Ўзбекистон Республикаси Солиқ кодексининг 429 ва 437-моддалари ва Ўзбекистон Республикаси Президентининг 2020 йил 3 декабрдаги «Ресурс солиқлари ва мол-мулк солиғини янада такомиллаштириш тўғрисида»ги ПФ-6121-фармони ижросига мувофиқ вилоят Иқтисодиёт ва молия бош бошқармаси ва вилоят солиқ бошқармасининг «қишлоқ хўжалигига мўлжалланмаган ерлар учун жисмоний ва юридик шахслар бўйича мутлоқ миқдорда белгиланган базавий солиқ ставкасига киритилаётган камайтирувчи ва оширувчи коэффитсиэнтлар» лойиҳаси бўйича киритган таклифлари муҳокама этиб, Ўзбекистон Республикасининг «Маҳаллий давлат ҳокимияти тўғрисида»ги Қонуннинг 6 ва 24-моддаларига асосан Халқ депутатлари туман Кенгаши, қарор қилади:

1. Ўзбекистон Республикаси Солиқ кодексининг 429 ва 437-моддалари ва Ўзбекистон Республикаси Президентининг 2020 йил 3 декабрдаги «Ресурс солиқлари ва мол-мулк солиғини янада такомиллаштириш тўғрисида»ги ПФ-6121-сонли Фармонига мувофиқ қуйидагилар:

Ер солиғининг амалдаги солиқ ставкалари 2026 йилда 1,04 бараварга индексация қилиниши кутилаётганлиги;

Солиқ кодекси бўйича Наманган вилояти учун қишлоқ хўжалигига мўлжалланмаган ерлар бўйича турар жойнинг 1 кв.м учун 439,85 (тўрт юз ўттиз тўққиз сўм саксон беш тийин) сўм ва нотурар жойнинг 1 кв.м учун 5.698,00 (беш минг олти юз тўқсон саккиз) сўм базавий солиқ ставкаси белгиланган;

Келгуси йил базавий солиқ ставкасига нисбатан камайтирувчи ва оширувчи коэффитсиэнтлар қўллашда кейинги йил маҳаллий бюджет даромадлари прогнозидан келиб чиқиш бўйича тавсиялари маълумот учун қабул қилинсин.

2. «Қишлоқ хўжалигига мўлжалланмаган ерлар учун жисмоний ва юридик шахслар бўйича мутлоқ миқдорда белгиланган базавий солиқ ставкасига киритилаётган камайтирувчи ва оширувчи коэффитсиэнтлар» миқдорларини белгилаш бўйича туман Иқтисодиёт ва молия бўлимининг ҳамда туман солиқ инспекциясининг қўшма таклифи мақуллансин.

3. Мазкур қарор билан:

Чортоқ туман ҳудудида қишлоқ хўжалигига мўлжалланмаган ерлар учун жисмоний шахслар бўйича турар жой учун мутлоқ миқдорда белгиланган базавий солиқ ставкасига киритилаётган камайтирувчи ва оширувчи коэффитсиэнтлар миқдорлари 1-иловага мувофиқ тасдиқлансин;

Чортоқ туман ҳудудида қишлоқ хўжалигига мўлжалланмаган ерлар учун юридик шахслар бўйича нотурар жой учун мутлоқ миқдорда белгиланган базавий солиқ ставкасига киритилаётган камайтирувчи ва оширувчи коэффитсиэнтлар миқдорлари 2-иловага мувофиқ, Бунда, туман Солиқ инспекциясига жисмоний шахслардан олинадиган ер солиғи (якка тартибдаги тадбиркорлардан ташқари) суммаси 2025 йил учун ҳисобланган солиқ суммасининг 1,3 бараваридан ошмаслиги лозимлиги;

Халқ депутатлари туман Кенгашига Халқ депутатлари вилоят Кенгаши томонидан белгиланган ер солиғи ставкаларига қишлоқ хўжалигига мўлжалланмаган ерлар учун, уларнинг ҳудудларида жойлашган даҳа, массив, маҳалла, кўча кесимида 0,7 дан 3,0 гача камайтирувчи ва оширувчи коэффитсиэнтларни киритиш ҳуқуқи берилганлиги алоҳида кўрсатиб ўтилсин.

4. 2026 йил учун сув ресурсларидан фойдаланганлик учун солиқ ставкаларига 2026 йил учун қўлланиладиган коэффитсиэнтлар 3-иловага;

норуда қурилиш материаллари учун (цементдан ташқари) белгиланган қатъий ставкаларига 2026 йил учун қўлланиладиган коэффитсиэнтлар 4-иловага мувофиқ тасдиқлансин.

5. Туман ҳокимининг биринчи ўринбосари Б. Боймирзаев, туман Иқтисодиёт ва молия бўлими (А. Жаббаров), туман Солиқ инспекцияси (С. Тулаков) 3 кун муддатда қишлоқ хўжалигига мўлжалланмаган ерлар бўйича мутлоқ миқдорда белгиланган базавий солиқ ставкаси бўйича ҳудудлар бўйича аниқлик киритсин.

6. Туман халқ депутатлари Кенгаши 1 ҳафта муддатда ушбу қарорнинг 1 ва 2-иловаларига асосан белгиланган солиқ ставкаларига ҳудудларида жойлашган даҳа, массив, маҳалла, кўча кесимида 0,7 дан 3,0 гача камайтирувчи ва оширувчи коэффитсиэнтларни қўллаш бўйича муҳокамалар ўтказиб, 2026 йилнинг 5 январига қадар муҳокамалар якуни бўйича тасдиқланган солиқ ставкаларни туман Солиқ инспекциясига тақдим этсин.

7. Халқ депутатлари туман Кенгаши ушбу қарорнинг 1 ва 2-иловаларига асосан белгиланган солиқ ставкаларига нисбатан камайтирувчи ва оширувчи коэффитсиэнтларни келгуси йил учун маҳаллий бюджет даромадлари прогнозидан ҳамда мамлакатимизда иқтисодий фаолликнинг тикланганлиги ҳамда аҳоли ва тадбиркорларнинг даромадлари барқарорлашганлигидан келиб чиққан ҳолда қўллашлари тавсия этилсин.

8. Туман Солиқ инспекцияси (С. Тулаков) ер солиғи бўйича тасдиқланган солиқ ставкаларини 2026 йил 10 январга қадар барча солиқ тўловчиларга солиқ тўловчининг шахсий кабинети орқали етказилишини таъминласин.

9. Туман Солиқ инспекцияси (С. Тулаков) ва туман ҳокимлигининг ахборот хизмати (Б. Тиллабоев) билан биргаликда ушбу қарор 1, 2, 3, 4-иловаларига мувофиқ солиқ ставкалари, солиқ солиш тартиб-таомиллари ҳамда бошқа масалага оид маълумотларни оммавий ахборот воситаларида кенг ёритилишини таъминласин.

10. Мазкур қарор туман «Чортоқ ҳақиқати» газетасида эълон қилинсин ҳамда туман ҳокимлигининг расмий веб-сайтига жойлаштирилсин, ушбу қарор расман эълон қилинган кундан бошлаб кучга киради.

11. Туман солиқ инспекцияси (С. Тулаков):

Ўзбекистон Республикаси Солиқ кодексида белгиланган ваколатларидан келиб чиқиб:

Солиқларнинг тўлиқ ва тўғри ҳисобланишини ҳамда ўз вақтида бюджетга ундирилишини назоратга олиб бориш;

тегишли бюджетнинг ижро этилиши жараёнида унга тушумларни кўпайтириш бўйича қўшимча захираларни аниқлаш; ер солиғининг солиқ базасини ошириш, яъни хатлов ишларини самарали ташкил етиб борсинлар.

12. Мазкур қарор бажарилишини назорат қилиш халқ депутатлари туман Кенгашининг Маҳаллий бюджетни шакллантириш ва ижро этиш, иқтисодий ислоҳотларни амалга ошириш ва тадбиркорликни ривожлантириш масалалари доимий комиссияси (Ў. Болтабоев) ҳамда туман ҳокимининг биринчи ўринбосари Б. Боймирзаев зиммасига юклансин.