Ўзбекистон Республикасининг 2018 йил 8 январдаги «Маъмурий тартиб-таомиллар тўғрисида»ги ЎРҚ-457-сонли Қонуннинг 59-моддасига, Ўзбекистон Республикаси Сув хўжалиги вазирлигининг 2025 йил 20 майдаги 01/23-128-сонли йиғилиш баёнига мувофиқ Тўрткўл тумани «Сув етказиб бериш хизмати» давлат муассасаси директори М.Ибадуллаевнинг 2025 йил 22 июлдаги 01/06-63-сонли хатини инобатга олиб, Ўзбекистон Республикасининг «Маҳаллий давлат ҳокимияти тўғрисида»ги Қонунининг 6 ва 24-моддаларига асосан халқ депутатлари Тўрткўл тумани Кенгаши қарор қилади:

1. Ўзбекистон Республикаси Сув хўжалиги вазирлигининг 2025 йил 20 майдаги 01/23-128-сонли йиғилиш баёнига, Қорақалпоғистон Республикаси Сув хўжалиги вазирлигининг 2025 йил 29 майдаги 129-сонли буйруғига асосан Тўрткўл тумани «Сув етказиб бериш хизмати» давлат муассасаси директори М.Ибадуллаевнинг 2025 йил 2 августдаги 01/06-63-сонли хати инобатга олинсин.

2. Халқ депутатлари Тўрткўл туман Кенгашининг 2024 йил 30 сентябрдаги VI-88-151-13-190-К/24-сонли «Тўрткўл тумани бўйича 2024-2025 йиллар куз-қиш даври учун сув олиш лимитларини тасдиқлаш тўғрисида»ги қарорининг 1,2,3-иловаларига ушбу қарор иловасига мувофиқ ўзгартириш киритилсин.

3. Мазкур қарор ижросини назорати қилиш халқ депутатлари Тўрткўл тумани Кенгашининг Аграр, сув хўжалиги ва экология масалалари бўйича доимий комиссияси (Ш.Киличов) зиммасига юклатилсин.

4. Ушбу қарор расмий эълон қилинган кундан кучга киради.