Ўзбекистон Республикаси Президентининг 2024 йил 5 январдаги ПҚ-5-сонли «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги қарори 7-бандининг ижроси юзасидан Шеробод туман «Сув етказиб бериш хизмати» давлат муассасаси раҳбари Х. Рахмоновнинг ҳисоботи тингланиб, билдирилган фикр ва мулоҳазалардан келиб чиқиб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6 ва 24-моддаларига асосан халқ депутатлари Шеробод тумани Кенгаши қарор қилади:

1. «АМУ-СУРХОН» ирригация тизимлари ҳавза бошқармаси бошлиғи Б. Алимовнинг 2025 йил 26-сентябрдаги № 03-19/1506-сонли, Шеробод туман»Сув етказиб бериш хизмати» ДМ директори Х. Рахмоновнинг 2025 йил 2-октябрдаги № 01/199-сонли хати маълумот учун қабул қилинсин.

2. Шеробод тумани ҳудудларидаги сув истеъмолчиларининг 2025 йил 1 октябрдан 2026 йил 1 апрелга қадар носуғориш ишлари учун ажратилиши кўзда тутилган сув лимити 1, 2, 3, 4, 5, 6-иловаларга мувофиқ тарзда тасдиқлансин.

3. Шеробод туман «Сув етказиб бериш хизмати» давлат муассасаси раҳбари (Х. Рахмонов) ушбу сув лимити ҳажми амалдаги қонунчиликка мувофиқ ишлаб чиқилгани, шунингдек, туман Кенгашига тақдим этилган ҳужжатлар ҳаққонийлиги учун шахсан жавобгар этиб белгилансин.

4. Туман ҳокимлиги ахборот хизмати (А. Тоштемиров) ҳамда «Шеробод ҳаёти» газетаси таҳририяти (П. Муҳаммадиев)га Шеробод тумани ҳудудларидаги сув истеъмолчиларининг 2025 йил 1 октябрдан 2026 йил 1 апрелга қадар носуғориш ишлари учун ажратилиши кўзда тутилган сув лимити ҳақида оммавий ахборот воситалари ва интернет тармоқларида кенг ёритиб бориш тавсия этилсин.

5. Мазкур қарор ижросини назорат қилиш Халқ депутатлари туман Кенгашининг Аграр, сув хўжалиги масалалари ва экология бўйича доимий комиссияси (Қ. Рахамов)га, ижросини таъминлаш эса Шеробод туман «Сув етказиб бериш хизмати» давлат муассасаси раҳбари (Х. Рахмонов) зиммасига юклансин.

6. Ушбу қарор оммавий ахборот воситаларида эълон қилинган кундан бошлаб кучга киради.