Ўзбекистон Республикасининг «Ўзбекистон Республикасининг Марказий банки тўғрисида»ги, «Банклар ва банк фаолияти тўғрисида»ги ҳамда 2026 йил 27 мартдаги ЎРҚ-1126-сон «Ўзбекистон Республикасининг айрим қонун ҳужжатларига Ўзбекистонда исломий банк фаолиятини жорий этишга қаратилган қўшимча ва ўзгартиришлар киритиш тўғрисида»ги қонунларига мувофиқ Ўзбекистон Республикаси Марказий банки бошқаруви қарор қилади:

1. Ўзбекистон Республикаси Марказий банки бошқарувининг 2020 йил 25 майдаги 12/8-сон қарори (рўйхат рақами 3254, 2020 йил 30 июнь) (Қонун ҳужжатлари маълумотлари миллий базаси, 30.06.2020 й., 10/20/3254/1045-сон) билан тасдиқланган Тижорат банкларида корпоратив бошқарув тўғрисидаги низомга иловага мувофиқ қўшимча ва ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

1. Муқаддима «микромолия банкларида» деган сўзлардан кейин «, шунингдек исломий банк фаолиятини амалга оширувчи банклар ва микромолия банкларида» деган сўзлар билан тўлдирилсин.

2. 24-бандда:

иккинчи ва бешинчи хатбошилар «кенгаш ва бошқарув» деган сўзлардан кейин «, шунингдек банк исломий молия кенгашининг» деган сўзлар билан тўлдирилсин;

олтинчи хатбоши қуйидаги таҳрирда баён этилсин:

«агарда кенгаш томонидан ушбу вазифа юклатилган бўлса, мукофотлаш сиёсатида акс эттирилган мезонлар асосида кенгаш, бошқарув ва банк исломий молия кенгашининг аъзолари, шунингдек, муҳим аҳамиятга эга ходимларнинг йил якунлари бўйича фаолиятини дастлабки баҳолашдан ўтказиш, шунингдек, ушбу шахсларнинг узоқ муддатли белгиланган мақсад ва вазифаларга эришганини таҳлил қилиш;».

3. 30-банднинг тўртинчи хатбошиси «кенгаш ва бошқарув» деган сўзлардан кейин «, шунингдек банк исломий молия кенгашининг» деган сўзлар билан тўлдирилсин.

4. 31-банд «Кенгаш ва бошқарув» деган сўзлардан кейин «, шунингдек банк исломий молия кенгашининг» деган сўзлар билан тўлдирилсин.

5. 32-бандда:

қуйидаги мазмундаги еттинчи хатбоши билан тўлдирилсин:

«банк исломий молия кенгашининг аъзолари;»;

еттинчи хатбоши саккизинчи хатбоши деб ҳисоблансин.

6. 34-банднинг учинчи хатбошиси «кенгаш ва бошқарув» деган сўзлардан кейин «, шунингдек банк исломий молия кенгашининг» деган сўзлар билан тўлдирилсин.

7. 35-банд қуйидаги таҳрирда баён этилсин:

«35. Кенгаш ва бошқарув, шунингдек банк исломий молия кенгашининг аъзолигига ҳамда муҳим аҳамиятга эга ходим лавозимига тайинланган (сайланган) шахснинг яқин қариндошларининг рўйхати банкнинг электрон базасида шакллантирилиши ва электрон база мунтазам янгиланиб борилиши керак.».

8. 53-бандда:

тўртинчи хатбоши қуйидаги таҳрирда баён этилсин:

«банкнинг давлат рўйхатига олинганлиги, банк фаолиятини амалга ошириш ҳуқуқини берувчи лицензия ва (ёки) исломий банк фаолиятини амалга ошириш ҳуқуқини берувчи лицензия тўғрисида маълумот (тартиб рақами, берилган санаси, банк операциялари рўйхати), шунингдек, фаолиятини тўхтатиб туриши, уни тиклаш ҳамда банк фаолиятини амалга ошириш ҳуқуқини берувчи лицензиянинг ва (ёки) исломий банк фаолиятини амалга ошириш ҳуқуқини берувчи лицензиянинг Ўзбекистон Республикаси Марказий банки томонидан чақириб олиниши ҳақида (агар бундай ҳолатлар юзага келган бўлса);»;

ўн иккинчи хатбоши «кенгаш ва бошқарув» деган сўзлардан кейин «, шунингдек банк исломий молия кенгашининг» деган сўзлар билан тўлдирилсин.