Oʻzbekiston Respublikasi Prezidentining 2025-yil 23-oktabrdagi PF-190-son “Kasbiy taʼlim tizimida boshqaruv samaradorligini oshirish chora-tadbirlari toʻgʻrisida”gi Farmoniga muvofiq Oʻzbekiston Respublikasi Maktabgacha va maktab taʼlimi vazirligi hamda Oliy taʼlim, fan va innovatsiyalar vazirligi qaror qiladi:

1. Oʻzbekiston Respublikasi Maktabgacha va maktab taʼlimi vazirligining 2025-yil 11-iyundagi 3-mh-son hamda Kambagʻallikni qisqartirish va bandlik vazirligining 2025-yil 5-iyundagi 08/270-son qarori (roʻyxat raqami 3647, 2025-yil 14-iyul) (Qonunchilik maʼlumotlari milliy bazasi, 14.07.2025-y., 10/25/3647/0613-son) bilan tasdiqlangan Umumiy oʻrta taʼlim muassasalari bitiruvchilarini oʻrgangan kasb-hunari boʻyicha amaliy imtihondan oʻtkazish va ularga elektron sertifikat berish tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror Oʻzbekiston Respublikasi Kambagʻallikni qisqartirish va bandlik vazirligi bilan kelishilgan.

3. Mazkur qaror rasmiy eʼlon qilingan kundan eʼtiboran kuchga kiradi.

1. 3-banddagi “hududiy kasbiy koʻnikmalar markaziga” va “kirish qismiga osib qoʻyiladi” degan soʻzlar tegishli ravishda “hududdagi tegishli kasbiy taʼlim tashkilotiga” va “eʼlonlar taxtasiga joylashtiriladi” degan soʻzlar bilan almashtirilsin.

2. 5-bandning uchinchi xatboshisidagi va 18-banddagi “kasbiy koʻnikmalar markazi” degan soʻzlar “kasbiy taʼlim tashkiloti” degan soʻzlar bilan almashtirilsin.

3. 12-banddagi “kasbiy taʼlim muassasalarida” degan soʻzlar “kasbiy taʼlim tashkilotlarida” degan soʻzlar bilan almashtirilsin.

4. 1-ilovaning uchinchi xatboshisidagi “kasbiy koʻnikmalar markazi” degan soʻzlar “kasbiy taʼlim tashkiloti” degan soʻzlar bilan almashtirilsin.

5. 2-ilova mazkur oʻzgartirishlarning ilovasiga muvofiq tahrirda bayon etilsin.