Ўзбекистон Республикаси Президентининг 2024 йил 5 январдаги «Қуйи бўғинида сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сонли қарорининг ижросини таъминлаш мақсадида ҳамда Зарафшон Ирригация тизимлари ҳавза бошқармасининг 2025 йил 2 сентябрдаги 02-04/1214-сонли хати ва Оқдарё тумани «Сув етказиб бериш хизмати» давлат муассасасининг 2025 йил 2 сентябрдаги 05-180-сонли хатини инобатга олиниб, Ўзбекистон Республикаси «Маҳаллий давлат ҳокимияти тўғрисида»ги Қонунининг 6- ва 24-моддаларига мувофиқ халқ депутатлари Оқдарё тумани Кенгашининг еттинчи чақириқ ўн саккизинчи сессияси қарор қилади:

1. Зарафшон Ирригация тизимлари ҳавза бошқармасининг 2025 йил 2 сентябрдаги 02-04/1214-сонли хати ва Оқдарё тумани «Сув етказиб бериш хизмати» давлат муассасасининг 2025 йил 2 сентябрдаги 05-180-сонли хати маълумот учун қабул қилинсин.

2. Оқдарё тумани «Сув етказиб бериш хизмати» давлат муассасаси директори О.Абдусаматовнинг Оқдарё туманидаги қишлоқ хўжалиги сув истеъмолчиларининг 2025-2026 йил новегетация даврида ажратилган сув лимити тўғрисидаги таклифи маъқуллансин ва 1-иловага мувофиқ тасдиқлансин.

3. Оқдарё тумани «Сув етказиб бериш хизмати» давлат муассасаси директори О.Абдусаматовга:

Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сонли қарори асосида ишларни ташкил этиш;

белгиланган лимитлар асосида истеъмолчиларга сув етказиб бериш;

ўзига бириктирилган ҳудудда сувнинг ҳисоби ва ҳисоботини юритиш;

суғориш тармоқлари ва улардаги агротехник иншоотларни соз ҳолатда сақлаш, таъмирлаш-тиклаш тадбирларини амалга ошириш;

сув олиш жойларини сувни бошқариш ва ҳисобга олиш воситалари билан жиҳозлаш, сув мониторинги, ҳисоби ва ҳисоботи юритилишини рақамлаштириш;

истеъмолчилар кесимида истеъмол қилинган сув ҳажми тўғрисидаги маълумотларни солиқ органларига ўз вақтида тақдим этиб бориш;

сув истеъмолчиларининг буюртмаси асосида бошқа сув хўжалиги хизматларини кўрсатиш;

амалга оширилган ишлар юзасидан халқ депутатлари туман Кенгашига ҳар чорак якуни билан ҳисоботларни тақдим этиш вазифалари юклатилсин.

4. Мазкур қарор ҳуқуқий экспертизадан ўтказиш учун туман адлия бўлимига киритилсин.

5. Ушбу қарорнинг ижросини назорат қилиш халқ депутатлари туман Кенгашининг Аграр, сув хўжалиги ва экология масалалари бўйича доимий комиссияси (Р.Хусанов) ҳамда туман ҳокимининг қишлоқ ва сув хўжалиги масалалари бўйича ўринбосари (О.Шодмонов) зиммасига юклатилсин.