Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини шакллантириш ҳамда сув ресурсларидан фойдаланиш самарадорлигини ошириш тўғрисида»ги ПҚ-5-сонли қарори ҳамда Ўзбекистон Республикаси Вазирлар Маҳкамасининг 2013 йил 19 мартдаги 82-сонли қарори ижросини таъминлаш мақсадида ҳамда Косон тумани сув етказиб бериш хизмати давлат муассасаси томонидан ноўсув даври учун якуний истеъмолчилар кесимида экинларни суғориш учун сув олиш сув миқдорларини ҳудудлар бўйича тасдиқланган лимит доирасида ишлаб чиқилган таклифлари бўйича ахборотини тинглаб, Халқ депутатлари Косон туман Кенгашидаги Ўзбекистон Экологик партияси депутатлик гуруҳи ҳамда Кенгашнинг аграр, сув хўжалиги ва экология масалалари бўйича доимий комиссияси баёнларини муҳокама қилиб, Ўзбекистон Республикаси «Маҳаллий Давлат ҳокимияти тўғрисида»ги Қонунининг 6- ва 24-моддаларига асосан халқ депутатлари туман Кенгаши қарор қилди:

1. Халқ депутатлари Косон туман Кенгашидаги Ўзбекистон Экологик партияси депутатлик гуруҳи ва Кенгашнинг аграр, сув хўжалиги ва экология масалалари бўйича доимий комиссияси баёнлари ҳамда Косон тумани сув етказиб бериш хизмати давлат муассасаси директори Э.Сайфиловнинг Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини шакллантириш ҳамда сув ресурсларидан фойдаланиш самарадорлигини ошириш тўғрисида»ги ПҚ-5-сонли қарори ижроси юзасидан ахбороти маълумот учун қабул қилинсин.

2. Косон тумани сув етказиб бериш хизмати давлат муассасасининг Косон туман истемолчиларга 2025-2026 йилларда кузги - қишки даврда ажратиладиган сув миқдори (лимит)лари бўйича таклифи иловага мувофиқ маъқуллансин.

3. Туман сув етказиб бериш хизмати давлат муассасаси (Э.Сайфилов) ва туман қишлоқ хўжалиги бўлимига белгиланган вазифалар ижроси юзасидан амалга оширилган ишлар тўғрисида ҳар ярим йилда халқ депутатлари туман Кенгашига ҳисобот бериш вазифаси юклатилсин.

4. Ушбу қарор қабул қилиниши муносабати билан Халқ депутатлари туман Кенгашининг 2024 йил 16 октябрдаги VI-108-203-4-60-К/24-сонли қарори кучини йўқотган деб ҳисоблансин.

5. Мазкур қарор ижросини таъминлаш туман ҳокимининг қишлоқ ва сув хўжалиги масалалари бўйича ўринбосари (Т.Маматқулов)га ҳамда қарорнинг ижросини назорат қилиш Кенгашнинг аграр, сув хўжалиги ва экология масалалари бўйича доимий комиссияси(Ў.Равшанов) зиммасига юклатилсин.

6. Ушбу қарор қабул қилинган кундан кучга киради.