LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
“O‘zbekiston havo yo‘llari” milliy aviakompaniyasida o‘tkazilgan tekshirish natijasida kadrlarni reja asosida tayyorlash, qayta tayyorlash, tanlash, ular zaxirasini shakllantirish va ularni joy-joyiga qo‘yish masalalarida kamchiliklar aniqlandi. Keyingi yillarda kadrlar qo‘nimsizligi tendensiyasi yuzaga keldi. Fuqaro aviatsiyasida tajribaga ega bo‘lmagan xodimlarni zaxiraga qo‘shib qo‘yish hollari mavjud. Direksiya apparatining rahbarlik lavozimlariga o‘rta ma’lumotga ega bo‘lgan mutaxassislar tayinlangan.
“O‘zbekiston havo yo‘llari” milliy aviakompaniyasida kadrlarni tanlash va joy-joyiga qo‘yishni tashkil etishni yaxshilash va uni takomillashtirish maqsadida Vazirlar Mahkamasi qaror qiladi:
“O‘zbekiston havo yo‘llari” milliy aviakompaniyasi bosh direktori vazifasini bajaruvchi A. G‘. Ro‘zmetov kadrlarni tanlash va joy-joyiga qo‘yish intizomini buzganligi uchun Vazirlar Mahkamasining qarori bilan intizomiy javobgarlikka tortilganligi;
“O‘zbekiston havo yo‘llari” milliy aviakompaniyasini tekshirish yakunlari O‘zbekiston Respublikasi Vazirlar Mahkamasining rahbar xodimlari ishtirokida kompaniya boshqaruvi kengashining kengaytirilgan majlisida muhokama qilinganligi, aniqlangan kamchiliklarni bartaraf etish yuzasidan tadbirlar belgilanganligi va amalga oshirilayotganligi, “O‘zbekiston havo yo‘llari” milliy aviakompaniyasining tegishli buyrug‘i chiqarilganligi ma’lumot uchun qabul qilinsin.
2. “O‘zbekiston havo yo‘llari” milliy aviakompaniyasi bosh direktori vazifasini bajaruvchi (Ro‘zmetov):
tekshirishda aniqlangan kamchiliklarni bartaraf etish yuzasidan belgilangan tadbirlarning bajarilishi ustidan amaliy nazoratni ta’minlasin;
O‘zbekiston Respublikasi Prezidenti Apparati bilan kelishilgan holda boshqaruv kengashida kompaniya apparati va kompaniyaga qarashli korxonalar rahbarlik lavozimlarini almashtirish uchun kadrlar zaxirasini bir oy muddatda tasdiqlasin.
Oldingi tahrirga qarang.
(3-4-bandlar O‘zbekiston Respublikasi Vazirlar Mahkamasining 1999-yil 5-martdagi 101-sonli qaroriga muvofiq o‘z kuchini yo‘qotgan)
5. “O‘zbekiston havo yo‘llari” milliy aviakompaniyasi (Ro‘zmetov), Mudofaa vazirligi (Tursunov), Oliy va o‘rta maxsus ta’lim vazirligi (G‘ulomov), “Chkalov nomidagi Toshkent aviatsiya ishlab chiqarish birlashmasi” davlat-aksiyadorlik jamiyati (Kucherov)ning Toshkent davlat texnika universitetining Aviatsiya fakulteti, Jizzax oliy harbiy aviatsiya bilim yurti, “Chkalov nomidagi Toshkent aviatsiya ishlab chiqarish birlashmasi” davlat-aksiyadorlik jamiyati o‘quv markazi, “O‘zbekiston havo yo‘llari” milliy aviakompaniyasining o‘quv-mashq qilish markazining bazasida O‘zbekiston Respublikasi aviatsiyasi ehtiyojlari uchun kadrlar tayyorlash va ularni qayta tayyorlashga oid takliflari 3-ilovaga* muvofiq qabul qilinsin.
* 3-ilova matni rus tilida berilgan.
(5-band O‘zbekiston Respublikasi Vazirlar Mahkamasining 2008-yil 11-avgustdagi 182-sonli qarori tahririda — O‘R QHT, 2008-y., 33-son, 319-modda)
6. O‘zbekiston Respublikasi Mudofaa vazirligi (Tursunov), Oliy va o‘rta maxsus ta’lim vazirligi (G‘ulomov) 1998-yil 1-sentabrgacha Toshkent davlat aviatsiya institutining aviatsiya mutaxassisliklari bo‘yicha zaxiradagi ofitsyerlar tayyorlovchi zarur darajada kengaytirilgan harbiy kafedrasini tashkil etsin.
7. Makroiqtisodiyot va statistika vazirligi (G‘ofurov), Moliya vazirligi (Sayfuddinov) 1999 va keyingi yillar uchun investitsiya dasturini shakllantirishda Oliy va o‘rta maxsus ta’lim vazirligiga Toshkent davlat aviatsiya institutining yangi o‘quv-laboratoriya kompleksi qurilishi va sport kompleksi qurilishini tugallash uchun mablag‘ bilan ta’minlashning markazlashtirilgan manbalari limitlarini maqsadli ajratishni nazarda tutsinlar.
Oldingi tahrirga qarang.
(8-band O‘zbekiston Respublikasi Vazirlar Mahkamasining 2008-yil 11-avgustdagi 182-sonli qarori bilan chiqarilgan— O‘R QHT, 2008-y., 33-son, 319-modda)
9. Moliya vazirligi (Sayfuddinov), “Ustoz” (G‘ulomov) va “Umid” (Azimov) respublika jamg‘armalari Toshkent davlat aviatsiya instituti ilmiy kadrlarini tayyorlash va uning professor-o‘qituvchilari tarkibini 4-ilovaga* muvofiq qayta tayyorlash uchun teng ulushlarda zarur mablag‘lar ajratsinlar.