Ўзбекистон Республикасининг «Географик объектларнинг номлари тўғрисида»ги Қонуни, Ўзбекистон Республикаси Президентининг 2019 йил 21 октябрдаги «Ўзбек тилининг давлат тили сифатидаги нуфузи ва мавқеини тубдан ошириш чора-тадбирлари тўғрисида»ги ПФ-5850-сонли Фармони, Ўзбекистон Республикаси Вазирлар Маҳкамасининг 2012 йил 16 октябрдаги «Географик объектларнинг номлари соҳасидаги ишларни тартибга солиш чора-тадбирлари ҳақида»ги 295-сонли, 2020 йил 20 январдаги «Мамлакатда давлат тилида иш юритишни самарали ташкил қилиш чора-тадбирлари тўғрисида»ги 34-сонли қарорлари ижросини таъминлаш мақсадида, Иқтисодиёт ва молия вазирлиги ҳузуридаги кадастр агентлиги, Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш эксперт комиссияси томонидан Бухоро шаҳридаги 44 та географик объектни номлаш ва қайта номлаш бўйича таклифлардан 44 та географик объектга таклиф этилган ном Ўзбекистон Республикасининг «Географик объектларнинг номлари тўғрисида»ги Қонун ҳужжатлари талабларига мувофиқ деб топилиб, белгиланган экспертиза хулосаси тасдиқланган.

Бухоро шаҳрида амалга оширилиши керак бўлган ишлар тўғрисидаги шаҳар ҳокимининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси А. Зикриллаевнинг ҳисоботини атрофлича муҳокама қилиб, Халқ депутатлари Бухоро шаҳар Кенгаши қарор қилади:

1. Иқтисодиёт ва молия вазирлиги ҳузуридаги кадастр агентлиги, Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш эксперт комиссиясининг 2025 йил 2 октябрдаги 02/02-65-сонли Экспертиза хулосаси ҳамда шаҳар ҳокимининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси А. Зикриллаевнинг ҳисоботи маълумот учун қабул қилинсин.

2. Бухоро шаҳри географик объектларига бериладиган номлар ва уларни қайта номлаш таклифлари иловага мувофиқ маъқуллансин.

3. Бухоро шаҳар ички ишлар фаолиятини мувофиқлаштириш бошқармаси (А. Ҳайдаров) номланган ва қайта номланган кўчаларга аҳолини рўйхатга қўйиш ва тегишли йўл белгиларига ўзгартиришлар киритиш билан боғлиқ ташкилий ишларни амалга оширсин.

4. Давлат кадастрлар палатаси Бухоро шаҳар филиали (Ш. Қазоқов), шаҳар статистика бўлими (У. Жўраев)ларга:

янги номланган ва номи ўзгарган географик объектларни шаҳар харитасига жойлаштириш, шунингдек, тегишлича статистика маълумотларига ўзгартиришлар киритсин.

5. Бухоро шаҳар ҳокимлиги ахборот хизмати (Д. Тўймуродов), «Бухоро оқшоми» газетаси таҳририяти (И. Ражабова)лар Бухоро шаҳар ҳокимининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси А. Зикриллаев билан биргаликда Ўзбекистон Республикаси «Географик объектларнинг номлари тўғрисида»ги ҳамда «Давлат тили тўғрисида»ги Қонунлари талаблари асосида ушбу олиб борилган ишларни шаҳардаги оммавий ахборот воситаси ҳамда ижтимоий тармоқлар орқали кенг ёритиб бориш тавсия этилсин.

6. Мазкур қарорнинг ижросини назорат қилиш Халқ депутатлари шаҳар Кенгашининг Ижтимоий соҳа, ёшлар сиёсати, маданият ва спорт масалалари бўйича доимий комиссияси (Ж. Матниязов) зиммасига юклатилсин.

7. Мазкур қарор қабул қилинган кундан эътиборан кучга киради.