Ўзбекистон Республикасининг «Географик объектларнинг номлари тўғрисида»ги қонуни ҳамда Ўзбекистон Республикаси Вазирлар Маҳкамасининг 2012 йил 16 октябрдаги «Географик объектларнинг номлари соҳасида ишларни тартибга солиш чора-тадбирлари ҳақида»ги 295-сонли қарорига, Хоразм вилояти ҳокимлиги ҳузуридаги Географик объектларни номлаш ва қайта номлаш масалалари бўйича туман комиссиясининг 2025 йил 12 ноябрдаги 1-2843-сонли хатига ҳамда Хоразм вилояти ҳокимлиги ҳузуридаги Географик объектларга номлаш ва қайта номлаш масалалари бўйича эксперт комиссиясининг 2025 йил 15 декабрдаги 2-2-738-сонли экспертиза хулосасига асосан халқ депутатлари Қўшкўпир туман кенгаши қарор қилади:

1. Географик объектларни номлаш ва қайта номлаш масалалари бўйича Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги эксперт комиссиясининг 2025 йил 15 декабрдаги 2-2-738-сонли экспертиза хулосаси ва туман ҳокимлигининг географик объект (кўча, тор кўча, берк кўча)ларни номлаш ва қайта номлаш бўйича таклифи маъқуллансин.

2. Қўшкўпир туманидаги 543 та номсиз кўчаларнинг янги номлари рўйхати иловага мувофиқ тасдиқлансин.

3. Қўшкўпир тумани ҳокими ўринбосари, географик объектларга ном бериш масалаларини мувофиқлаштирувчи туман комиссияси раисининг ўринбосари (Х.Ибрагимов), туман иқтисодиёт ва молия бўлими (Н.Юлдошев), кадастрлар палатаси Қўшкўпир туман бўлими (Д.Полванов)ларга бир ҳафта муддатда Қўшкўпир тумани ҳудудидаги номлари ўзгарган кўчаларнинг номларини лотин ёзувида пешлавҳаларга ёзиб ҳамда рақамлаб, уларни белгиланган тартибда ўрнатиш вазифаси юклатилсин.

4. Қўшкўпир тумани ҳокимлиги ахборот хизмати раҳбари (М.Матякубов), «Ҳаёт кўзгуси» газетаси бош муҳаррири (М.Тиллаева)ларга ушбу қарорни ҳокимлик веб-сайти ва газета саҳифасида чоп этиш вазифаси юклатилсин.

5. Ушбу қарорнинг ижросини назорат қилиш халқ депутатлари туман кенгашининг Ижтимоий соҳа, ёшлар сиёсати, маданият ва спорт масалалари бўйича доимий комиссияси Р.Исмоилова зиммасига юклатилсин.