Ўзбекистон Республикаси Бюджет кодексининг 144- ва 148-моддаларига асосан, Ўзбекистон Республикаси Президентининг 2024 йил 25 декабрдаги ПҚ-455-сонли қарори, Вазирлар Маҳкамасида ўтказилган муҳокама йиғилишининг 6-баёни ҳамда Иқтисодиёт ва молия вазирлигининг 2024 йил 10 январь кунидаги 23-4-сонли буйруғи ижросини таъминлаш мақсадида бюджет ташкилотларида ишловчи ишчи ходимларнинг иш ҳақи ва бошқа тўловларни ўз вақтида узлуксиз молиялаштириш мақсадида бюджет ташкилотларнинг 2025 йил харажатлар сметасига қуйидаги ўзгартиришлар киритиш мақсадида ҳамда "Маҳаллий давлат ҳокимияти тўғрисида"ги Ўзбекистон Республикаси Қонунининг 6- ва 24-моддаларига асосан, Халқ депутатлари Миришкор туман Кенгаши қарор қилади:

1. Миришкор тумани бюджет ташкилотларида ишловчи ходимларнинг 2025 йил давомида иш ҳақи ва унга тенглаштирилган бошқа тўловларни муддатида узлуксиз молиялаштирилишини таъминлаш мақсадида Ўзбекистон Республикаси Президентининг 2024 йил 25 декабрдаги ПҚ-455-сонли қарори, Вазирлар Маҳкамасида ўтказилган муҳокама йиғилишининг 6-баёни ҳамда Ўзбекистон Республикаси Иқтисодиёт ва молия вазирлигининг 2025 йил 10 январь кунидаги 23-4-сонли буйруғи ижросини таъминлаш мақсадида бюджет ташкилотларининг 2025 йил учун тасдиқланган харажатлари ёйилмасига ўзгартириш киритиш иловага асосан тасдиқлансин ҳамда Қашқадарё вилояти Иқтисодиёт ва Молия бош бошқармасининг руҳсати билан амалга ошириш ҳамда туман маҳаллий бюджет харажатларидан 2025 йилнинг ўтган даврида 2824.1 млн.сўм мақбуллаштирилганлиги ва ушбу мақбуллаштирилган 2824.1 млн сўм маблағни туман маҳаллий бюджетдан маблағ олувчи ташкилотларнинг 1-2-4-даражали тўловлардан етишмаётган қисмини қоплаш мақсадида йўналтириш учун рухсат берилсин.

2. Ажратилган ва иқтисод қилинган маблағларни бюджет ташкилотларнинг алоқа хатига асосан ажратилсин. Ажратилган маблағлардан самарали ва мақсадли фойдаланиш қарорнинг иловасида кўрсатилган ташкилотлар раҳбарлари ва бош ҳисобчилари зиммасига юклатилсин.

3. Иқтисодиёт ва молия бўлими (А. Шукуров)га;

Бюджет ташкилотлари харажатлар ёйилмасига киритилган ўзгаришларни тегишли тартибда Иқтисодиёт ва молия бўлимидан рўйхатдан ўтказиш вазифаси топширилсин.

4. Мазкур қарорнинг ижросини назорат қилиш Халқ депутатлари Миришкор туман Кенгашининг маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссияси (А. Сариқов) зиммасига юклатилсин.

5. Мазкур қарор қабул қилинган кундан бошлаб кучга киради.