Oʻzbekiston Respublikasi Prezidentining “Xususiy tadbirkorlik kichik biznesni rivojlantirishni yanada ragʻbatlantirish chora-tadbirlari toʻgʻrisida” 1998-yil 9-apreldagi PF-1987-son Farmonini bajarish yuzasidan hamda Oʻzbekiston Tovar ishlab chiqaruvchilar va tadbirkorlar palatasi faoliyatini tashkil etish darajasini oshirish maqsadida Vazirlar Mahkamasi qaror qiladi:

1. Quyidagilarga:

Oʻzbekiston Tovar ishlab chiqaruvchilar va tadbirkorlar palatasining tashkiliy tuzilmasiga 1-ilovaga muvofiq;

Oʻzbekiston Tovar ishlab chiqaruvchilar va tadbirkorlar palatasi boshqaruvining ijro etuvchi apparati tuzilmasiga 2, 2a-ilovalarga muvofiq va uning xodimlari cheklangan sonining 45 nafardan iborat boʻlishiga (xizmat koʻrsatuvchi xodimlardan tashqari);

hududiy va tuman (shahar) palatalarining namunaviy tuzilmalariga 3, 4-ilovalarga muvofiq rozilik berilsin.

2. Maʼlumot uchun qabul qilinsinki:

Oʻzbekiston Tovar ishlab chiqaruvchilar palatasini boshqarishning yuqori organi sifatidagi tovar ishlab chiqaruvchilar va tadbirkorlar palatalarining vakolatli vakillari Syezdi majlislari orasidagi davrda Palata faoliyatiga rahbarlikni Palata Markaziy Kengashi, uning qarorlarini joriy bajarishni esa — Palata boshqaruvi amalga oshiradi;

Oʻzbekiston Tovar ishlab chiqaruvchilar va tadbirkorlar palatasi Markaziy Kengashi tarkibiga Qoraqalpogʻiston Respublikasi, viloyatlar va Toshkent shahar Tovar ishlab chiqaruvchilar va tadbirkorlar palatalarining raislari, “Oʻztadbirkorbank” boshqaruvi raisi, kichik biznes korxonalarini xorijiy kredit liniyalari va budjetdan tashqari fondlar hisobiga kreditlashni amalga oshiruvchi boshqa tijorat banklari raislari, “Madad” sugʻurta agentligi, Respublika biznes-inkubatori rahbarlari, shuningdek tadbirkorlar orasida yuqori nufuzga ega boʻlgan korxonalar va tashkilotlarning Palata Syezdi tomonidan saylangan rahbarlari kiradilar;

Qoraqalpogʻiston Respublikasi, viloyatlar va Toshkent shahar Tovar ishlab chiqaruvchilar va tadbirkorlar palatasi Kengashi tarkibiga Tovar ishlab chiqaruvchilar va tadbirkorlar tuman palatalari raislari, tijorat banklari viloyat boʻlinmalari hamda kichik biznes korxonalariga xizmat koʻrsatuvchi sugʻurta tashkilotlarining rahbarlari, “Savdo”, “Maishiy xizmat”, “Mahalliy sanoat” hududiy birlashmalarining, shuningdek mintaqa boshqa tarmoqlari korxonalarining muassislar konferensiyasida saylanadigan rahbarlari kiradilar;

Oʻztadbirkorbank” boshqaruvi raisi lavozimiga koʻra Oʻzbekiston Tovar ishlab chiqaruvchilar va tadbirkorlar palatasi raisining oʻrinbosari hisoblanadi, “Oʻztadbirkorbank” viloyat boʻlimlarining boshliqlari esa — Tovar ishlab chiqaruvchilar va tadbirkorlar hududiy palatasi boshqaruvi raisining oʻrinbosarlari hisoblanadilar.

3. Oʻzbekiston Tovar ishlab chiqaruvchilar va tadbirkorlar palatasi raisi moddiy-maishiy taʼminot, tibbiy va transport xizmati koʻrsatish shart-sharoitlariga koʻra vazirga, Palata raisining birinchi oʻrinbosari vazirning birinchi oʻrinbosariga tenglashtirilsin.

4. Oʻzbekiston Tovar ishlab chiqaruvchilar va tadbirkorlar palatasiga Oʻzbekiston Tovar ishlab chiqaruvchilar va tadbirkorlar palatasi Kengashi toʻgʻrisidagi nizomni bir oy muddatda ishlab chiqish va belgilangan tartibda tasdiqlash tavsiya etilsin.

5. Oʻzbekiston Tovar ishlab chiqaruvchilar va tadbirkorlar palatasi va Oʻzbekiston Respublikasi Davlat mulki qoʻmitasining Tovar ishlab chiqaruvchilar va tadbirkorlarni qoʻllab-quvvatlash fondini tugatish va u bajarayotgan funksiyalarni, mablagʻlar va mol-mulkni (ustav kapitalini koʻpaytirish uchun) Xususiy tadbirkorlik va kichik biznesni qoʻllab-quvvatlash fondi (Biznes-fond)ga berish hamda aksiyalarning tegishli miqdorini nominal qiymati boʻyicha Oʻzbekiston Tovar ishlab chiqaruvchilar va tadbirkorlar palatasiga birkitib qoʻyish toʻgʻrisidagi taklifi qabul qilinsin.

Oʻzbekiston Tovar ishlab chiqaruvchilar va tadbirkorlar palatasi, Biznes-fond, Oʻzbekiston Respublikasi Moliya vazirligi, Adliya vazirligi ikki hafta muddatda Biznes-fond ustaviga tegishli oʻzgartirishlar va qoʻshimchalar kiritsinlar.

6. Belgilansinki, Tovar ishlab chiqaruvchilar va tadbirkorlar palatasi aʼzolari boʻlgan korxonalar faoliyatini tekshirish xoʻjalik yurituvchi subyektlar faoliyatining davlat nazorati toʻgʻrisidagi qonun hujjatlari talablariga muvofiq Palata va uning hududiy tuzilmalari vakillari ishtirokida amalga oshirilishi mumkin.

7. Tovar ishlab chiqaruvchilar va tadbirkorlar palatasi Oʻzbekiston Respublikasi Oliy Majlisi materiallari, Prezident farmonlari, Vazirlar Mahkamasining qarorlari va farmoyishlari, shuningdek Makroiqtisodiyot va statistika vazirligi maʼlumotlari yuborilishi majburiy boʻlgan tashkilotlar roʻyxatiga kiritilsin.

8. Oʻzbekiston Respublikasi Davlat mulki qoʻmitasi:

Oʻzbekiston Tovar ishlab chiqaruvchilar va tadbirkorlar palatasiga “Oʻztadbirkorbankning 26 mln soʻm miqdoridagi aksiyalar paketini tekin bersin;

Toshkent shahar, Buxoro koʻchasi, 6-uydagi binoni unda Oʻzbekiston Tovar ishlab chiqaruvchilar va tadbirkorlar palatasining ijro etuvchi organlarini, u tomonidan taʼsis etilgan boshqa tashkilotlarni va Oʻzbekiston Ishbilarmon ayollar uyushmasini joylashtirish maqsadida Oʻzbekiston Tovar ishlab chiqaruvchilar va tadbirkorlar palatasi balansiga foydalanish uchun tekin bersin;

Toshkent shahar hokimligi bilan birgalikda koʻrsatib oʻtilgan manzildagi tuzilmalarni joylashtirish uchun binolar berish chora-tadbirlarini koʻrsin.

9. Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari Palata, “Madad” sugʻurta agentligi hududiy tuzilmalarini joylashtirish, shuningdek kichik biznes korxonalari tomonidan ishlab chiqarilayotgan tovarlar va mahsulotlarning doimiy ishlovchi koʻrgazmalarini tashkil etishda Oʻzbekiston Tovar ishlab chiqaruvchilar va tadbirkorlar palatasiga koʻmaklashsinlar.

10. Vazirlar Mahkamasining “Oʻzbekiston Tovar ishlab chiqaruvchilar va tadbirkorlar palatasi faoliyati masalalari toʻgʻrisida” 1996-yil 30-martdagi 125-son qarori 1-bandining 1-xatboshi, 2-bandining 1-xatboshi, 4-bandining 5-xatboshi, 5-bandining 2-xatboshi, 6-bandining 4-xatboshi, 7-bandi;

Vazirlar Mahkamasining “Tovar ishlab chiqaruvchilar va tadbirkorlarni qoʻllab-quvvatlash fondi toʻgʻrisidagi nizomni va uning mablagʻlaridan foydalanish tartibini tasdiqlash haqida” 1996-yil 7-iyundagi 215-son qarori oʻz kuchini yoʻqotgan deb hisoblansin.

11. Mazkur qarorning bajarilishini nazorat qilish Bosh vazirning oʻrinbosari V. A. Chjen zimmasiga yuklansin.

Hududiy boʻlinmalar faoliyatini muvofiqlashtirish boshqarmasi

Bozor infratuzilmalarini rivojlantirish boshqarmasi

Kichik biznes uchun kadrlar tayyorlashni muvofiqlashtirish boʻlimi

Marketing, axborot va reklama boshqarmasi

Xorijiy investitsiyalarni jalb qilish va ularning monitoringi boshqarmasi

Biznes-rejalarni, texnik iqtisodiy asoslashlarni ishlab chiqish va ekspertizadan oʻtkazish boshqarmasi

Tashqi iqtisodiy aloqalar boʻlimi

Moliya, hisob va hisobot boshqarmasi

Yuridik xizmat

Konsalting va audit boshqarmasi