Ўзбекистон Республикаси Президентининг 2022 йил 25 августдаги «Мулк ҳуқуқининг дахлсизлигини ишончли ҳимоя қилиш, мулкий муносабатларга асоссиз аралашувга йўл қўймаслик, хусусий мулкнинг капиталлашув даражасини ошириш чора-тадбирлари тўғрисида»ги 198-сонли фармони ҳамда Тошкент вилояти ҳокимининг 2025 йил 29 апрелдаги «Тошкент тумани ҳудудидаги бўш турган ер майдонини давлат мулки сифатида давлат рўйхатидан ўтказиш тўғрисида»ги 289-10-0-Қ/25-сонли қарори ижросини таъминлаш мақсадида, «Маҳаллий давлат ҳокимияти тўғрисида»ги Қонуннинг 6-моддасига асосан қарор қиламан:

1. Тошкент вилояти ҳокимининг 2025 йил 29 апрелдаги «Тошкент тумани ҳудудидаги бўш турган ер майдонини давлат мулки сифатида давлат рўйхатидан ўтказиш тўғрисида»ги 289-10-0-Қ/25-сонли қарори маълумот ва ижро учун қабул қилинсин.

2. «Турғун Агро» фермер хўжалиги раҳбари Кадиров Равшан Тургуновичнинг

2025 йил 25 мартдаги 202501870000939-сонли ер майдонини захирага қайтариш тўғрисидаги нотариал тасдиқланган аризасига асосан, Тошкент тумани харитасининг «Турғунбой Соҳибкор агро» ҳудуди 872, 873, 879, 880, 888-контурлардаги 8,54 гектар ер майдони Тошкент тумани давлат захира ерлари таркибига қайтарилганлиги маълумот учун қабул қилинсин. Давлат захирасига қайтарилган ер майдони бўш турган ер майдони ҳисобланишини инобатга олиб, Давлат мулки сифатида давлат рўйхатидан ўтказилганлиги инобатга олинсин.

3. Тошкент тумани ҳокимининг ўринбосари (С.Мирсагатов) қарорда келтирилган жами 8,54 гектар ер майдонини давлат мулки сифатида давлат рўйхатидан ўтказиш мақсадида, белгиланган тартибда Давлат кадастрлари палатаси вилоят бошқармасига буюртма берсин.

4. Давлат кадастрлари палатаси туман филиали (О.Холдоров) бўш турган 8,54 гектар ер майдонини давлат мулки сифатида давлат рўйхатидан ўтказсин ҳамда кадастр ҳужжатларини расмийлаштирсин.

5. Мазкур қарор ижросини назорат қилиш туман ҳокими ўринбосари С.Мирсагатов зиммасига юклансин.