Ўзбекистон Республикаси Президентининг 2024 йил 5 январь кунги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5-сонли қарори ва Ўзбекистон Республикаси Сув хўжалиги вазирлигининг 2024 йил 4 ноябрдаги туманлар кесимида лимитларни қайта тақсимлаш тўғрисидаги 01/07-243-сонли йиғилиш баёнига асосан Амударё туман Сув етказиб бериш хизмати давлат муассасаси директорининг «Амударё тумани бўйича сув истеъмолчиларига ўрнатилган чекланган сув миқдори (лимит)ни тасдиқлаш тўғрисида»ги ҳисиботини тинглаб ва муҳокама қилиб Ўзбекистон Республикасининг «Маҳаллий давлат ҳокимяти тўғрисида»ги Қонунининг 6- ва 24-моддаларига асосан халқ депутатлари Амударё тумани Кенгаши қарор қилади:

1. Амударё туман Сув етказиб бериш хизмати давлат муассасаси директорининг «Амударё тумани бўйича сув истеъмолчиларига ўрнатилган чекланган сув миқдори (лимит)ни тасдиқлаш тўғрисида»ги ҳисиботи маълумот учун қабул қилинсин.

2.Халқ депутатлари Амударё туман Кенгашининг 2024 йил 13 сентябрдаги «Амударё тумани бўйича 2024 йилнинг суғориш мавсуми учун сув истеъмолчиларига ўрнатиладиган чекланган сув миқдори (лимит)ни тасдиқлаш тўғрисида»ги VI-80-118-13-181-К/24-сонли қарорининг 1-иловасига ўзгартиришлар киритилиши сабабли мазкур қарор иловаси унга киритилган ўзгартиришлар билан 1-иловага мувофиқ қайта тасдиқлансин.

3. Ушбу қарорнинг ижросини назорат қилиш туман Кенгашининг Аграр, сув хўжалиги ва экология масалалари бўйича доимий комиссияси зиммасига юклатилсин.

4. Ушбу қарор қабул қилинган кундан кучга киради.