Ўзбекистон Республикасининг 2020 йил 28 августдаги «Ўзбекистон Республикасининг маъмурий-ҳудудий тузилиши тўғрисида»ги ЎРҚ-635-сонли қонунининг 25-моддасига ҳамда «Маҳаллий давлат ҳокимияти тўғрисида»ги қонуннинг 6 ва 24-моддаларига мувофиқ Халқ депутатлари Сирдарё вилояти Кенгаши қарор қилади:

1. Сирдарё вилояти туман ва шаҳарларининг маъмурий-ҳудудий чегараларини белгилаш бўйича амалга оширилган ишларнинг якуний натижаларини кўриб чиқиш ва тасдиқлаш тўғрисида Кадастр агентлигининг Сирдарё вилояти бошқармаси бошлиғи Ш.Рузикуловнинг ахбороти маълумот учун қабул қилинсин.

2. Халқ депутатлари Сирдарё вилояти Кенгашининг 2025 йил 2 июлдаги «Сирдарё вилоятидаги туман ва шаҳарларнинг маъмурий-ҳудудий чегараларини белгилаш бўйича амалга оширилган ишларнинг якуний натижаларини кўриб чиқиш тўғрисида»ги VII-16-120-9-0-К/25-сонли қарорининг 2-банди бекор қилинсин.

3. Боёвут туманидан 582,0 гектар ва Гулистон туманидан 527,23 гектар ер участкасини Гулистон шаҳри таркибига ўтказиш, шунингдек Боёвут туманидаги 638,77 гектар ер участкасини Ширин шаҳри таркибига ўтказиш таклифи маъқуллансин.

4. Туман ва шаҳар маъмурий-ҳудудий бирликлар чегараларини белгилаш юзасидан:

Гулистон туманидан Гулистон шаҳрига ўтказилаётган ер участкаси чегара чизиғининг тавсифи 1-иловага, картографик чизмаси 2-иловага мувофиқ;

Боёвут туманидан Гулистон шаҳрига ўтказилаётган ер участкаси чегара чизиғининг тавсифи 3-иловага, картографик чизмаси 4-иловага мувофиқ;

Боёвут туманидан Ширин шаҳрига ўтказилаётган ер участкаси чегара чизиғининг тавсифи 5-иловага, картографик чизмаси 6-иловага мувофиқ;

Шунингдек, Гулистон шаҳар маъмурий-ҳудудий чегара чизиғининг тавсифи 7-иловага, картографик чизмаси 8-иловага мувофиқ;

Ширин шаҳар маъмурий-ҳудудий чегара чизиғининг тавсифи 9-иловага, картографик чизмаси 10-иловага мувофиқ;

Янгиер шаҳар маъмурий-ҳудудий чегара чизиғининг тавсифи 11-иловага, картографик чизмаси 12-иловага мувофиқ;

Гулистон тумани маъмурий-ҳудудий чегара чизиғининг тавсифи 13-иловага, картографик чизмаси 14-иловага мувофиқ;

Боёвут тумани маъмурий-ҳудудий чегара чизиғининг тавсифи 15-иловага, картографик чизмаси 16-иловага мувофиқ;

Мирзаобод тумани маъмурий-ҳудудий чегара чизиғининг тавсифи 17-иловага, картографик чизмаси 18-иловага мувофиқ;

Оқолтин тумани маъмурий-ҳудудий чегара чизиғининг тавсифи 19-иловага, картографик чизмаси 20-иловага мувофиқ;

Сардоба тумани маъмурий-ҳудудий чегара чизиғининг тавсифи 21-иловага, картографик чизмаси 22-иловага мувофиқ;

Сайхунобод тумани маъмурий-ҳудудий чегара чизиғининг тавсифи 23-иловага, картографик чизмаси 24-иловага мувофиқ;

Сирдарё тумани маъмурий-ҳудудий чегара чизиғининг тавсифи 25-иловага, картографик чизмаси 26-иловага мувофиқ;

Ховос тумани маъмурий-ҳудудий чегара чизиғининг тавсифи 27-иловага, картографик чизмаси 28-иловага мувофиқ тасдиқлансин.

5. Шу муносабат билан, Халқ депутатлари вилоят Кенгашининг 2020 йил 1 декабрдаги 67/14-6 сонли қарори ўз кучини йўқотган деб ҳисоблансин.

6. Вилоят ҳокимининг биринчи ўринбосари (Ф.Кушаков)га:

«Ўзбекистон Республикасининг маъмурий-ҳудудий тузилиши тўғрисида»ги қонуннинг 25-моддасига мувофиқ туман ва шаҳарларнинг маъмурий-ҳудудий чегараларини белгилаш бўйича амалга оширилган ишларнинг якуний натижаларини кўриб чиқиш ва тасдиқлаш юзасидан Ўзбекистон Республикаси Вазирлар Маҳкамасига илтимоснома киритсин.

7. Ушбу қарор ижросини таъминлаш вилоят ҳокимининг биринчи ўринбосари Ф.Кушаковга, назорат қилиш Халқ депутатлари Сирдарё вилояти Кенгаши ҳузуридаги Маҳаллий бюджет, тадбиркорликни ривожлантириш ва иқтисодий ислоҳотлар масалалари бўйича доимий комиссия зиммасига юклатилсин.