Ўзбекистон Республикаси Президентининг 2024 йил 5 январь «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сон қарори ижросини таъминлаш мақсадида ҳамда ушбу масала бўйича Ўзбекистон Экологик партияси депутатлик гуруҳининг ўрганишларини ҳисобга олиб, «Маҳаллий давлат ҳокимияти тўғрисида»ги Ўзбекистон Республикаси қонунининг 6- ва 24-моддаларига мувофиқ халқ депутатлари Боғот тумани Кенгаши қарор қилади:

1. «Боғот туманида 2025-2026 йилларнинг куз-қиш даври учун сув олиш лимитини тасдиқлаш тўғрисида»ги масала юзасидан туман ҳокимининг қишлоқ ва сув хўжалиги масалалари бўйича ўринбосари И.Рахимовнинг ахбороти маълумот учун қабул қилинсин.

2. Боғот тумани «Сув етказиб бериш хизмати» давлат муассасасининг сув манбалари, иқтисодиёт тармоқлари ҳамда ҳудудлари бўйича 2025-2026 йилларнинг куз-қиш (шўр ювиш) даврида сув манбаларидан олинадиган сув миқдори (лимит) 1 ва 2-иловаларга мувофиқ тасдиқлансин.

3. Туман ҳокимининг қишлоқ ва сув хўжалиги масалалари бўйича ўринбосари И.Рахимов, Боғот тумани «Сув етказиб бериш хизмати» давлат муассасаси директори М.Аллаёров:

- 5 кун муддатда сув манбалари, иқтисодиёт тармоқлари ва ҳудудлари бўйича ишлаб чиқилган сув олиш лимитларини барча сув истеъмолчиларига етказиш;

- сув истеъмолчилари билан уларга ажратилган сув олиш лимитлари доирасида сувдан фойдаланиш ёки сув истеъмоли тўғрисидаги шартнорналарнинг тузилишини ҳамда уларни белгиланган тартибда рўйхатдан ўтказилишини таъминласин.

4. Боғот тумани «Сув етказиб бериш хизмати» давлат муассасаси М.Аллаёров ҳамда туман қишлоқ хўжалиги бўлими Ш.Норбоев билан биргаликда сувдан мақсадли ва самарали фойдаланиш бўйича ўқув семинарлари ва тушунтириш ишлари олиб бориш вазифаси юклатилсин.

5. Мазкур қарорнинг ижросини назорат қилиш туман ҳокимининг ўринбосари И.Рахимов ҳамда халқ депутатлари туман Кенгашининг «Аграр, сув хўжалиги ва экология масалалари бўйича» доимий комиссияси раиси Ш.Ражабов зиммасига юклатилсин.

6. Ушбу қарор қабул қилинган кундан кучга киради.