(qaror nomi O‘zbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik ma’lumotlari milliy bazasi, 08.02.2022-y., 09/22/62/0111-son)
LexUZ sharhi
Mazkur qaror O‘zbekiston Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
Inson manfaatlarini ta’minlash chora-tadbirlari Dasturini bajarish va yangi tug‘ilgan chaqaloqlar hamda homilador ayollardagi patologiyani barvaqt aniqlash davlat tizimini tashkil etish maqsadida Vazirlar Mahkamasi qaror qiladi:
1. Bolalikdan nogironligi bo‘lgan bolalar tug‘ilishining oldini olish uchun yangi tug‘ilgan chaqaloqlar hamda homilador ayollarda tug‘ma va boshqa patologiyani barvaqt aniqlash bo‘yicha “Ona va bola skrininggi” davlat dasturi 1 va 2-ilovalarga* muvofiq tasdiqlansin.
(1-band O‘zbekiston Respublikasi Vazirlar Mahkamasining 2022-yil 8-fevraldagi 62-sonli qarori tahririda — Qonunchilik ma’lumotlari milliy bazasi, 08.02.2022-y., 09/22/62/0111-son)
2. O‘zbekiston Respublikasi Sog‘liqni saqlash vazirligi va “Sog‘lom avlod uchun” jamg‘armasiga “Ona va bola skrininggi” dasturining amalga oshirilishini muvofiqlashtirib borish va nazorat qilish vazifasi yuklansin.
skrining-markazlarni tashkil etish faoliyat ko‘rsatayotgan davolash-profilaktika muassasalari shoxobchalari hisobiga amalga oshiriladi. Markazlarni mablag‘ bilan ta’minlash sog‘liqni saqlashga ajratiladigan budjet mablag‘lari hamda homiylar mablag‘lari hisobiga amalga oshiriladi;
1993 — 2001-yillar davrida, “Sog‘lom avlod uchun” jamg‘armasi tomonidan “Vallak” konserni (Finlyandiya) va “Bristol Mayers Skvibb” kompaniyasi (AQSh) bilan tuzilgan bitimlarga muvofiq, “Ona va bola skrininggi” dasturi doirasida tashkil etiladigan skrining-markazlar texnikaviy muruvvat yordami sifatida umumiy summasi 1,2 mln AQSh dollaridan iborat bo‘lgan diagnostika apparatlari, tashkiliy texnika va kommunikatsiya vositalari bilan jihozlanadi.
4. O‘zbekiston Respublikasi Moliya vazirligi “Ona va bola skrininggi” davlat dasturini amalga oshirish uchun har yili 1 va 2-ilovalarga muvofiq mablag‘lar ajratishni nazarda tutsin.
5. O‘zbekiston Respublikasi Tashqi iqtisodiy aloqalar vazirligi, Tashqi iqtisodiy faoliyat milliy banki, Davlat bojxona qo‘mitasi “Ona va bola skrininggi” davlat dasturini bajarish doirasida tuzilgan kontraktlarni ustuvor asosda ko‘rib chiqsinlar.
bir oy muddatda “O‘zavtotrans” korporatsiyasining hududiy bo‘linmalari bilan birgalikda skrining davomida aniqlangan patologiyali shaxslarni (homilador ayollar va bolalarni bir nafar kuzatuvchi bilan birga) shaharlararo qatnaydigan avtobuslarda yashash joyidan tegishli mintaqaviy skrining-markazgacha bepul olib kelish va olib ketish tartibini ishlab chiqsinlar;
“Sog‘lom avlod uchun” jamg‘armasi, O‘zbekiston Respublikasi Xotin-qizlar qo‘mitasi va “Mahalla” jamg‘armasi bilan birgalikda “Ona va bola skrininggi” davlat dasturini bajarishni har tomonlama qo‘llab-quvvatlasinlar hamda aholi o‘rtasida bolalarning rivojlanish xastaliklari bilan tug‘ilishining oldini olishning ijtimoiy ahamiyati to‘g‘risida keng tushuntirish ishlarini tashkil qilsinlar.