Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан самарадорлигини ошириш чора-тадбирлари тўғрисида»ги ПҚ-5 сонли қарори ижросини таъминлаш мақсадида ҳамда Сариосиё тумани «Сув етказиб бериш хизмати» ДМ раҳбарининг 2025 йил 25 мартдаги 136 сонли алоқа хатини халқ депутатлари туман Кенгашининг Аграр, сув хўжалиги масалалари ва экология бўйича доимий комиссиясида кўриб чиқилганлигини инобатга олиб, Ўзбекистон Республикасининг «Маҳаллий давлат ҳокимияти тўғрисида»ги Қонунининг 6 ва 24-моддаларига мувофиқ, халқ депутатлари туман Кенгаши қарор қилади:

1. Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сонли қарори раҳбарлик ва ижро учун қабул қилинсин.

2. Сариосиё тумани «Сув етказиб бериш хизмати» ДМ раҳбарининг 2025 йил 25 мартдаги 136 сонли алоқа хатига асосан, тумандаги сув истеъмолчиларига 2025 йил суғориш мавсумида (апрель-сентябрь) ойлари учун 93,5 млн. м3 сув лимити белгиланган бўлиб, бироқ суғориш тармоқларидаги юқотишларни ҳисобига жами 79,9 млн. м3 сув истеъмолчилар кесимида қайта ҳисоб-китоб қилинганлиги инобатга олинсин ва ажратилган сув лимити 1-иловага мувофиқ тасдиқлансин.

3. Халқ депутатлари туман Кенгашининг Аграр, сув хўжалиги масалалари ва экология бўйича доимий комиссияси (А.Ахмедов)га:

Сариосиё тумани «Сув етказиб бериш хизмати» ДМ раҳбари Турдиев Равшан Юлдошовичнинг халқ депутатлари туман Кенгаши сессияларига ҳисобот беришда мунтазам равишда шахсан иштирок этмай келаётганлиги ва Кенгаш ишига масъулиятсизлик билан қараб, ўз ишини талаб даражасида олиб бормаётганлиги учун Ўзбекистон Республикаси Сув хўжалиги Вазирлиги Аму-Сурхон ирригация тизимлари ҳавза бошқармаси раҳбари номига Тақдимнома юборсин.

4. Туман ҳокимлиги (А.Донаев)га:

Доимий огоҳлантиришларга қарамай халқ депутатлари туман Кенгаши сессияларига ҳисобот беришда доимий иштирок этмай келаётган Сариосиё туман «Сув етказиб бериш хизмати» ДМ раҳбари Турдиев Равшан Юлдошовичнинг фаолиятини қонунчиликка асосан ўрганиб чиқиб, лавозимига лойиқ ёки нолойиқ эканлиги юзасидан 15 кун муддат ичида туман Кенгашига ёзма ахборот бериши белгиланлсин.

5. Туман ҳокимининг ўринбосари (Н.Каримов) ва «Сув етказиб бериш хизмати» ДМ раҳбарига:

Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари тўғрисида»ги ПҚ-5 сонли қарори асосида ишларни ташкил этиш;

белгиланган лимитлар асосида истеъмолчиларга сув етказиб бериш;

сув ресурсларидан фойдаланиш самарадорлигини ошириш, сувдан фойдаланиш маданиятини юксалтириш;

сувни тежайдиган суғориш технологияларини кенгайтирилган тартибда жорий этишни давом эттириш;

ўзига бириктирилган ҳудудда сувнинг ҳисоби ва ҳисоботини юритиш;

суғориш тармоқлари ва улардаги гидротехник иншоотларни соз ҳолатда сақлаш, таъмирлаш-тиклаш тадбирларини амалга ошириш;

сув олиш жойларини сувни бошқариш ва ҳисобга олиш воситалари билан жиҳозлаш, сув мониторинги, ҳисоби ва ҳисоботи юритилишини рақамлаштириш;

истеъмолчилар кесимида истеъмол қилинган сув ҳажми тўғрисидаги маълумотларни солиқ органларига тақдим этиб бориш;

сув истеъмолчиларининг буюртманомаси асосида бошқа сув хўжалиги хизматларини кўрсатиш;

амалга оширилган ишлар юзасидан халқ депутатлари туман Кенгашига ҳисоботларни ҳар чоракда бериб бориш вазифалари юклатилсин.

6. Туман ҳокимлиги Ахборот хизмати (Ж.Эргашов) ва «Сариосиё» газетаси (А.Азизов)га амалга оширилаётган ишларни ижтимоий тармоқлар ва оммавий ахборот воситалари орқали кенг ёритиб борилиши юклатилсин.

7. Мазкур қарор ижросини назорат қилиш халқ депутатлари туман Кенгашининг Аграр, сув хўжалиги масалалари ва экология бўйича доимий комиссияси (А.Ахмедов) зиммасига юклансин.

8. Мазкур қарор қабул қилинган кундан кучга киради.