Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш тўғрисида»ги 5-сонли Қарорига асосан туман ирригация бўлимлари ҳамда махсус хизматлари негизида «Сув етказиб бериш хизмати» давлат муассасалари ташкил этилганлиги ва уларнинг вазифалари белгилаб берилганлини билдирди.

Шунингдек, ушбу қарорда сув хўжалиги ташкилотларига қишлоқ хўжалиги маҳсулотларини ишлаб чиқарувчиларига ҳар йили 1 апрелга қадар вегетация даври учун ва 1 октябрга қадар куз-қиш даври учун якуний истеъмолчилар кесимида экинларни суғориш учун сув олиш лимитларини ҳудудлар бўйича тасдиқлаш учун туман халқ депутатлари Кенгашига киритиш топширилганлигини ва шунга мувофиқ, Янгиариқ тумани сув етказиб бериш хизмати давлат муассасаси томонидан 2025 йилнинг суғориш мавсуми учун истеъмолчиларнинг сув манбалари ва иқтисодиёт тармоқлари бўйича сув олиш лимитлари ишлаб чиқилганлигини айтди.

Кун тартибидаги масала юзасидан йиғилиш қатнашчилари ўз фикр ва мулоҳазаларини билдирдилар ҳамда сув ресурсларини ўз вақтида истеъмолчиларга етказиш, улардан мақсадли ва самарали фойдаланишни ташкил қилиш мақсадида йиғилиш қарор қилади:

1. Янгиариқ тумани сув етказиб бериш хизмати давлат муассасасининг сув манбалари, иқтисодиёт тармоқлари ҳамда ҳудудлар бўйича 2025 йилнинг куз-қиш суғориш даври учун чекланган сув миқдори (лимит) 1- ва 2- иловаларга мувофиқ тасдиқлансин.

2. Туман ҳокимининг қишлоқ ва сув хўжалиги масалалари бўйича ўринбосари Э.Худайберганов ва туман сув етказиб бериш хизмати давлат муассасаси директори Н.Отажановга:

сув манбалари, иқтисодиёт тармоқлари ва ҳудудлар бўйича ишлаб чиқилган сув олиш лимитларини барча сув истеъмолчиларига етказсин;

сув истеъмолчилари билан уларга ажратилган сув олиш лимитлари доирасида сувдан фойдаланиш ёки сув истеъмоли тўғрисидаги шартномаларни тузилишини ҳамда уларни белгиланган тартибда рўйхатдан ўтказилишини таъминласин;

3. Янгиариқ тумани «Сув етказиб бериш хизмати» давлат муассасаси директори Н.Отажановга;

сувдан мақсадли ва самарали фойдаланиш бўйича ўқув семинарлари ва тушунтириш ишларини олиб бориш вазифаси юклатилсин.

4. Мазкур қарор «Янгиариқ овози» газетаси ва туман ҳокимлигининг расмий веб-сайтида эълон қилинсин.

5. Ушбу қарорнинг ижросини таъминлаш халқ депутатлари туман Кенгашининг аграр, сув хўжалиги ва экология масалалари бўйича доимий комиссияси раиси А.Аллаберганов зиммаларига юклансин.