Ўзбекистон Республикаси Шаҳарсозлик кодексининг 21-моддаси, Ўзбекистон Республикаси Президентининг 2023 йил 11 сентябрдаги «2023 — 2027 йилларда «Шаҳарсозлик фаолияти соҳасида давлат бошқаруви тизимини янада такомиллаштириш ҳамда аҳоли пунктларининг Шаҳарсозлик ҳужжатларини ишлаб чиқиш дастурларини тасдиқлаш чора-тадбирлари тўғрисида»ги ПҚ-299-сонли қарорининг ижросини таъминлаш мақсадида «Маҳаллий давлат ҳокимияти тўғрисида»ги Ўзбекистон Республикаси қонунининг 6 ва 24-моддаларига асосан халқ депутатлари вилоят Кенгаши қарор қилади:

1. Хоразм вилояти қурилиш ва уй-жой коммунал хўжалиги бошқармасининг 2025 йил 25 августдаги Б-738-сонли хати маълумот учун қабул қилинсин.

2. Қуйидагилар:

Гурлан туманидаги Жалойир маҳалла фуқаролар йиғинининг бош режа ва батафсил режалаштириш лойиҳалари ҳамда унга ёндош бўлган Пахтачи, Зиёкор, Совунчи, ва Нурли йўл маҳаллаларини техник-иқтисодий кўрсаткичлари ва шаҳарсозлик жиҳатидан ривожлантириш схемалари 1-иловага;

Қўшкўпир тумани Қоровул маҳалла фуқаролар йиғинининг бош режа ва батафсил режалаштириш лойиҳалари ҳамда унга ёндош бўлган Бўрлоқ, Амирқум Ваҳимчи ва Дўстлик маҳаллаларини техник-иқтисодий кўрсаткичлари ва шаҳарсозлик жиҳатидан ривожлантириш схемалари 2-иловага;

Ҳазорасп тумани Янгибозор маҳалла фуқаролар йиғинининг бош режа ва батафсил режалаштириш лойиҳалари ҳамда унга ёндош бўлган Жуворхос, Қиртепа, ва Алоқали кўл маҳаллаларини техник-иқтисодий кўрсаткичлари ва шаҳарсозлик жиҳатидан ривожлантириш схемалари 3-иловага;

Хива тумани Истиқлол маҳалла фуқаролар йиғинининг бош режа ва батафсил режалаштириш лойиҳалари ҳамда унга ёндош бўлган Хорвуз маҳалласининг техник-иқтисодий кўрсаткичлари ва шаҳарсозлик жиҳатидан ривожлантириш схемалари 4-иловага;

Урганч тумани Боғдорчи маҳалла фуқаролар йиғинининг бош режа ва батафсил режалаштириш лойиҳалари ҳамда унга ёндош бўлган Бободеҳқон, Кўҳна овул ва Ҳ. Олимжон маҳаллаларини техник-иқтисодий кўрсаткичлари ва шаҳарсозлик жиҳатидан ривожлантириш схемалари 5 — 8-иловаларга мувофиқ тасдиқлансин.

3. Гурлан, Қўшкўпир, Ҳазорасп, Хива ва Урганч туманлари ҳокимликлари, вилоят қурилиш ва уй-жой коммунал хўжалиги бошқармаси (М. Каландаров) билан биргаликда ўз ваколатлари доирасида:

тегишли мутасадди ташкилот ва идораларни жалб этган ҳолда бош режа лойиҳалари ишлаб чиқилиши билан бир вақтда батафсил режалаштириш лойиҳалари ҳамда ёндош маҳаллаларни шаҳарсозлик жиҳатидан ривожлантириш схемаларига мувофиқ, маҳалла фуқаролар йиғинлари ҳудудларини шаҳарсозлик жиҳатидан ва ижтимоий-иқтисодий ривожлантириш юзасидан комплекс чора-тадбирлар дастурини ишлаб чиқиб, тасдиқлаш;

маҳалла фуқаролар йиғинлари ҳудуди ерларидан мақсадсиз фойдаланишга ва ноқонуний қурилишларни амалга оширишга йўл қўймаслик юзасидан қатъий назорат ўрнатиш йўли билан улардан самарали фойдаланиш;

энергияни тежайдиган замонавий технологияларни жорий этиш орқали муҳандислик-коммуникация тузилмасини (сув, электр, газ, иссиқлик таъминоти, телекоммуникация объектлари, канализация, ирригация) қуриш ва реконструкция қилиш йўли билан модернизация қилиш;

кўп қаватли уй-жойлар, таълим, соғлиқни сақлаш, спорт, маданият, санъат ва дам олиш обектларини оқилона жойлаштириш ҳамда бош режага мувофиқ, инфратузилмани ривожлантириш чорасини кўрсин.

4. Хоразм вилояти қурилиш соҳасида ҳудудий назорат инспекцияси (Ш. Отяэв) аҳоли пунктларининг тасдиқланган шаҳарсозлик ҳужжатлари асосида қурилиш объектлари жойлаштирилишини назоратга олсин.

5. «Қишлоққурилишлойиҳа» бош лойиҳа институти ДМ тасдиқланган шаҳарсозлик ҳужжатларининг амалга оширилишида қонунчиликда белгиланган тартибда муаллифлик назоратини ўрнатсин.

6. Ушбу қарорнинг ижросини назорат қилиш халқ депутатлари вилоят Кенгашининг маҳаллий бюджет, тадбиркорликни ривожлантириш ва иқтисодий ислоҳотлар бўйича доимий комиссиясираиси К. Игамбергенов зиммасига юклансин.