Ўзбекистон Республикаси Президентининг 2024 йил 5 январидаги қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида ПҚ-5-сон қарори ижроси юзасидан туманда мавжуд қишлоқ хўжалиги корхоналарига вегетация даврида керакли миқдорда сув билан таъминлаш мақсадида белгиланган тартибда сув бериш лимитлари ўрганиб чиқилган.

Туманда сув ресурсларидан фойдаланиш самарадорлигини ошириш, сувдан фойдаланиш маданиятини юксалтириш орқали аҳоли онгида шаклланган «сув-текин» тушунчасидан воз кечиш ҳамда сувни тежайдиган суғориш технологияларини кенгайтирилган тартибда жорий этишни давом эттириш асосий мақсад қилиб олинган.

Туманда 2025-2026 йиллар кузги-қишки суғориш мавсумида қишлоқ хўжалиги экинларини суғориш, саноат ва бошқа экинлар учун туманга 38,6 млн. метр куб сув лимити ажратилган, шундан, 30,5 млн. метр куб сув лимити қишлоқ хўжалиги экинларини суғориш учун ажратилган ва ҳудудлар ҳамда сув истеъмолчилари кесимида тасдиқланган.

Туманда 2025-2026 йиллар кузги-қишки суғориш (вегетация) даври учун ажратилган сув олиш лимитларини тасдиқлаш тўғрисида туман «Сув етказиб бериш хизмати» Давлат муассасаси (Р. Хўжамқулов)нинг ахборотини эшитиб, Халқ депутатлари туман Кенгаши, қарор қилади:

1. Туманда 2025-2026 йиллар кузги-қишки суғориш (вегетация) даври учун ажратилган сув олиш лимитларини тасдиқлаш тўғрисида туман «Сув етказиб бериш хизмати» Давлат муассасаси (Р. Хўжамқулов)нинг ахбороти маълумот учун қабул қилинсин.

2. Туманда 2025-2026 йиллар кузги-қишки суғориш даври учун умумий ажратилган сув олиш лимитларин 38,6 млн. метр куб, шундан, қишлоқ хўжалиги экинларини суғориш учун 30,5 млн. метр куб ҳажмида тасдиқлансин.

3. Туманда 2025-2026 йиллар кузги-қишки суғориш даври учун истеъмолчилар кесимида ажратилиши режалаштирилган сув лимити иловага асосан тасдиқлансин.

4. Туман «Сув етказиб бериш хизмати» Давлат муассасаси (Р. Хўжамқуловга)га: туманда белгиланган лимитлар асосида истеъмолчиларга ўз вақтида сув етказиб бериш чораларини кўриш;

ҳудудга беркитилган мироблар, ўзига бириктирилган ҳудудда сувнинг ҳисоби ва ҳисоботини юритиш;

истеъмолчилар кесимида истеъмол қилинган сув ҳажми тўғрисидаги маълумотларни солиқ органларига тақдим этиб бориш;

сув истеъмолчиларининг буюртманомаси асосида бошқа сув хўжалиги хизматларини ўз вақтида кўрсатиб бориш вазифаси юклатилсин.

5. Мазкур қарор ижросини назорат қилиш Халқ депутатлари туман Кенгашнинг «Аграр, сув хўжалиги ва экология масалалари бўйича» доимий комиссияси (Б. Абралов) ҳамда туман ҳокимининг ўринбосари С. Тулепов зиммасига юклатилсин.