Oʻzbekiston Respublikasi Vazirlar Mahkamasining 2025-yil 18-iyundagi 374-son “Toshkent davlat yuridik universiteti huzuridagi akademik litseylarning iqtidorli bitiruvchilarini “yurisprudensiya” yoʻnalishi mavjud oliy taʼlim tashkilotlariga suhbat asosida test sinovlarisiz oʻqishga qabul qilish tartibi toʻgʻrisidagi vaqtinchalik nizomni tasdiqlash haqida”gi qaroriga muvofiq buyuraman:

1. Quyidagilar oʻz kuchini yoʻqotgan deb topilsin:

Oʻzbekiston Respublikasi adliya vazirining 2021-yil 9-iyundagi 12-mh-son “Toshkent davlat yuridik universiteti qoshidagi akademik litseyning bitiruvchilarini Toshkent davlat yuridik universitetiga yakka tartibda suhbat oʻtkazish orqali oʻqishga qabul qilish tartibi toʻgʻrisida nizomni tasdiqlash haqida” buyrugʻi (roʻyxat raqami 3308, 2021-yil 9-iyun) (Qonunchilik maʼlumotlari milliy bazasi, 09.06.2021-y., 10/21/3308/0541-son);

Oʻzbekiston Respublikasi adliya vazirining 2023-yil 27-iyundagi 7-mh-son “Toshkent davlat yuridik universiteti qoshidagi akademik litseyning bitiruvchilarini Toshkent davlat yuridik universitetiga yakka tartibda suhbat oʻtkazish orqali oʻqishga qabul qilish tartibi toʻgʻrisidagi nizomning 13-bandiga qoʻshimcha kiritish haqida”gi buyrugʻi (roʻyxat raqami 3308-1, 2023-yil 27-iyun) (Qonunchilik maʼlumotlari milliy bazasi, 27.06.2023-y., 10/23/3308-1/0493-son).

2. Mazkur buyruq rasmiy eʼlon qilingan kundan eʼtiboran kuchga kiradi.