LexUZ sharhi
Mazkur qaror O‘zbekistan Respublikasi Vazirlar Mahkamasining 2022-yil 21-iyuldagi 396-sonli “Qonunchilik bazasini yanada tizimlashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Vazirlar Mahkamasining “Bolali oilalarga davlat ijtimoiy yordami tizimini takomillashtirishga oid chora-tadbirlar to‘g‘risida” 1994-yil 20-iyundagi 308-son qarori qabul qilinganligi munosabati bilan Vazirlar Mahkamasi qaror qiladi:
O‘zbekiston Respublikasi Hukumatining ilova qilinayotgan ro‘yxatga muvofiq qarorlari 1994-yil 1-sentabrdan o‘z kuchini yo‘qotgan deb hisoblansin.
1. “KPSS Markaziy Komiteti va SSR Ministrlar Sovetining “Chaqaloq uylarida, bolalar uylarida va maktab-internatlarda yetim bolalar va ota-onalarining homiyligisiz qolgan bolalarni tarbiyalashni, o‘qitishni va moddiy ta’minlashni yaxshilash tadbirlari to‘g‘risida” 1985-yil 24-yanvardagi 85-son qarori” yuzasidan O‘zbekiston Kompartiyasi Markaziy Komiteti va O‘zbekiston SSR Ministrlar Sovetining 1985-yil 4-martdagi 128-son qarori 6-bandining “a” kichik bandi (O‘zSSR QT, 1985-y., 3-son, 8-modda).
2. “SSSR Ministrlar Sovetining “Ota-onalari aliment to‘lashdan bosh tortgan balog‘atga yetmagan bolalarning moddiy ahvolini yaxshilash chora-tadbirlari to‘g‘risida” 1989-yil 25-yanvardagi 67-son qarori” yuzasidan O‘zbekiston SSR Ministrlar Sovetining 1989-yil 23-fevraldagi 85-son qarori.
3. “O‘zbekiston Kompartiyasi Markaziy Komiteti Byurosining “1990-yilda O‘zbekiston SSRning xalq ta’limi, madaniyat va sog‘liqni saqlash sohalarida sotsial ahvolini yanada yaxshilash choralari to‘g‘risida” 1989-yil 23-noyabrdagi qarori qanday bajarilayotganligi haqida” O‘zbekiston SSR Ministrlar Sovetining 1990-yil 15-yanvardagi 31-son qarori 2-bandining barcha umumta’lim maktablarining 1 — 5-sinf o‘quvchilari uchun bepul nonushta tashkil qilishga oid qismi va ushbu qaror 6-bandning umumta’lim maktablarining 1 — 5-sinf o‘quvchilarini oziq-ovqat mahsulotlari bilan ta’minlashga oid qismi.
4. “SSJI Vazirlar Kengashining “Ba’zi nafaqalarni tayinlash va to‘lash tartibi to‘g‘risida hamda SSJI Hukumatining bolali oilalarga davlat yordami ko‘rsatish haqidagi qarorlariga o‘zgartirish va qo‘shimchalar kiritish to‘g‘risida” 1990-yil 24-noyabrdagi 1177-son qarori haqida” Vazirlar Mahkamasining 1990-yil 29-dekabrdagi 394-son qarori (O‘zSSR QT, 1990-y., 12-son, 51-modda), 5-banddan tashqari.
5. O‘zbekiston SSJ Vazirlar Mahkamasining 1990-yil 29-dekabrdagi 394-son qarori bilan tasdiqlangan O‘zbekiston SSJ Hukumatining bolali oilalarga davlat yordami ko‘rsatish to‘g‘risidagi qarorlariga kiritiladigan o‘zgartirish va qo‘shimchalarning 5-bandi “g” va “d” kichik bandlari, 6 va 7-bandlari (O‘zSSJ QT, 1990-y., 12-son, 51-modda).
6. Vazirlar Mahkamasining “Chakana narxlarning isloh qilinishi munosabati bilan O‘zbekiston SSJ aholisini ijtimoiy himoyalash tadbirlari haqida” 1991-yil martdagi 65-son qarorining 10 — 14-bandlari.
7. “Vazirlar Mahkamasining “Chakana narxlarning isloh qilinishi munosabati bilan O‘zbekiston SSJ aholisini ijtimoiy himoyalash tadbirlari haqida” 1991-yil 25-martdagi 65-son qaroriga muvofiq O‘zbekiston SSJ Hukumatining ayrim qarorlarini o‘zgartirish to‘g‘risida” Vazirlar Mahkamasining 1991-yil 26-iyundagi 172-son qarori.
8. “Vazirlar Mahkamasining “Chakana narxlarning isloh qilinishi munosabati bilan O‘zbekiston SSJ aholisini ijtimoiy himoyalash tadbirlari haqida” 1991-yil 25-martdagi 65-son qaroriga qisman o‘zgartirish kiritish to‘g‘risida” Vazirlar Mahkamasining 1991-yil 17-avgustdagi 222-son qarori.
9. Vazirlar Mahkamasining “Erkin narxlar joriy etilishi munosabati bilan talablar, o‘quvchi yoshlar, o‘zgalar qaramog‘iga muhtoj bo‘lgan yolg‘iz pensionerlar va mehnatkashlarning imtiyozli umumiy ovqatlanishini tashkil etish yuzasidan qo‘shimcha chora-tadbirlari haqida” 1992-yil 21-yanvardagi 22-son qarorining 2-bandi.
10. “O‘zbekiston SSJ Prezidenti huzuridagi Vazirlar Mahkamasining 1991-yil 25-martdagi 65-son qaroriga o‘zgartirishlar kiritish to‘g‘risida” Vazirlar Mahkamasining 1992-yil 6-martdagi 105-son qarori.
11. Vazirlar Mahkamasining “1993-yilda respublika aholisini bolalarga atalgan mollar va ip gazlamalar bilan belgilangan miqdorda imtiyozli narxlarda ta’minlash chora-tadbirlari haqida” 1993-yil 18-martdagi 142-son qarori, uning amal qilishi ip gazlamalarga nisbatan saqlanib qolgan holda.