Ёзёвон туман ҳокими ҳузуридаги Географик объектларни номлаш ва қайта номлаш масалалари бўйича худудий камиссиянинг 2023 йил 10 августдаги бўлиб ўтган йиғилишида кўриб чиқилган масалага асосан туманда 2 та зиёратгоҳ, 3 та қабристон ҳамда 107 та кўчаларни номи Давлат экспертизасидан қонун ҳужжатлари талабларига мувофиқ деб топилганлиги аниқланди ва улар Ўзбекистон Республикаси Давлат солиқ қўмитаси ҳузуридаги кадастр агентлиги давлат реэстрига киритилиши кераклиги маълум бўлди. Ушбу масалани туман ҳокимлиги ҳузуридаги комиссия қайта кўриб чиқиши ва муҳокама қилиши ҳамда Ўзбекистон Республикаси Давлат солиқ қўмитаси ҳузуридаги кадастр агентлигидан экспертизадан ўтказиб беришида амалий ёрдам сўралганлиги таъкидлаб ўтилди.

Шу муносабат билан мазкур масала туман ҳокимлиги ҳузуридаги комиссия иштирикида қайта кўриб чиқилди ва муҳокама қилинди, ҳамда иловага мувофиқ тақдим қилинган 2 та зиёратгоҳ, 3 та қабристон ҳамда 107 та кўчаларни номи комиссия аъзолари томонидан қўллаб-қувватланди.

Ўзбекистон Республикасининг «Географик объектларнинг номлари тўғрисида»ги Қонунига ва Ўзбекистон Республикаси Вазирлар Маҳкамасининг 2012 йил 16 октябрдаги «Географик объектларнинг номларини тартибга солиш чора-тадбирлари тўғрисида»ги 295-сонли Қарорига мувофиқ ҳамда Географик объектларни номлаш ва қайта номлаш масалалари бўйича туман ҳудудий комиссиясининг 2025 йил 10 августдаги № 01-19/50-сонли баёнида келтирилган таклифларни инобатга олган ҳолда Халқ депутатлари Ёзёвон туман Кенгаши қарор қилади:

1.Ёзёвон туман ҳокими ҳузуридаги Географик объектларни номлаш ва қайта номлаш масалалари бўйича ҳудудий камиссиянинг 2025 йил 10 авгуатдаги бўлиб ўтган № 01-19/50 сонли йиғилиш баёни ижро учун қабул қилинсин.

2.Тумандаги 2 та зиёратгоҳлар номи 1-иловага мувофиқ тасдиқлансин.

3.Тумандаги 3 та қабристонлар номи 2-иловага мувофиқ тасдиқлансин.

4. Тумандаги 107 та кўчалар номи 3-иловага мувофиқ тасдиқлансин.

5. Ўзбекистон Республикаси Давлат солиқ қўмитаси ҳузуридаги кадастр агентлиги туман филиали раҳбари Н.Имоматовга:

- мазкур 2 та зиёратгоҳ, 3 та қабристон ҳамда 107 та кўчаларни номини ўрнатилган тартибда Ўзбекистон Республикаси Давлат реэстрига рўйҳатдан ўтказилишини таъминласин.

6. Қарор ижросини таъминлаш учун туман ҳокимининг маслаҳатчиси Н.Обидова масъул этиб белгилансин.

7. Мазкур қарор назорати Аграр, сув хўжалиги ва экология масалалари бўйича доимий комиссия раиси Б.Юсупов ҳамда ижроси туман ҳокимининг ўринбосари Д.Бекмирзаевлар зиммасига юклатилсин.