Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш тўғрисида»ги 5 сонли қарори ҳамда Ўзбекистон Республикаси Вазирлар Маҳкамасининг 2013 йил 19 мартдаги 82 сон қарори асосида Қорақалпоғистон Республикаси Сув хўжалиги вазирлиги ва ирригация тизимлари ҳавза бошқармалари, алоҳида йирик сув хўжалиги обектларининг сув олиш ва сув етказиб бериш режалари, сув манбалари, иқтисодиёт тармоқлари маъмурий ҳудудлар бўйича умумлаштириб чиқилди.

Шимолий Фарғона магистрал канали, Сирдарё,Охунбобоэв канали, Р-2 канали ер ости сувлари (булоқсув) Жийдалийсой сув омбори, Чодак ва Олмос сойлардан олинадиган сув олиш лимити, аввал тасдиқланган шартномалар, битимлар, баённомалар асосида ҳамда 2024 йил вегетация (апрель-сентябр) даврига Норин-Сирдарё ирригация тизимлари ҳавза бошқармаси томонидан, алоҳида муҳим сув хўжалиги обектларининг сув манбалари, иқтисодиёт тармоқлари ва маъмурий ҳудудлар бўйича сув олиш лимитлари ишлаб чиқилди.

Кутилаётган сув ресурсларини ўз вақтида истеъмолчиларга етказиш, улардан мақсадли ва самарали фойдаланишни ташкил қилиш ҳамда жорий йилнинг суғориш мавсумини муваффақиятли ўтказиш бўйича туман марказий аппарати, тизимдаги махаллий ва ҳудудий ташкилотлар раҳбар-ходимларининг шахсий масъулияти ва жавобгарлигини кучайтириш мақсадида Халқ депутатлари туман Кенгашининг аграр, сув хўжалиги ва экология масалалари бўйича доимий комиссияси йиғилишини инобатга олиб, «Маҳаллий давлат ҳокимияти тўғрисида»ги Ўзбекистон Республикаси қонунининг 6 ва 24-моддаларига мувофиқ халқ депутатлари туман Кенгаши қарор қилади:

1. Ўзбекистон Республикаси Президентининг 2024 йил 5 январдаги «Қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш тўғрисида»ги 5 сонли қарори ижро учун қабул қилинсин.

2. Ўзбекистон Республикаси Президентининг 2024 йил январдаги ПҚ-5 сонли қарори Сув ресурсларидан фойдаланиш самарадорлигини ошириш, сувдан фойдаланиш маданиятини юксалтириш орқали аҳоли онгида шаклланган «сув - текин» тушунчасидан воз кечиш ҳамда сувни тежайдиган суғориш технологияларини кенгайтирилган тартибда жорий этиш бўйича худудларда қишлоқ хўжалиги ерлардан фойдаланувчилар ўртасида кенг тарғибот ва ташвиқот хамда семинар, тренинглар мунтазам тарзда амалга ошириб борилсин.

3. Туман бўйича 2024 йилнинг суғориш даври учун ажратилган сув олиш лимити 1, 2, 3, 4, 5--иловаларга мувофиқ тасдиқлансин.

4. Туман «Сув етказиб бериш хизмати» давлат муассасаси директори С.Дадабоев хамда туман солиқ инспекцияси бошлиғи Ш.Азбековларга;

Ўзбекистон Республикасининг «Солиқ ва бюджет сиёсатининг 2024 йилга мўлжалланган асосий йўналишлари қабул қилинганлиги муносабати билан Ўзбекистон Республикаси айрим қонун ҳужжатларига ўзгартириш ва қўшимчалар киритиш тўғрисида»ги Қонунининг 4-моддаси 38-бандига асосан қишлоқ хўжалиги ерларини суғориш ва балиқларни етиштириш (ўстириш) учун фойдаланиладиган сув ҳажми, шу жумладан деҳқон хўжаликлари ва қишлоқ хўжалигига мўлжалланган ерларга эга бўлган жисмоний шахслар учун сув ресурсларидан фойдаланганлик учун солиқ (кейинги ўринларда - сув солиғи) ставкаси 1 куб метр сув учун 100 сўм этиб белгиланганлиги бўйича тегишли амалий чоралар кўриб борсинлар.

Сув истемолчилари билан тузилган шартномага асосан сув олиш лимитларига ўзгартиришлар киритиш (манбаларнинг сувлилиги камайган ҳоллар бундан мустасно).

Манбаларда сув ҳажми камайган ёки кўпайган ҳолатларда сув олиш лимитларига, юқори турувчи ташкилотнинг рухсати билан, сувдан фойдаланиш ёки сувни истеъмол қилиш режасининг параметрлари ўзгартирилмасдан, тегишли ўзгартиришлар киритилишини;

«сув истемолчиси» томонидан сув олиш ҳамда олинган сувнинг ҳисобини юритишдан асоссиз бош тортиш, давлат сув хўжалиги иншоотидан фойдаланиш тартиблари бузилган тақдирда давлат органларига тегишли чора кўриш бўйича ижро хатларини киритиб бориш туман «Сув етказиб бериш хизмати» давлат муассасаси бўлимига юклатилсин;

Сув ресурслари олиш юзасидан буюртманомалар »сув истемолчиси« томонидан Давлат муассасасига, сув олиш бошланишидан 10 (ўн) кун олдин белгиланган шаклда, сув олишнинг аниқ жойлари ва муддатлари (сув олишнинг бошланиши ва тугаши), шунингдек олинадиган сув миқдори, ундан фойдаланиш ёки уни истеъмол қилишнинг, махаллий хокимият, сув хўжалиги, қишлоқ хўжалиги, ММТП, МФЙ раислари сув олиш тартиби бўйича дехқон хўжалик рахбарлари ва ердан фойдаланувчи фуқароларга йил давомида тушинтириш ишларини олиб бориш таъминласин.

5. Мазкур қарор қабул қилиниши муносабати билан Халқ депутатлари Поп туман Кенгашининг 2025 йил 9 апрелдаги VII-7-45-6-84-K/25-сонли қарори бекор қилинсин.

6. Мазкур қарорни ижросини таъминлаш туман хокимининг қишлоқ ва сув хўжалиги масалалари бўйича ўринбосари (И.Ахмадалиев), халқ депутатлари туман Кенгашиниинг Аграр, сув хўжалиги масалалари ва экология бўйича доимий комиссия раиси (С.Мўйсиналиева)лар зиммасига юклансин.