Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сонли қарорининг ижросини таъминлаш мақсадида, Ўзбекистон Республикаси «Маҳаллий давлат ҳокимяти тўғрисда»ги Қонунининг 6 ва 24-моддаларига асосан Халқ депутатлари Нишон туман Кенгаши қарор қилади:

1.Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сонли қарори ижро учун қабул қилинсин.

2.Нишон туман «Сув етказиб бериш хизмати» давлат муассасаси директори Й.Худойбердиевнинг Нишон тумани бўйича 2025-2026 йил ноусув даври учун қишлоқ хўжалиги экинларини суғоришга ҳамда жами ажратилган чекланган сув миқдорини тасдиқлаш тўғрисидаги таклифи маъқуллансин ҳамда Нишон тумани ҳудудларига Қарши магистрал канали ва Миришкор магистрал каналидан 2025-2026 йилларда ноусув даврида қишлоқ хўжалик экинларини суғоришга ажратилган сув лимити 1-иловага;

Нишон туманидаги қишлоқ хўжалиги ишлаб чиқарувчилари ва бошқа истеъмолчиларга Қарши магистрал канали ва Миришкор магистрал каналидан 2025-2026 йилларнинг ноусув даврида суғоришга ҳамда жами ажратилган чекланган сув миқдори 2-иловага мувофиқ тасдиқлансин.

3.Туман ҳокимининг қишлоқ ва сув хўжалиги масалалари бўйича ўринбосари - қишлоқ хўжалиги бўлими бошлиғи М.Шеролиев, Нишон туман «Сув етказиб бериш хизмати» давлат муассасаси директори Й.Худойбердиев билан биргаликда:

Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сонли қарори асосида ишларни ташкил этиш;

белгиланган лимитлар асосида истеъмолчиларга сув етказиб бериш;

ўзига бириктирилган ҳудудда сувнинг ҳисоби ва ҳисоботини юритиш;

суғориш тармоқлари ва улардаги гидротехник иншоотларни соз ҳолатда сақлаш, таъмирлаш-тиклаш тадбирларини амалга ошириш;

сув олиш жойларини сувни бошқариш ва ҳисобга олиш воситалари билан жиҳозлаш, сув монитиринги, ҳисоби ва ҳисоботи юритилишини рақамлаштириш;

истеъмолчилар кесимида истеъмол қилинган сув ҳажми тўғрисидаги маълумотларни солиқ органларига тақдим этиб бориш;

сув истеъмолчиларининг буюртманомаси асосида бошқа сув ҳўжалиги хизматларини кўрсатиш;

амалга оширилган ишлар юзасидан халқ депутатлари туман кенгашига ҳисоботларни ўз вақтида бериб бориш вазифалари юклатислсин.

4.Мазкур қарорнинг ижросини назорат қилиш халқ депутатлари туман кенгашининг Аграр, сув хўжалиги ва экология масалалари бўйича доимий комиссияси раиси Н.Хаккулов ҳамда туман ҳокимининг қишлоқ ва сув хўжалиги масалалари бўйича ўринбосари, қишлоқ хўжалиги бўлими бошлиғи М.Шеролиев зиммасига юклансин.