Ўзбекистон Республикаси «Маҳаллий давлат ҳокимяти тўғрисида»ги Қонунининг 24-моддасига, Ўзбекистон Республикаси Бюджет Кодексининг 27 ва 147-моддалари ҳамда Ўзбекистон Республикаси Президентининг 2017 йил 13 декабрдаги ПФ-5283-сонли «Маҳаллий давлат ҳокимяти органларининг молиявий эркинлигини ошириш, маҳаллий бюджетларга тушумларнинг тўлиқлигини таъминлаш бўйича солиқ ва молия органлари жавобгарлигини кучайтиришга оид қўшмча чора-тадбирлар тўғрисида»ги қарорига асосан халқ депутатлари туман Кенгаши қарор қилади:

1. Бўстон тумани иқтисодиёт ва молия бўлими бошлиғи ўринбосари И. Хожакбаровнинг Халқ депутатлари Бўстон тумани Кенгаши 2024 йил 27 декабрдаги «2025 йил учун Бўстон тумани маҳаллий бюджетини тасдиқлаш тўрғрисида»ги VII-3-013-1-19-K/24-сонли қарори ижроси жараёнида Ўзбекистон Республикаси Вазирлар Маҳкамасининг 2025 йил 27 февраль кунги «Ҳудудларда 2025 йилда тежамкорлик ва барқарорликни таъминлаш тамойили асосида бюджет маблағларидан оқилона фойдаланиш ва самарадорлигини ошириш чора тадбирлари тўғрисида»ги 03-03/1-4456-рақамли 6-сон баёни, Ўзбекистон Республикаси «2025 йил учун Ўзбекистон Республикасининг Давлат бюджети тўғрисида»ги Қонуни, Ўзбекистон Республикаси Президентининг 2024 йил 25 декабрдаги ПҚ-455-сонли қарори, ижтимоий соҳа объектлари иситиш тизимларини давлат-хусусий шериклик асосида ташкил этиш бўйича 2020 йил 29 декабрда 45-2020-сон давлат-хусусий шериклик битимига 2024 йил 6 август куни Иқтисодиёт ва молия вазирлигида 45/1-2020-реестр рақами билан рўйҳатга олинган 1-сонли қўшимча келишув, хомиладорлик ва касаллик варақалари, коммунал тўловлар, ҳаражатларни мақбуллаштириш ва бошқа ҳаражатлар бўйича 2025 йил давомида киритилган ўзгаришларни тасдиқлаш тўғрисидаги ҳисоботи маълумот учун қабул қилинсин.

2. Бюджет Кодексининг 27-ва 147-моддаларига асосан бюджет маблағларини тақсимловчиларга ажратиладиган маблағларнинг аниқланган миқдорларига 2025 йил давомида киритилган ўзгаришлар 1-2-иловаларга мувофиқ тасдиқлансин.

3. Туман маҳаллий бюджетидан маблағолувчи бюджет ташкилотларининг иш ҳақи ва унга тенглаштирилган тўловларидан бўлган етишмовчиликлар 3-иловага мувофиқ маълумот учун қабул қилинсин.

4. 2025 йил давомида мақбуллаштирилган маблағлар иш ҳақи ва унга тенглаштирилган тўловлар бўйича етишмовчиликлар учун йўналтириб борилсин.

5. Бўстон тумани иқтисодиёт ва молия бўлимига 2025 йил Бўстон тумани маҳаллий бюджети ижроси жараёнида ҳудудий бюджет маблағларини тақсимловчиларга бюджетдан ажратилган маблағлардан фойдаланиш самарадорлиги ҳамда эришилган натижалар тўғрисида ҳисобот киритсин.

6. Мазкур қарорнинг ижросини таъмилаш туман ҳокимининг биринчи ўринбосари М. Газиевга, назорат қилиш халқ депутатлари туман Кенгашининг Маҳаллий бюджет, тадбиркорликни ривожлантириш ва иқтисодий ислоҳотлар масалалари доимий комиссияси (Ш. Мамаризаев) ҳамда котибият мудири Ж. Рахмонов зиммасига юклатилсин.

7. Ушбу қарор эълон қилинган кундан эътиборан кучга киради.