Oʻzbekiston Respublikasi Oliy Majlisi Qonunchilik palatasi deputatlarining saylov okruglaridagi saylovchilarning manfaatlaridan va hududlarning ekologik holatidan kelib chiqib, “Mening bogʻim” loyihalarini tanlab olish jarayonlarini muvofiqlashtirish, mazkur loyihalarning moliyalashtirilishi va amalga oshirilishi ustidan parlament nazoratini olib borish maqsadida Oʻzbekiston Respublikasi Oliy Majlisining Qonunchilik palatasi qaror qiladi:

1. Oʻzbekiston Respublikasi Prezidentining 2026-yil 7-apreldagi “Mening bogʻim” loyihalarini shakllantirish va amalga oshirishda jamoatchilik hamda xalq vakillari ishtirokini kengaytirishga oid chora-tadbirlar toʻgʻrisida”gi PF-56-sonli Farmoniga asosan:

“Ochiq budjet” axborot portalidagi tanlovda gʻolib boʻlmagan kamida bitta “Mening bogʻim” loyihasini tegishli saylov okrugidagi saylovchilarning manfaatlaridan va hududning ekologik holatidan kelib chiqib, Oʻzbekiston Respublikasi Oliy Majlisi Qonunchilik palatasi deputatining tanloviga asosan gʻolib deb eʼlon qilish amaliyoti joriy etilganligi;

Oʻzbekiston Respublikasi Oliy Majlisi Qonunchilik palatasining Tashabbusli budjet jarayonlarida parlament nazoratini amalga oshirish boʻyicha komissiyasi mazkur jarayonlarni muvofiqlashtirishi, “Mening bogʻim” loyihalarining moliyalashtirilishi va amalga oshirilishi ustidan parlament nazorati olib borilishini tashkil etishi belgilanganligi maʼlumot uchun qabul qilinsin.

2. Oʻzbekiston Respublikasi Oliy Majlisi Qonunchilik palatasining 2025-yil 23-sentabrdagi 1330-V-sonli Qarori bilan tasdiqlangan Oʻzbekiston Respublikasi Oliy Majlisi Qonunchilik palatasining Tashabbusli budjet jarayonlarida parlament nazoratini amalga oshirish boʻyicha komissiyasi toʻgʻrisidagi nizomga (Oʻzbekiston Respublikasi Oliy Majlisi palatalarining Axborotnomasi, 2025-yil, № 9, 1102-modda, № 10, 1188-modda) ilovaga muvofiq oʻzgartirishlar kiritilsin.

3. Ushbu Qaror qabul qilingan kundan eʼtiboran kuchga kiradi.

1. 2-banddagi “tashabbusli budjet jarayonlari doirasida” degan soʻzlar “tashabbusli budjet jarayonlari doirasida, shuningdek “Mening bogʻim” loyihalari tanlovida” degan soʻzlar bilan almashtirilsin.

2. 5-bandning:

ikkinchi xatboshisidagi “tashabbusli budjet jarayonlari doirasida” degan soʻzlar “tashabbusli budjet jarayonlari doirasida, shuningdek “Mening bogʻim” loyihalari tanlovida” degan soʻzlar bilan almashtirilsin;

uchinchi xatboshisidagi “tashabbusli budjet jarayonlari doirasida” degan soʻzlar “tashabbusli budjet jarayonlari doirasida, shuningdek “Mening bogʻim” loyihalari tanlovida” degan soʻzlar bilan almashtirilsin;

toʻrtinchi xatboshisi quyidagi tahrirda bayon etilsin:

“tashabbusli budjet jarayonlari doirasida, shuningdek “Mening bogʻim” loyihalari tanlovida gʻolib boʻlmagan loyihalar orasidan Deputatlar tashabbusiga koʻra gʻolib deb eʼlon qilish jarayonlarini takomillashtirish, hamda ushbu sohaga samarali mexanizmlarni joriy etish boʻyicha takliflar yoki tavsiyalar ishlab chiqish”.

3. 6-bandning:

ikkinchi xatboshisidagi “tashabbusli budjet jarayonlari doirasida” degan soʻzlar “tashabbusli budjet jarayonlari doirasida, shuningdek “Mening bogʻim” loyihalari tanlovida” degan soʻzlar bilan almashtirilsin;

uchinchi xatboshisidagi “tashabbusli budjet jarayonlari doirasida” degan sozlar “tashabbusli budjet jarayonlari doirasida, shuningdek “Mening bogʻim” loyihalari tanlovida” degan soʻzlar bilan almashtirilsin;

beshinchi xatboshisidagi “tashabbusli budjet jarayonlari doirasida” degan sozlar “tashabbusli budjet jarayonlari doirasida, shuningdek “Mening bogʻim” loyihalari tanlovida” degan soʻzlar bilan almashtirilsin;

yettinchi xatboshisidagi “tashabbusli budjet jarayonlari doirasida” degan sozlar “tashabbusli budjet jarayonlari doirasida, shuningdek “Mening bogʻim” loyihalari tanlovida” degan soʻzlar bilan almashtirilsin.