«Географик объектларнинг номлари тўғрисида»ги Ўзбекистон Республикаси Қонуни, Ўзбекистон Республикаси Вазирлар Маҳкамасининг 2012 йил 16 октябрдаги «Географик обектларнинг номларини тартибга солиш чора-тадбирлари тўғрисида»ги 295 сонли қарорига, Ёзёвон туман ҳокимлиги ҳузуридаги Географик объектларни номлаш ва қайта номлаш масалалари бўйича комиссияси томонидан хатлов натижаларига асосан номсиз истироҳат боғ бўйича таклиф тайёрланиб, Фарғона вилояти ҳокимлиги ҳузуридаги Географик объектларни номлаш ва қайта номлаш масалалари бўйича комиссиясининг Ўзбекистон Республикаси Иқтисодиёт ва молия вазирлиги ҳузуридаги Кадастр агентлигининг Республика топонимика хизматидан 2025 йил 22 апрель куни 05-19-6244 сонли хати билан «Географик объектларга ном бериш ёки уларни қайта номлаш тўғрисидаги таклифларнинг қонун ҳужжатлари талабларига мувофиқлиги ҳақида» эксперт хулосаси олинди ва 918 та кўча номлари мувофиқ деб топилиб, белгиланган тартибда ижобий хулосалар олинди.

Юқоридагиларни инобатга олиб, шунингдек, «Маҳаллий давлат ҳокимияти тўғрисида»ги Ўзбекистон Республикаси Қонунининг 24-моддасига асосан, халқ депутатлари Ёзёвон тумани Кенгаши қарор қилади:

1. «Географик объектларнинг номлари тўғрисида»ги Ўзбекистон Республикаси қонуни ҳамда Вазирлар Маҳкамасининг 2012 йил 16 октябрдаги 295 сон қарорига мувофиқ Ёзёвон тумани Географик объектларни номлаш ва қайта номлаш масалалари бўйича комиссиясининг амалга оширилган ишлари тўғрисидаги Давлат тилини ривожлантириш бўйича Ёзёвон туман ҳокимининг маслаҳатчиси Н.Обидованинг ахбороти маълумот учун қабул қилинсин.

2. Ёзёвон туман комиссияси томонидан географик объектларни қайта номлаш бўйича тақдим этилган ҳамда қонун талабларига мувофиқ деб топилган географик объект (кўчалар) номи иловага асосан тасдиқлансин, шунингдек, белгиланган тартибда давлат реестри базасига киритилсин.

3. Ёзёвон туман ҳокимлиги Ахборот хизмати (А.Худойқулов)га ушбу қарорни кенг оммага етказиш тавсия этилсин.

4. Белгилансинки, ушбу қарор оммавий ахборот воситаларида расмий эълон қилинган кундан бошлаб кучга киради.

5. Мазкур қарор бажарилишига туман ҳокимининг ўринбосари Ш.Мирзалиев, Кадастрлар палатаси Ёзёвон тумани филиали раҳбари Н.Имоматовлар шахсан масъул эканлиги белгилаб қўйилсин.

6. Ушбу қарор бажарилишининг назорати Халқ депутатлари Ёзёвон туман Кенгашининг «Ижтимоий соҳа, ёшлар сиёсати, маданият ва спорт масалалари бўйича» доимий комиссияси раиси Ш.Мирзалиев ҳамда давлаттилини ривожлантириш бўйича Ёзёвон тумани ҳокимининг маслаҳатчиси Н.Обидовалар зиммасига юклансин.