Марҳамат туман «Сув етказиб бериш хизмати» давлат муассасаси томонидан тақдим этилган Марҳамат туманида 2025-2026 йиллар куз-қиш даври учун якуний истеъмолчилар кесимида экинларни суғориш учун сув олиш лимитларини ҳудудлар бўйича тасдиқланган лимит доирасида ишлаб чиқилган сув олиш лимитлари тўғрисидаги таклифларни кўриб чиқиб, Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш сармарадорлигини ошириш чора-тадбирлари тўғрисида»ги ПҚ-5-сон Қарорининг ижросини таъминлаш мақсадида, Ўзбекистон Республикаси «Маҳаллий давлат ҳокимияти тўғрисида»ги Қонунининг 6, 24-моддаларига асосан халқ депутатлари Марҳамат туман Кенгаши қарор қилади:

1. Марҳамат туман «Сув етказиб бериш хизмати» давлат муассасаси томонидан тақдим этилган Марҳамат туманида 2025-2026 йиллар куз-қиш даври учун якуний истеъмолчилар кесимида экинларни суғориш учун сув олиш лимитларини ҳудудлар бўйича тасдиқланган лимит доирасида ишлаб чиқилган сув олиш лимитлари тўғрисидаги таклифлари маълумот учун қабул қилинсин.

2. Марҳамат туман «Сув етказиб бериш хизмати» давлат муассасасининг туманда 2025-2026 йиллар куз-қиш даври учун якуний истеъмолчилар кесимида экинларни суғориш учун сув олиш лимитларини ҳудудлар бўйича тасдиқланган лимит доирасида ишлаб чиқилган сув олиш лимитлари тўғрисидаги таклифи маъқуллансин ва 1-2-3-4-5-иловаларга мувофиқ тасдиқлансин.

3. Марҳамат тумани «Сув етказиб бериш хизмати» давлат муассасаси (С.Жўрабеков)га:

Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлар тўғрисида»ги ПҚ-5-сон Қарори талабларига қатъий риоя қилиш;

иловада кўрсатилган сув лимитларини ўз вақтида ва сифатли ҳолатда етказиб бериш;

ўзига бириктирилган ҳудудда сувнинг ҳисоби ва ҳисоботини юритиш;

суғориш тармоқлари ва улардаги гидротехник иншоотларни соз ҳолатда сақлаш, таъмирлаш-тиклаш тадбирларини амалга ошириш;

сув олиш жойларини сувни бошқариш ва ҳисобга олиш воситалари билан жиҳозлаш, сув мониторинги, ҳисоби ва ҳисоботи юритилишини рақамлаштириш;

истеъмолчилар кесимида истеъмол қилинган сув ҳажми тўғрисидаги маълумотларни солиқ органларига тақдим этиб бориш;

сув истеъмолчиларининг буюртманомаси асосида бошқа сув хўжалиги хизматларини кўрсатиш;

амалга оширилаётган ишлар тўғрисида ҳар ярим йилда халқ депутатлари туман Кенгашига ахборот киритиш юклатилсин.

4. Мазкур қарор ижросининг назорати халқ депутатлари Марҳамат тумани Кенгаши Аграр ва сув хўжалиги, экология масалалари бўйича доимий комиссияси (М.Эргашев) ҳамда туман ҳокимининг қишлоқ ва сув хўжалиги масалалари бўйича ўринбосари А.Мухторов зиммаларига юклатилсин.