 214-сон «Ўзбекистон Республикаси Қурилиш ва уй-жой коммунал хўжалиги вазирлиги ҳамда унинг тизимидаги ташкилотлар тўғрисидаги низомларни тасдиқлаш ҳақида»ги қарорига мувофиқ буюраман:

1. Ўзбекистон Республикаси қурилиш ва уй-жой коммунал хўжалиги вазирининг 2024 йил 26 августдаги 1-сон буйруғи (рўйхат рақами 3556, 2024 йил 27 сентябрь) (Қонунчилик маълумотлари миллий базаси, 30.09.2024 й., 10/24/3556/0759-сон) билан тасдиқланган Ўзбекистон Республикасининг ҳудудларини ривожлантиришни режалаштириш ва қуриш тўғрисидаги шаҳарсозлик ҳужжатларини ишлаб чиқиш нархларини аниқлаш бўйича услубий қўлланмага иловага мувофиқ ўзгартиришлар ва қўшимча киритилсин.

2. Мазкур буйруқ Ўзбекистон Республикаси Иқтисодиёт ва молия вазирлиги билан келишилган.

3. Мазкур буйруқ расмий эълон қилинган кундан эътиборан кучга киради.

1. 6-банд қуйидаги қуйидаги таҳрирда баён этилсин:

«6. Шаҳарсозлик ҳужжатларини ишлаб чиқиш нархини ҳисоблашда бир нечта оширувчи коэффициентлар қўлланилганда, мазкур коэффициентларнинг фақат каср қисми (бутун қисмини ҳисобга олмаган ҳолда) бир-бирига қўшилади.

Шаҳарсозлик ҳужжатларини ишлаб чиқиш нархини ҳисоблашда бир нечта пасайтирувчи коэффициентлар қўлланилганда, мазкур коэффициентларнинг фақат каср қисми (бутун қисмини ҳисобга олмаган ҳолда) бир-бирига қўшилади.

Шаҳарсозлик ҳужжатларини ишлаб чиқиш нархини ҳисоблашда оширувчи ва пасайтирувчи коэффициентлар бир вақтда қўлланилганда, умумий коэффициент ушбу банднинг биринчи ва иккинчи хатбошиларига мувофиқ аниқланган оширувчи ва пасайтирувчи коэффициентларни ўзаро кўпайтириш йўли билан аниқланади.».

2. 13-банднинг жадвалидаги 5-позициянинг «БХМ баробари (А_б)» устунидаги «672» рақами «1 672» рақами билан алмаштирилсин.

3. 14-банд қуйидаги мазмундаги изоҳ қисми билан тўлдирилсин: