Ўзбекистон Республикаси Президентининг 2023 йил 21 декабрдаги «Ўзбекистон маҳаллалари уюшмаси фаолиятини йўлга қўйиш ва маҳаллаларда бошқарув тизимини такомиллаштиришга оид қўшимча чора-тадбирлар тўғрисида»ги ПҚ-402-сонли қарори ҳамда «Маҳалла институтининг жамиятдаги ролини тубдан ошириш ва унинг аҳоли муаммоларини ҳал этишда биринчи бўғин сифатида ишлашини таъминлашга қаратилган чора-тадбирлар тўғрисида»ги 209-сонли фармонига асосан бугунги кунда ушбу қарор ва фармоннинг амалдаги қонунчилик ҳужжатлари талабларига мувофиқлаштириш учун бюджет параметрларига тегишли ўзгартиришлар киритиш лозим.

Ўзбекистон Республикаси «Маҳаллий давлат ҳокимияти тўғрисида»ги қонунининг 6- ва 24-моддаларига ҳамда Бюджет кодексининг 27-, 127- ва 148-моддалари асосан халқ депутатлари Тупроққалъа тумани Кенгаши Қарор қилади:

1. Тупроққалъа тумани бюджетидан ҳудудий бюджет маблағларини тақсимловчиларга ажратиладиган маблағлар бўйича 2025 йилда тасдиқланган даромадлари 73 млрд. 976 млн. 984 минг сўм бўлиб, бюджет параметрларига киритилган ўзгаришлардан кейин режа 74 млрд. 321 млн. 828 минг сўмни ҳамда харажатлари 73 млрд. 976 млн. 984 минг сўм бўлиб, бюджет параметрларига киритилган ўзгаришлардан кейин режа 74 млрд. 321 млн. 828 минг сўмни, яъни тасдиқланган режага нисбатан даромадлар ва харажатлар 344.8 млн. сўмга кўпайгани маълумот учун қабул қилинсин.

2. Халқ депутатлари Тупроққалъа тумани Кенгашининг 2024 йил 27 декабрдаги «Тупроққалъа туманининг 2025 йилги маҳаллий бюджетини тасдиқлаш тўғрисида»ги VII-4-023-12-218-К/24-сонли қарорининг 1-, 2- ва 4-иловаларига қуйидагича:

2025 йил учун Тупроққалъа тумани маҳаллий бюджет даромадларнинг режа кўрсаткичлари 1-иловага;

2025 йил учун Тупроққалъа тумани бюджетидан ҳудудий бюджет маблағларини тақсимловчиларга ажратиладиган маблағларнинг умумий чекланган миқдорлари 2-иловага;

2025 йил учун Тупроққалъа тумани маҳаллий бюджетининг даромадлари ва харажатларининг чегаравий ҳажми 3-иловага мувофиқўзгартириш ва қўшимчалар киритилсин.

3. Туман иқтисодиёт ва молия бўлими бошлиғи биринчи ўринбосари (Б.Атабаев)га даромадлар ва харажатлар режасига тегишли ўзгартиришлар киритилишини белгиланган тартибда расмийлаштириш топширилсин.

4. Мазкур қарор туман ҳокимлигининг расмий веб-сайтига жойлаштирилсин.

5. Ушбу қарор расмий эълон қилинган кундан бошлаб кучга киради.

6. Ушбу қарорнинг бажарилишини назорат қилиш халқ депутатлари туман Кенгашининг «Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси» раиси И.Қаландаров зиммасига юклатилсин.