Ўзбекистон Республикаси Вазирлар Маҳкамасининг 2012 йил 16 октябрдаги «Географик объектларнинг номлари тўғрисида»ги Ўзбекистон Республикаси Қонунига мувофиқ «Географик объектларнинг номлари соҳасидаги ишларни тартибга солиш чора-тадбирлари ҳақида»ги 295 сон қарори ижросини таъминлаш мақсадида, Географик объектларни номлаш ва қайта номлаш бўйича туман комиссиясининг 2025 йил 27 мартдаги 15-01/37 сонли йиғилиш баёни, Географик объектларни номлаш ва қайта номлаш масалалари бўйича вилоят комиссиясининг 2025 йил 29 мартдаги 07-18/1401 сонли мурожаатномаси ҳамда Иқтисодиёт ва молия вазирлиги ҳузуридаги Кадастр агентлиги Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш эксперт комиссиясининг 2025 йил 7 апрелдаги «Географик объектларга ном бериш ёки уларни қайта номлаш тўғрисидаги таклифларнинг қонун ҳужжатлари талабларига мувофиқлиги ҳақида» 05-19-5344 сонли экспертиза хулосасини кўриб чиқиб, «Маҳаллий давлат ҳокимияти тўғрисида»ги Ўзбекистон Республикаси Қонунининг 6-моддасига асосан Халқ депутатлари туман Кенгаши қарор қилади:

1. Географик объектларни номлаш ва қайта номлаш бўйича туман комиссияси раиси А.Алламурадовнинг тумандаги Географик объектларнинг номларини тасдиқлаш тўғрисидаги доимий комиссияга берган ҳисоботи маълумот учун қабул қилинсин.

2. Географик объектларни номлаш ва қайта номлаш бўйича туман комиссиясининг 2025 йил 27 январдаги 15-01/37 сонли йиғилиш баёни, Географик объектларни номлаш ва қайта номлаш масалалари бўйича вилоят комиссиясининг 2025 йил 29 мартдаги 07-18/1401 сонли мурожаатномаси ҳамда Иқтисодиёт ва молия вазирлиги ҳузуридаги Кадастр агентлиги Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш эксперт комиссиясининг 2025 йил 7 апрелдаги «Географик объектларга ном бериш ёки уларни қайта номлаш тўғрисидаги таклифларнинг қонун ҳужжатлари талабларига мувофиқлиги ҳақида» 05-19-5344 сонли экспертиза хулосаси инобатга олинсин.

3. Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш эксперт комиссиясининг 2025 йил 7 апрелдаги «Географик объектларга ном бериш ёки уларни қайта номлаш тўғрисидаги таклифларнинг қонун ҳужжатлари талабларига мувофиқлиги ҳақида» 05-19-5344 сон экспертиза хулосасига асосан тумандаги 766 та географик объектнинг номи Ўзбекистон Республикаси «Географик объектларнинг номлари тўғрисида»ги 303 сон Қонун ҳужжатлари талабларига мувофиқ деб ҳисобланганлиги инобатга олинсин ҳамда ушбу географик объектларнинг номлари иловага мувофиқ тасдиқлансин.

4. Туман Қурилиш ва уй-жой коммунал хўжалиги бўлими (И.Бекназаров), Кадастрлар палатаси вилоят бошқармаси Бандихон тумани филиали (М.Жамаев) биргаликда:

номланаётган кўчаларнинг (географик объектлар номларининг) картография ва маълумотнома нашрларини тайёрласинлар ҳамда чегараларини аниқлаб, 2025 йил май ойининг охирига қадар Географик объектларни номлаш ва қайта номлаш масалалари бўйича туман комиссиясига тақдим этсин.

5. Ўзбекистон маҳаллалари уюшмаси Бандихон тумани бўлими (Ҳ.Тўраев) ва туман Ички ишлар бўлими (Ж.Тўраев) тегишли маҳалла фуқаролар йиғинлари раислари билан биргаликда:

кўчаларнинг номлари тасдиқланганлиги сабабли фуқароларнинг фуқаролик паспортларига тегишли ўзгартиришлар киритиш ишларининг ташкилий равишда босқичма-босқич амалга оширилиши юзасидан таъсирчан чора-тадбирларни белгиласин.

6. Туман Статистика бўлими(Ў.Рахматов):

Бандихон тумани ҳудудида номлари тасдиқланган, номланганкўча номларини инобатга олган ҳолда статистик маълумотларга тегишли ўзгартириш ва қўшимчалар киритсин.

7. Туман Қурилиш ва уй-жой коммунал хўжалиги бўлими (И.Бекназаров), Ўзбекистон маҳаллалари уюшмаси Бандихон тумани бўлими (Ҳ.Тўраев), туман Ободонлаштириш бошқармаси (М.Қурбонмуротов):

номлари тасдиқланган географик объектлар(кўчалар) номларини номлари ёзилган кўрсаткич, белгилар, пешлавҳаларнинг босқичма-босқич ўрнатилишини таъминласин, шунингдек, ободонлаштириш ҳамда кўкаламзорлаштириш ишларини ташкил этсин.

Белгилансинки, харажатлар маҳаллий бюджет, ҳомийлик ҳамда қонунчиликда тақиқланмаган бошқа манбалар ҳисобидан белгиланган тартибда молиялаштирилади.

8. Белгилаб қўйилсинки, тасдиқланган географик объектлар номлари туман ҳудудида тўғри ва тўлиқ юритилиши шарт.

9.Туман ҳокимлиги Ахборот хизмати (З.Пардаев)га, «Янги Бандихон» газетаси таҳририяти (А.Ражабов)га номлари тасдиқланган, номланган географик объектлар тўғрисида маълумотларни ижтимоий тармоқларга ёритиш тавсия этилсин.

10. Туманда географик объектларни номлаш ва қайта номлаш бўйича мавжуд 766 та географик объектларнинг(кўчаларнинг) номлари Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги Географик объектларга ном бериш ва уларни қайта номлаш тўғрисидаги таклифларни давлат экспертизасидан ўтказиш эксперт комиссияси томонидан қонун ҳужжатларига мувофиқ деб топилганлиги инобатга олиниб, ушбу 766 та кўчанинг рўйхати Халқ депутатлари туман Кенгаши қарори асосида Иқтисодиёт ва молия вазирлиги ҳузуридаги Кадастр агентлигининг Давлат реестри электрон базасига киритиш мақсадида вилоят ҳудудий комиссиясига тақдим этилсин.

11. Мазкур қарор ижросини назорат қилиш Халқ депутатлари туман Кенгашининг Ижтимоий соҳа, ёшлар сиёсати, маданият ва спорт масалалари бўйича доимий комиссияси зиммасига юклансин.

12. Мазкур қарор қабул қилинган кундан эътиборан кучга киради.