Bosqichlar

Subyektlar

Tadbirlar

Bajarish muddatlari

1-bosqich

Oʻzbekiston Respublikasi Prezidenti huzuridagi Ijtimoiy himoya milliy agentligi

Nogironlik belgilangan shaxsning (respublika budjeti hisobidan pensiya tayinlovchi tashkilotlarning xodimlaridan tashqari) maʼlumotlarini “Elektron hukumat” tizimi idoralararo integratsion platformasi orqali Oʻzbekiston Respublikasi Iqtisodiyot va moliya vazirligi huzuridagi budjetdan tashqari Pensiya jamgʻarmasining (keyingi oʻrinlarda — Pensiya jamgʻarmasi) “Pensiya” axborot tizimiga yuboradi.

Nogironlik belgilangan vaqtda avtomatik tarzda

2-bosqich

Pensiya jamgʻarmasi

“Elektron hukumat” tizimi idoralararo integratsion platformasi orqali:

1. Nogironligi boʻlgan shaxsning shaxsiga doir va oila aʼzolari (yaqin qarindoshlari) toʻgʻrisidagi maʼlumotlarni olish uchun tegishliligi boʻyicha Oʻzbekiston Respublikasi Adliya vazirligining “FHDYning yagona elektron arxivi” va Ichki ishlar vazirligining Jismoniy shaxslar markaziy maʼlumotlar bazasiga elektron soʻrov yuboradi.

2. Nogironligi boʻlgan shaxsning ish staji toʻgʻrisidagi maʼlumotlarni olish uchun Oʻzbekiston Respublikasi Kambagʻallikni qisqartirish va bandlik vazirligining “Yagona milliy mehnat tizimi” idoralararo dasturiy-apparat kompleksiga elektron soʻrov yuboradi.

3. Nogironligi boʻlgan shaxsning ish haqi toʻgʻrisidagi maʼlumotlarni olish uchun Oʻzbekiston Respublikasi Soliq qoʻmitasining Fuqarolar ish haqining yakka tartibdagi hisobini yuritishning markazlashtirilgan elektron reyestriga va AT “Xalq banki”ning Jamgʻarib boriladigan pensiya tizimiga elektron soʻrov yuboradi.

4. Nogironligi boʻlgan shaxsning yashash joyi toʻgʻrisidagi elektron maʼlumotlarni olish uchun Oʻzbekiston Respublikasi Ichki ishlar vazirligining “Manzil” axborot tizimiga elektron soʻrov yuboradi.

5. Oʻzbekiston Respublikasi Raqamli texnologiyalar vazirligining “Raqamli hukumat” doirasida aholi va tadbirkorlik subyektlariga koʻrsatiladigan davlat xizmatlari toʻgʻrisida elektron xabardor qilish axborot tizimiga (keyingi oʻrinlarda — axborot tizimi) nogironligi boʻlgan shaxsning JSHSHIR maʼlumotlarini va pensiya tayinlash masalasi 1 ish kuni ichida koʻrib chiqilishi toʻgʻrisidagi xabar matnini yuboradi.

Maʼlumotlar kelib tushgandan soʻng avtomatik tarzda

3-bosqich

Oʻzbekiston Respublikasi Adliya vazirligi,

Kambagʻallikni qisqartirish va bandlik vazirligi,

Ichki ishlar vazirligi,

Soliq qoʻmitasi,

AT “Xalq banki”

Raqamli texnologiyalar vazirligi

1. “Elektron hukumat” tizimi idoralararo integratsion platformasi orqali nogironligi boʻlgan shaxsning shaxsiga doir va oila aʼzolari (yaqin qarindoshlari), ish staji, ish haqi, jamgʻarib boriladigan pensiya badali va yashash joyi toʻgʻrisidagi elektron maʼlumotlarni tegishliligi boʻyicha Pensiya jamgʻarmasining “Pensiya” axborot tizimiga yuboradi.

2. Axborot tizimi orqali nogironligi boʻlgan shaxsning JSHSHIR maʼlumotlari asosida uning mobil aloqa vositasiga (mavjud boʻlsa) pensiya tayinlash masalasi 1 ish kuni ichida koʻrib chiqilishi toʻgʻrisida SMS-xabar yuboradi.

Elektron soʻrov kelib tushgandan soʻng avtomatik tarzda

4-bosqich

Pensiya jamgʻarmasi

“Elektron hukumat” tizimi idoralararo integratsion platformasi orqali pensiya yoki nafaqa tayinlash vakolatiga ega organlarga nogironligi boʻlgan shaxsga pensiya yoki nafaqa tayinlangan yoki tayinlanmagani toʻgʻrisidagi maʼlumotlarni olish uchun elektron soʻrov yuboradi.

Maʼlumotlar kelib tushgandan soʻng avtomatik tarzda

5-bosqich

Pensiya yoki nafaqa tayinlash vakolatiga ega organlar

“Elektron hukumat” tizimi idoralararo integratsion platformasi orqali nogironligi boʻlgan shaxsga pensiya yoki nafaqa tayinlangan yoki tayinlanmagani toʻgʻrisidagi elektron maʼlumotlarni tegishliligi boʻyicha Pensiya jamgʻarmasining “Pensiya” axborot tizimiga yuboradi.

Elektron soʻrov kelib tushgandan soʻng avtomatik tarzda

6-bosqich

Pensiya jamgʻarmasi

1. Nogironligi boʻlgan shaxsga pensiya yoki nafaqa tayinlangani toʻgʻrisida maʼlumotlar kelib tushganida hamda ish staji va ish haqi toʻgʻrisida maʼlumotlar aniqlanmaganda pensiya tayinlashni rad qilish toʻgʻrisida qaror qabul qiladi.

1 ish kunida

2. Nogironligi boʻlgan shaxsga pensiya yoki nafaqa tayinlanmagani toʻgʻrisida maʼlumotlar kelib tushganda “Pensiya” axborot tizimidagi mavjud nogironligi boʻlgan shaxsning oila aʼzolari tarkibi, ish staji, ish haqi, ustama olish huquqini beradigan elektron maʼlumotlar asosida pensiya miqdorini hisoblaydi va pensiya tayinlaydi.

1 ish kunida

3. Oʻzbekiston Respublikasi Raqamli texnologiyalar vazirligining axborot tizimiga nogironligi boʻlgan shaxsning JSHSHIR maʼlumotlari va pensiya tayinlangani yoki pensiya tayinlash rad etilgani toʻgʻrisidagi xabar matnini yuboradi.

Qaror qabul qilingan vaqtda avtomatik tarzda

Oʻzbekiston Respublikasi Raqamli texnologiyalar vazirligi

4. Axborot tizimi orqali:

nogironligi boʻlgan shaxsning JSHSHIR maʼlumotlari asosida uning mobil aloqa vositasiga pensiya tayinlangani yoki pensiya tayinlash rad etilgani toʻgʻrisida SMS-xabar yuboradi;

nogironligi boʻlgan shaxsning nomiga mobil telefon raqam rasmiylashtirilmagan boʻlsa, bu haqida Pensiya jamgʻarmasini xabardor qiladi.

Maʼlumotlar kelib tushgandan soʻng avtomatik tarzda

7-bosqich

Pensiya jamgʻarmasi

Nogironligi boʻlgan shaxsning nomiga mobil telefon raqam rasmiylashtirilmagan boʻlsa, pensiya tayinlangani yoki pensiya tayinlash rad etilgani toʻgʻrisida xabarni yetkazish uchun yashash joyi boʻyicha “Oʻzbekiston pochtasi” AJni elektron pochta joʻnatmalarining yagona milliy tizimi orqali xabardor qiladi.

Maʼlumotlar kelib tushgandan soʻng avtomatik tarzda

8-bosqich

“Oʻzbekiston pochtasi” AJ

Pensiya tayinlangani yoki tayinlash rad etilgani toʻgʻrisidagi xabarnomani pensioner yoki nogironligi boʻlgan shaxsning yashash joyiga yetkazib beradi hamda xabarnoma yetkazilganligi haqidagi maʼlumotni Pensiya jamgʻarmasiga yuboradi.

Maʼlumotlar kelib tushgandan soʻng 5 kun ichida

9-bosqich

Pensiya tayinlangan shaxs

Pensiya miqdoridan norozi boʻlganda yoki mehnat faoliyatini davom ettirib, keyinchalik nogironlik pensiyasiga chiqish xohishini bildirganda yoxud boshqa pensiya va nafaqa tayinlovchi organlardan pensiya olish istagini bildirganda qonunchilikda belgilangan tartibda ariza berish orqali tayinlangan pensiyani rad qiladi.

Xabarnoma olgandan soʻng 10 kun ichida

Bosqichlar

Subyektlar

Tadbirlar

Bajarish muddatlari

1-bosqich

Pensiya jamgʻarmasi

“Elektron hukumat” tizimi idoralararo integratsion platformasi orqali nogironligi boʻlgan shaxsga pensiya tayinlangandan yoki pensiyasi qayta hisoblangandan soʻng uning orttirgan ish staji, ish haqi va jamgʻarib boriladigan pensiya badali toʻgʻrisidagi maʼlumotlarni aniqlash uchun Oʻzbekiston Respublikasi Kambagʻallikni qisqartirish va bandlik vazirligining “Yagona milliy mehnat tizimi” idoralararo dasturiy-apparat kompleksi, AT “Xalq banki”ning Jamgʻarib boriladigan pensiya tizimi va Soliq qoʻmitasining Fuqarolarning ish haqining yakka tartibdagi hisobini yuritishning markazlashtirilgan elektron reyestriga tegishliligi boʻyicha elektron soʻrov yuboradi.

Nogironlik pensiyasi tayinlanganiga yoki qayta hisoblanganiga ikki yil boʻlgandan soʻng avtomatik tarzda

2-bosqich

Oʻzbekiston Respublikasi Kambagʻallikni qisqartirish va bandlik vazirligi,

AT “Xalq banki”,

Soliq qoʻmitasi

“Elektron hukumat” tizimi idoralararo integratsion platformasi orqali Pensiya jamgʻarmasining “Pensiya” axborot tizimiga nogironligi boʻlgan shaxsning ish staji, ish haqi va jamgʻarib boriladigan pensiya badali toʻgʻrisidagi maʼlumotlarni tegishliligi boʻyicha yuboradi.

Elektron soʻrov kelib tushgandan soʻng avtomatik tarzda

3-bosqich

Pensiya jamgʻarmasi

Oʻzbekiston Respublikasi Raqamli texnologiyalar vazirligining axborot tizimiga nogironligi boʻlgan shaxsning JSHSHIR maʼlumotlarini va pensiyani qayta hisoblash masalasi 1 ish kuni ichida koʻrib chiqilishi toʻgʻrisidagi xabar matnini yuboradi.

Maʼlumotlar kelib tushgandan soʻng avtomatik tarzda

4-bosqich

Oʻzbekiston Respublikasi Raqamli texnologiyalar vazirligi

Axborot tizimi orqali nogironligi boʻlgan shaxsning JSHSHIR maʼlumotlari asosida uning mobil aloqa vositasiga (mavjud boʻlsa) pensiyani qayta hisoblash masalasi 1 ish kuni ichida koʻrib chiqilishi toʻgʻrisida SMS-xabar yuboradi.

Elektron soʻrov kelib tushgandan soʻng avtomatik tarzda

5-bosqich

Pensiya jamgʻarmasi

1. Nogironligi boʻlgan shaxsning pensiyasi qayta hisoblangandan soʻng uning orttirilgan ish staji, ish haqi va jamgʻarib boriladigan pensiya badali toʻgʻrisidagi maʼlumotlar kelib tushmaganda yoki orttirilgan ish staji bir yildan kam davrni tashkil qilganda yoxud pensiya miqdori amaldagi pensiya miqdoridan kam miqdorga qayta hisoblanganda avvalgi pensiya miqdorini oʻzgarishsiz qoldiradi.

1 ish kunida

2. Nogironligi boʻlgan shaxsning pensiya miqdorini “Pensiya” axborot tizimidagi mavjud oila aʼzolari tarkibi, ish staji, ish haqi, jamgʻarib boriladigan pensiya badali va ustama olish huquqini beradigan elektron maʼlumotlar asosida qayta hisoblaydi.

1 ish kunida

3. Oʻzbekiston Respublikasi Raqamli texnologiyalar vazirligining axborot tizimiga nogironligi boʻlgan shaxsning JSHSHIR maʼlumotlarini va pensiya miqdori qayta hisoblangani yoki oʻzgarishsiz qolganligi toʻgʻrisidagi xabar matnini yuboradi.

Qaror qabul qilingan vaqtda avtomatik tarzda

6-bosqich

Oʻzbekiston Respublikasi Raqamli texnologiyalar vazirligi

Axborot tizimi orqali:

nogironligi boʻlgan shaxsning JSHSHIR maʼlumotlari asosida uning mobil aloqa vositasiga pensiya miqdori qayta hisoblangani yoki oʻzgarishsiz qolganligi toʻgʻrisida SMS-xabar yuboradi;

nogironligi boʻlgan shaxsning nomiga mobil telefon raqam rasmiylashtirilmagan boʻlsa, bu haqida Pensiya jamgʻarmasini xabardor qiladi.

Maʼlumotlar kelib tushgandan soʻng avtomatik tarzda

7-bosqich

Pensiya jamgʻarmasi

Nogironligi boʻlgan shaxsning nomiga mobil telefon raqam rasmiylashtirilmagan boʻlsa, pensiya miqdori qayta hisoblangani yoki oʻzgarishsiz qolganligi toʻgʻrisidagi xabarni yetkazish uchun nogironligi boʻlgan shaxsning yashash joyi boʻyicha “Oʻzbekiston pochtasi” AJni elektron pochta joʻnatmalarining yagona milliy tizimi orqali xabardor qiladi.

Maʼlumotlar kelib tushgandan soʻng avtomatik tarzda

8-bosqich

“Oʻzbekiston pochtasi” AJ

Pensiya miqdori qayta hisoblangani yoki oʻzgarishsiz qolganligi toʻgʻrisidagi xabarnomani pensionerning yashash joyiga yetkazib beradi hamda xabarnoma yetkazilganligi haqida maʼlumotni Pensiya jamgʻarmasiga yuboradi.

Maʼlumotlar kelib tushgandan soʻng 5 kun ichida

Bosqichlar

Subyektlar

Tadbirlar

Bajarish muddatlari

1-bosqich

Oʻzbekiston Respublikasi Prezidenti huzuridagi Ijtimoiy himoya milliy agentligi

“Elektron hukumat” tizimi idoralararo integratsion platformasi orqali koʻrish qobiliyati boʻyicha I guruh nogironligi belgilangan shaxsning (respublika budjeti hisobidan pensiya tayinlovchi tashkilotlarning xodimlaridan tashqari) maʼlumotlarini Pensiya jamgʻarmasining “Pensiya” axborot tizimiga yuboradi.

Nogironlik belgilangan vaqtda avtomatik tarzda

2-bosqich

Pensiya jamgʻarmasi

Oʻzbekiston Respublikasi Raqamli texnologiyalar vazirligining axborot tizimiga koʻrish qobiliyati boʻyicha I guruh nogironligi belgilangan shaxsning JSHSHIR maʼlumotlarini va kompensatsiya pul toʻlovini tayinlash masalasi 1 ish kuni ichida koʻrib chiqilishi toʻgʻrisidagi xabar matnini yuboradi.

Maʼlumotlar kelib tushgandan soʻng avtomatik tarzda

3-bosqich

Oʻzbekiston Respublikasi Raqamli texnologiyalar vazirligi

Axborot tizimi orqali koʻrish qobiliyati boʻyicha I guruh nogironligi boʻlgan shaxsning JSHSHIR maʼlumotlari asosida uning mobil aloqa vositasiga (mavjud boʻlsa) kompensatsiya pul toʻlovi tayinlash masalasi 1 ish kuni ichida koʻrib chiqilishi toʻgʻrisida SMS-xabar yuboradi.

Elektron soʻrov kelib tushgandan soʻng avtomatik tarzda

4-bosqich

Pensiya jamgʻarmasi

1. “Pensiya” axborot tizimida kompensatsiya pul toʻlovini tayinlash toʻgʻrisida qaror qabul qiladi.

1 ish kunida

2. Oʻzbekiston Respublikasi Raqamli texnologiyalar vazirligining axborot tizimiga nogironligi boʻlgan shaxsning JSHSHIR maʼlumotlarini va kompensatsiya pul toʻlovi tayinlangani toʻgʻrisidagi xabar matnini yuboradi.

Qaror qabul qilingan vaqtda avtomatik tarzda

5-bosqich

Oʻzbekiston Respublikasi Raqamli texnologiyalar vazirligi

Axborot tizimi orqali:

koʻrish qobiliyati boʻyicha I guruh nogironlik belgilangan shaxsning JSHSHIR maʼlumotlari asosida uning mobil aloqa vositasiga kompensatsiya pul toʻlovi tayinlangani toʻgʻrisida SMS-xabar yuboradi;

koʻrish qobiliyati boʻyicha I guruh nogironlik belgilangan shaxsning nomiga mobil telefon raqam rasmiylashtirilmagan boʻlsa, bu haqida Pensiya jamgʻarmasini xabardor qiladi.

Maʼlumotlar kelib tushgandan soʻng avtomatik tarzda

6-bosqich

Pensiya jamgʻarmasi

Koʻrish qobiliyati boʻyicha I guruh nogironligi belgilangan shaxsning nomiga mobil telefon raqam rasmiylashtirilmagan boʻlsa, kompensatsiya pul toʻlovi tayinlangani toʻgʻrisida xabarni yetkazish uchun koʻrish qobiliyati boʻyicha I guruh nogironligi belgilangan shaxsning yashash joyi boʻyicha “Oʻzbekiston pochtasi” AJning elektron pochta joʻnatmalarining yagona milliy tizimi orqali xabardor qiladi.

Maʼlumotlar kelib tushgandan soʻng avtomatik tarzda

7-bosqich

“Oʻzbekiston pochtasi” AJ

Kompensatsiya pul toʻlovi tayinlangani toʻgʻrisidagi xabarnomani pensionerning yashash joyiga yetkazib beradi hamda xabarnoma yetkazilganligi haqida maʼlumotni Pensiya jamgʻarmasiga yuboradi.

Maʼlumotlar kelib tushgandan soʻng 5 kun ichida

Bosqichlar

Subyektlar

Tadbirlar

Bajarish muddatlari

1-bosqich

Pensiya jamgʻarmasi

1. Yadro poligonlarida va boshqa radiatsiya-yadro obyektlarida xizmatni oʻtagan Oʻzbekiston Respublikasi hududida yashayotgan Oʻzbekiston Respublikasi fuqarolari roʻyxatiga oʻzgartirish kiritilganda yangilangan roʻyxatni “Pensiya” axborot tizimiga kiritadi.

2. Oʻzbekiston Respublikasi Raqamli texnologiyalar vazirligining axborot tizimiga yadro poligonlarida va boshqa radiatsiya-yadro obyektlarida xizmatni oʻtagan shaxslarning JSHSHIR maʼlumotlarini va kompensatsiya pul toʻlovini tayinlash masalasi 1 ish kuni ichida koʻrib chiqilishi toʻgʻrisidagi xabar matnini yuboradi.

Roʻyxatga oʻzgartirish kiritilgandan soʻng 5 ish kunida

2-bosqich

Oʻzbekiston Respublikasi Raqamli texnologiyalar vazirligi

Axborot tizimi orqali yadro poligonlarida va boshqa radiatsiya-yadro obyektlarida xizmatni oʻtagan shaxslarning JSHSHIR maʼlumotlari asosida ularning mobil aloqa vositasiga (mavjud boʻlsa) kompensatsiya pul toʻlovini tayinlash masalasi 1 ish kuni ichida koʻrib chiqilishi toʻgʻrisida SMS-xabar yuboradi.

Maʼlumotlar kelib tushgandan soʻng avtomatik tarzda

3-bosqich

Pensiya jamgʻarmasi

1. Yadro poligonlarida va boshqa radiatsiya-yadro obyektlarida xizmatni oʻtagan shaxsga kompensatsiya pul toʻlovini tayinlash toʻgʻrisida qaror qabul qiladi.

1 ish kunida

2. Oʻzbekiston Respublikasi Raqamli texnologiyalar vazirligining axborot tizimiga yadro poligonlarida va boshqa radiatsiya-yadro obyektlarida xizmatni oʻtagan shaxsning JSHSHIR maʼlumotlarini va kompensatsiya pul toʻlovi tayinlangani toʻgʻrisidagi xabar matnini yuboradi.

Qaror qabul qilingan vaqtda avtomatik tarzda

4-bosqich

Oʻzbekiston Respublikasi Raqamli texnologiyalar vazirligi

Axborot tizimi orqali:

yadro poligonlarida va boshqa radiatsiya-yadro obyektlarida xizmatni oʻtagan shaxsning JSHSHIR maʼlumotlari asosida uning mobil aloqa vositasiga kompensatsiya pul toʻlovi tayinlangani toʻgʻrisida SMS-xabar yuboradi;

yadro poligonlarida va boshqa radiatsiya-yadro obyektlarida xizmatni oʻtagan shaxsning nomiga mobil telefon raqam rasmiylashtirilmagan boʻlsa, bu haqida Pensiya jamgʻarmasini xabardor qiladi.

Maʼlumotlar kelib tushgandan soʻng avtomatik tarzda

5-bosqich

Pensiya jamgʻarmasi

Yadro poligonlarida va boshqa radiatsiya-yadro obyektlarida xizmatni oʻtagan shaxsning nomiga mobil telefon raqam rasmiylashtirilmagan boʻlsa, kompensatsiya pul toʻlovi tayinlangani toʻgʻrisidagi xabarni yetkazish uchun yashash joyi boʻyicha “Oʻzbekiston pochtasi” AJni elektron pochta joʻnatmalarining yagona milliy tizimi orqali xabardor qiladi.

Maʼlumotlar kelib tushgandan soʻng avtomatik tarzda

6-bosqich

“Oʻzbekiston pochtasi” AJ

Kompensatsiya pul toʻlovi tayinlangani toʻgʻrisidagi xabarnomani pensionerning yashash joyiga yetkazib beradi hamda xabarnoma yetkazilgani haqidagi maʼlumotni Pensiya jamgʻarmasiga yuboradi.

Maʼlumotlar kelib tushgandan soʻng 5 kun ichida